സിനിമ മുടങ്ങിയതിനെ ചൊല്ലിയുണ്ടായ തർക്കത്തെ തുടർന്ന് സംവിധായകൻ ഭരത് നവുന്ദയ്ക്ക് നേരെ വെടിയുതിർത്ത സംഭവത്തിൽ നടൻ താണ്ഡവ് റാം (തണ്ഡസ്വവാര) അറസ്റ്റിൽ. ബംഗളൂരുവിലെ ഒരു നിർമാതാവിന്‍റെ ഓഫീസിൽ തിങ്കളാഴ്ചയാണ് സംഭവം.
ജോഡി ഹക്കി, ഭൂമിഗേ ബന്ധ ഭഗവന്ത തുടങ്ങിയ ടെലിവിഷൻ സീരിയലുകളിൽ പ്രധാന വേഷങ്ങൾ ചെയ്തിട്ടുള്ളയാളാണ് നടൻ താണ്ഡവ് റാം.
ദേവനാംപ്രിയ എന്ന പേരിൽ കന്നഡ-തെലുങ്ക് നാടകത്തിനായി താണ്ഡവ് റാം ആറു ലക്ഷം രൂപ നിക്ഷേപിച്ചിരുന്നു. സംവിധായകൻ താണ്ഡവ് റാമിന് നാടകത്തിൽ പ്രധാനവേഷവും വാഗ്ദാനം ചെയ്തിരുന്നു.
നാടകത്തിന്‍റെ ഷൂട്ടിംഗ് രണ്ട് വർഷമായി നടക്കുന്നുണ്ടെങ്കിലും അടുത്തിടെ നിർത്തിവച്ചു. ഇതോടെ താണ്ഡവ് റാം നവുന്ദയോട് പണം തിരികെ ആവശ്യപ്പെട്ടു. തിങ്കളാഴ്ച ഈ വിഷയത്തെക്കുറിച്ചുള്ള സംസാരം തർക്കത്തിൽ കലാശിച്ചു.
തുടർന്നാണ് താണ്ഡവ് റാം ലൈസൻസുള്ള തോക്ക് ഉപയോഗിച്ച് സംവിധായകന് നേരെ വെടിയുതിർത്തത്. തലനാരിഴയ്ക്കാണ് ഇദ്ദേഹം രക്ഷപെട്ടത്. സംഭവത്തിൽ ഭാരതീയ ന്യായ സൻഹിതയുടെ (ബിഎൻഎസ്) സെക്ഷൻ 109 പ്രകാരം നടനെതിരെ പോലീസ് കേസെടുത്തു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.