Karshakan
മണ്ണിൽ പൊന്നു വിളയിക്കും വെെദികർ
മണ്ണിൽ പൊന്നു വിളയിക്കും വെെദികർ
Tuesday, November 12, 2024 10:56 AM IST
ജോ​യെ​ൽ നെ​ല്ലി​ക്കു​ന്നേ​ൽ
വ​ത്സ​ര​ത്തി​ലെ വി​വി​ധ കാ​ല​ങ്ങ​ൾ അ​നു​ഗൃ​ഹീ​ത​വും ഐ​ശ്വ​ര്യ​പൂ​ർ​ണ​വു​മാ​കാ​നാ​യി ബ​ലി​യ​ർ​പ്പി​ച്ച് പ്രാ​ർ​ഥി​ക്കു​ന്ന വൈ​ദി​ക​ർ, മ​ണ്ണി​ന്‍റെ സ്പ​ന്ദ​ന​ങ്ങ​ൾ അ​റി​ഞ്ഞ് കൃ​ഷി​യു​ടെ മ​ഹ​ത്വം പു​തു​ത​ല​മു​റ​യ്ക്ക് തൊ​ട്ടു കാ​ണി​ച്ചു കൊ​ടു​ത്താ​ലോ?

എ​റ​ണാ​കു​ളം ജി​ല്ല​യി​ൽ മ​ഞ്ഞ​ള്ളൂ​ർ പ​ഞ്ചാ​യ​ത്തി​ലെ പൈ​നാ​പ്പി​ൾ ഗ്രാ​മ​മാ​യ വാ​ഴ​ക്കു​ള​ത്തെ ക​ർ​മ​ല ആ​ശ്ര​മ​ത്തി​ലെ വൈ​ദി​ക​രാ​ണു മ​ണ്ണി​ൽ പൊ​ന്നു വി​ള​യി​ച്ചു മാ​തൃ​ക​യാ​കു​ന്ന​ത്. മ​ണ്ണു വേ​ണ്ട, വി​ണ്ണു മ​തി എ​ന്നു പ​റ​ഞ്ഞു പാ​യു​ന്ന ത​ല​മു​റ​യോ​ട് വി​ണ്ണ​ല്ല മ​ണ്ണാ​ണ് ഉ​ണ്ണാ​ൻ ത​രു​ന്ന​തെ​ന്ന ഓ​ർ​മ​പ്പെ​ടു​ത്ത​ൽ കു​ടി​യാ​ണ് ഈ ​വൈ​ദി​ക​ർ ന​ട​ത്തു​ന്ന​ത്.

ഇ​തി​ന്‍റെ അം​ഗീ​കാ​ര​മെ​ന്ന​വ​ണ്ണം സ​മ​ഗ്ര കൃ​ഷി​യി​ട സൂ​ക്ഷി​പ്പി​ന്േ‍​റ​യും ത​രി​ശു ഭൂ​മി​യി​ലെ കൃ​ഷി പ്രോ​ത്സാ​ഹ​ന​ത്തി​ന്‍റെ​യും പേ​രി​ൽ സം​സ്ഥാ​ന സ​ർ​ക്കാ​ർ ഈ ​ആ​ശ്ര​മ വൈ​ദി​ക​രെ അ​വാ​ർ​ഡു ന​ൽ​കി ആ​ദ​രി​ക്കു​ക​യും ചെ​യ്തു.

നെ​ല്ലും വാ​ഴ​യും

മൂ​ന്നേ​ക്ക​റോ​ളം നെ​ൽ​കൃ​ഷി, 200 ലേ​റെ ടി​ഷ്യു​ക്ക​ൾ​ച്ച​ർ വാ​ഴ, 500ൽ ​പ​രം മ​ര​ച്ചീ​നി, ചേ​ന, ചേ​ന്പ്, കാ​ച്ചി​ൽ വി​വി​ധ​യി​നം പ​ച്ച​ക്ക​റി​ക​ൾ തു​ട​ങ്ങി​യ ഭ​ക്ഷ്യ​വി​ള​ക​ളും കു​രു​മു​ള​ക്, ക​ശു​മാ​വ്, തെ​ങ്ങ്, പ്ലാ​വ്, റ​ബ​ർ എ​ന്നി​വ​യും പ​ഴ​വ​ർ​ഗ​ങ്ങ​ളാ​യ പൈ​നാ​പ്പി​ൾ, മാ​വ്, സ​പ്പോ​ട്ട, റം​ബൂ​ട്ടാ​ൻ, പ​പ്പാ​യ, മാ​ങ്കോ​സ്റ്റീ​ൻ, എ​ഗ് ഫ്രൂ​ട്ട്, പാ​ഷ​ൻ ഫ്രൂ​ട്ട്, കു​റ്റി​മു​ല്ല, ബ​ന്ദി​പ്പൂ തു​ട​ങ്ങി​യ​വ​യും ആ​ശ്ര​മ​ത്തി​ൽ കൃ​ഷി ചെ​യ്യു​ന്നു.

എ​ട്ട് എ​രു​മ​ക​ൾ, മൂ​ന്നു പ​ശു​ക്ക​ൾ, മൂ​ന്നു പോ​ത്തു​ക​ൾ, 10 പ​ന്നി​ക​ൾ, കോ​ഴി​ക​ൾ, മ​ത്സ്യം തു​ട​ങ്ങി​യ​വ​യും വൈ​ദി​ക​രു​ടെ സം​ര​ക്ഷ​ണ​യി​ൽ വ​ള​രു​ന്നു. മി​ല്ല​റ്റ് വ​ർ​ഷ​ത്തോ​ട​നു​ബ​ന്ധി​ച്ച് മ​ണി​ച്ചോ​ള​വും ആ​ശ്ര​മ​ത്തി​ൽ കൃ​ഷി ചെ​യ്തി രു​ന്നു. മൂ​ന്ന​ര​പ്പ​തി​റ്റാ​ണ്ടാ​യി ത​രി​ശു കി​ട​ന്ന സ്ഥ​ല​ത്ത് നെ​ൽ​കൃ​ഷി ചെ​യ്യാ​നാ​രം​ഭി​ച്ച​തും ശ്ലാ​ഘ​നീ​യ​മാ​യി.

ഫാ. ​തോ​മ​സ് മ​ഞ്ഞ​ക്കു​ന്നേ​ൽ, ഫാ. ​ബി​നോ​യി ചാ​ത്ത​നാ​ട്ട്, ഫാ. ​ബി​നു ഇ​ല​ഞ്ഞേ​ട​ത്ത് എ​ന്നി​വ​രു​ടെ നേ​തൃ​ത്വ​ത്തി​ലാ​ണ് കൃ​ഷി​യി​ട​ത്തി​ൽ നൂ​റു​മേ​നി വി​ള​യി​ക്കു​ന്ന​ത്. 2017ലാ​ണ് ഫാ. ​ബി​നു, കാ​ർ​ഷി​ക മേ​ഖ​ല​യെ പു​ന​രു​ജ്ജീ​വി​പ്പി​ക്ക​ണ​മെ​ന്ന ആ​ശ​യം സ​ഹ​വൈ​ദി​ക​രോ​ട് പ​ങ്കു​വ​യ്ക്കു​ന്ന​ത്.

തൊ​ട്ട​ടു​ത്ത കാ​ർ​ഷി​ക ഗ്രാ​മ​മാ​യ ആ​വോ​ലി​യി​ലെ ക​ർ​ഷ​ക കു​ടും​ബ​ത്തി​ൽ ജ​നി​ച്ചു വ​ള​ർ​ന്ന അ​ദ്ദേ​ഹ​ത്തി​ന് മ​ണ്ണ് ത​രി​ശി​ടു​ന്ന​ത് ഒ​ട്ടും സ​ഹി​ക്കാ​നാ​കു​മാ​യി​രു​ന്നി​ല്ല. വാ​ഴ​ക്കു​ളം ഇ​ൻ​ഫ​ന്‍റ് ജീ​സ​സ് ഹൈ​സ്കൂ​ളി​ലെ അ​ധ്യാ​പ​നം, ആ​ശ്ര​മ വൈ​ദി​ക​ൻ തു​ട​ങ്ങി​യ തി​ര​ക്കു​ക​ൾ​ക്കി​ട​യി​ൽ നെ​ൽ​കൃ​ഷി​യൊ​ഴി​കെ മ​റ്റു കൃ​ഷി​ക​ളൊ​ന്നും ന​ന്നാ​യി പ​രി​പാ​ലി​ക്കാ​ൻ ഫാ. ​ബി​നു​വി​ന് ക​ഴി​ഞ്ഞി​ല്ല.

അ​തി​നു പ​രി​ഹാ​ര​മെ​ന്ന​വ​ണ്ണ​മാ​ണ് സ​മാ​ന ചി​ന്താ​ഗ​തി​യു​ള്ള ഫാ.​ബി​നോ​യി ചാ​ത്ത​നാ​ട്ട് തൊ​ട്ട​ടു​ത്ത വ​ർ​ഷം 2018ൽ ​സ്ഥ​ലം മാ​റി​യെ​ത്തി​യ​ത്. തോ​പ്രാം​കു​ടി സ്വ​ദേ​ശി​യാ​യ ഫാ.​ബി​നോ​യി​ക്ക് ക​ർ​ഷ​ക പാ​ര​ന്പ​ര്യം ഏ​റെ​യു​ണ്ടാ​യി​രു​ന്നു താ​നും. അ​ധ്യാ​പ​ക​ൻ, ക​ർ​ഷ​ക​ൻ എ​ന്നീ പ്ര​വ​ർ​ത്ത​ന​ങ്ങ​ൾ​ക്ക് തു​ല്യ​പ്രാ​ധാ​ന്യ​മാ​ണ് ഈ ​പു​രോ​ഹി​ത​ൻ ന​ൽ​കു​ന്ന​ത്.



സ​മാ​ന ചി​ന്താ​ഗ​തി​ക​ളു​ള്ള ഇ​രു​വ​രു​ടെ ഒ​ത്തു​ചേ​ര​ൽ വ​ഴി ക​ർ​മ​ല ആ​ശ്ര​മ​ക്കു​ന്ന് സാ​വ​ധാ​നം മ​നോ​ഹ​ര​മാ​യ കൃ​ഷി​യി​ട​മാ​യി മാ​റു​ക​യാ​യി​രു​ന്നു. ആ​ശ്ര​മ പ​രി​സ​ര​ത്ത് ല​ഭ്യ​മാ​യ ഓ​രോ ന്ധ​തൂ​ന്പ​പ്പാ​ട്’ സ്ഥ​ല​ത്തും എ​ന്തു ന​ട്ടു പി​ടി​പ്പി​ക്കാ​നാ​കു​മെ​ന്നാ​യി​രു​ന്നു അ​വ​രു​ടെ ചി​ന്ത.


മ​ണ്ണു​മൂ​ടി ക​ര​ഭൂ​മി​യാ​യി മാ​റി​ക്കൊ​ണ്ടി​രു​ന്ന പ്ര​ദേ​ശ​ത്ത് ജ​ല​ല​ഭ്യ​ത ഉ​റ​പ്പാ​ക്കി നെ​ൽ​കൃ​ഷി ആ​രം​ഭി​ക്കു​ക​യാ​ണ് ആ​ദ്യം ചെ​യ്ത​ത്. ഏ​റെ ശ്ര​മ​ക​ര​മാ​യി​രു​ന്നു അ​ത്. മ​ര​ങ്ങ​ളു​ടെ ചെ​റു ചി​ല്ല​ക​ൾ ഇ​ല​ക​ൾ ഉ​ൾ​പ്പെ​ടെ മ​ണ്ണി​ൽ താ​ഴ്ത്തി കാ​ലി​വ​ള​വും ചേ​ർ​ത്ത് വ​ള​ക്കൂ​റു​ള്ള നെ​ൽ​പ്പാ​ടം പ​രു​വ​പ്പെ​ടു​ത്തു​ക​യാ​യി​രു​ന്നു.

ഒ​പ്പം പാ​ഴ്ത​ടാ​കം പോ​ലെ ഉ​പേ​ക്ഷി​ക്ക​പ്പെ​ട്ട മ​റ്റൊ​രു നെ​ൽ​പ്പാ​ട​ത്തി​നും ഇ​രു​വ​രും ചേ​ർ​ന്നു പു​തു​ജീ​വ​ൻ ന​ൽ​കി. പ​യ​ർ വി​ത​ച്ചു ചെ​ടി​ക​ളാ​യ​പ്പോ​ൾ അ​പ്പാ​ടെ മ​ണ്ണി​ൽ വ​ള​മാ​യി ചേ​ർ​ത്തു ന​ൽ​കി.


ഒ​രി​ട​ത്തെ പ​ച്ച​പ്പ​ട്ട​ണി​ഞ്ഞ പാ​ട​വും തൊ​ട്ട​ടു​ത്തു​ള്ള ജ​പ്പാ​ൻ വ​യ​ല​റ്റ് നെ​ൽ​പ്പാ​ട​വും ഗ്രാ​മ്യ​ക്കാ​ഴ്ച​യു​ടെ വേ​റി​ട്ട ഭം​ഗി​യാ​യി. നെ​ൽ​കൃ​ഷി കാ​ണാ​ൻ പു​തു​ത​ല​മു​റ​യി​ലെ കു​ട്ടി​ക​ൾ കൂ​ട്ട​മാ​യി സ്കൂ​ളു​ക​ളി​ൽ നി​ന്നെ​ത്തി​യ​പ്പോ​ൾ അ​വ​ർ​ക്ക​ത് പ​ഠ​ന​ക്ക​ള​രി​യു​മാ​യി.

പ​ശു വ​ള​ർ​ത്ത​ലും

വൈ​ക്കോ​ൽ യ​ഥേ​ഷ്ടം കി​ട്ടി​ത്തു​ട​ങ്ങി​യ​പ്പോ​ൾ പ​ശു വ​ള​ർ​ത്താ​മെ​ന്ന ചി​ന്ത​യാ​യി. അ​തി​പ്പോ​ൾ 14 ഉ​രു​ക്ക​ളി​ൽ എ​ത്തി നി​ൽ​ക്കു​ന്നു. പ​ശു വ​ള​ർ​ത്ത​ൽ തു​ട​ങ്ങി​യ​തോ​ടെ നെ​ൽ​പ്പാ​ട​ത്തേ​ക്ക് കാ​ലി വ​ളം വേ​റെ വേ​ണ്ടി വ​ന്നി​ല്ല.

35 ലി​റ്റ​റോ​ളം പാ​ലും ല​ഭി​ക്കും. ആ​ശ്ര​മ​ത്തി​ലെ വൈ​ദി​ക​രും ജോ​ലി​ക്കാ​രും അ​തി​ഥി​ക​ളു​മു​ൾ​പ്പെ​ടെ ശ​രാ​ശ​രി 30 പേ​ർ​ക്ക് ദൈ​നം ദി​നം ഭ​ക്ഷ​ണം പാ​കം ചെ​യ്യാ​ൻ പ്ര​തി​മാ​സം പ​ത്തി​ലേ​റെ പാ​ച​ക വാ​ത​ക സി​ല​ണ്ട​റു​ക​ൾ ഉ​പ​യോ​ഗി​ച്ച​ത് ബ​യോ​ഗ്യാ​സ് പ്ലാ​ന്‍റി​ന്‍റെ വ​ര​വോ​ടെ ഒ​ന്നാ​യി ചു​രു​ങ്ങി.

ഹ്ര​സ്വ​കാ​ല കൃ​ഷി​ക​ൾ ചെ​യ്യു​ന്ന​തി​നാ​ൽ ത​ന്നാ​ണ്ടി​ൽ ഒ​രേ മ​ണ്ണി​ൽ ത​ന്നെ പ​ല​യി​നം കൃ​ഷി​ക​ൾ ചെ​യ്യാ​ൻ ക​ഴി​യു​ന്നു. വാ​ഴ​യ്ക്ക് ഇ​ട​വി​ള​യാ​യി ചെ​റു ത​ണ​ലി​ൽ ചെ​യ്ത മ​ണി​ച്ചോ​ളം ന​ല്ല വി​ള​വ് ന​ൽ​കി. മ​ര​ച്ചീ​നി വി​ള​വെ​ടു​പ്പി​നു ശേ​ഷ​മാ​യി​രു​ന്നു മി​ല്ല​റ്റ് കൃ​ഷി.

കൃ​ഷി​യി​ട​ത്തി​ൽ നാ​ട്ട​റി​വു​ക​ൾ പ​ക​രാ​നും അ​ധ്വാ​നം പ​ങ്കി​ടാ​നും ജോ​സ് ഉ​റു​ന്പി​ൽ, റോ​യി വെ​ട്ടി​ക്കു​ഴി, ബി​ജു ത​ട​ത്തി​ൽ, സ്വാ​മി എ​ന്നി​വ​രു​മു​ണ്ട്. നെ​ൽ​പ്പാ​ട​ത്ത് വി​ത്തു വി​ത​യ്ക്കാ​നും ഞാ​റൊ​രു​ക്കാ​നും കാ​ടു​പ​ട​ലം വെ​ട്ടി തെ​ളി​ക്കു​ന്ന​തി​നു​മൊ​ക്കെ ഫാ.​ആ​ന്‍റ​ണി ഉ​രു​ളി​യാ​നി​ക്ക​ൽ, ഫാ.​ജോ​ണ്‍​സ​ണ്‍ വെ​ട്ടി​ക്കു​ഴി​യി​ൽ തു​ട​ങ്ങി​യ​വ​രു​മു​ണ്ട്.



കൃ​ഷി വ​കു​പ്പി​ന് കൈ ​കൊ​ടു​ത്ത്

മ​ഞ്ഞ​ള്ളൂ​ർ പ​ഞ്ചാ​യ​ത്ത് കൃ​ഷി ഓ​ഫീ​സ​ർ ടി.​എം. ആ​രി​ഫ, കൃ​ഷി അ​സി​സ്റ്റ​ന്‍റു​മാ​രാ​യ പി.​എ. പ്ര​ദീ​പ്, റ​സീ​ന അ​ബ്ദു​ൽ റ​ഹിം, ഫീ​ൽ​ഡ് അ​സി​സ്റ്റ​ന്‍റ് ദി​നേ​ശ് കെ.​സ​ഹ​ദേ​വ​ൻ എ​ന്നി​വ​ർ ആ​ശ്ര​മ കൃ​ഷി​യി​ട​ത്തെ​ക്കു​റി​ച്ച് പ​റ​യു​ന്പോ​ൾ ത​ന്നെ വാ​ചാ​ല​രാ​കും.

സ​ർ​ക്കാ​ർ ന​ൽ​കു​ന്ന ഏ​തു കാ​ർ​ഷി​ക പ​ദ്ധ​തി പൂ​ർ​ണ മ​ന​സോ​ടെ ന​ട​പ്പി​ലാ​ക്കു​ന്ന വൈ​ദി​ക​രെ​ക്കു​റി​ച്ച് ബ​ഹു​മാ​ന​പൂ​ർ​വ​ക​മാ​യ അ​ഭി​മാ​ന​മാ​ണ് ഇ​വ​ർ​ക്കു​ള്ള​ത്. കാ​ർ​ഷി​ക ഗ​വേ​ഷ​ണ കേ​ന്ദ്ര​ങ്ങ​ളി​ൽ വി​ക​സി​പ്പി​ച്ചെ​ടു​ത്ത വി​വി​ധ​യി​നം വി​ത്തു​ക​ളും ചെ​ടി​ക​ളും ആ​ശ്ര​മ​കൃ​ഷി​യി​ൽ പ​രീ​ക്ഷി​ച്ചു വി​ജ​യി​പ്പി​ച്ചി​ട്ടു​ണ്ട്.

പു​ഷ്പ​കൃ​ഷി​യും ടി​ഷ്യു​ക​ൾ​ച്ച​ർ ഏ​ത്ത​വാ​ഴ​യും വി​വി​ധ പ​ച്ച​ക്ക​റി​ക​ളും ഇ​ക്കൂ​ട്ട​ത്തി​ൽ ഉ​ൾ​പ്പെ​ടും. പ​ടു​താ​ക്കു​ള​ത്തി​ൽ ന​ട​ത്തു​ന്ന മ​ത്സ്യ​കൃ​ഷി​യും ചു​റ്റു​വ​ട്ട​ത്തെ മു​ട്ട​ക്കോ​ഴി വ​ള​ർ​ത്ത​ലും ചേ​രു​ന്പോ​ൾ ആ​ശ്ര​മാ​ന്ത​രീ​ക്ഷം തി​ക​ച്ചും ജീ​വി സൗ​ഹൃ​ദ മേ​ഖ​ല.