ദമാം: ദമാം ലേഡീസ് മാർക്കറ്റ് ആസ്ഥാനമായി സാമൂഹിക സാംസ്ക്കാരിക ജീവകാരുണ്യ മേഖലകളിൽ പ്രവർത്തിക്കുന്ന മിഷ്കാത്ത് സുന്നി സെന്‍ററിന് 2025-26 വർഷത്തേക്കുള്ള പുതിയ കമ്മിറ്റി നിലവിൽ വന്നു.
ഐസിഎഫ് ദമാം റീജിയൺ പ്രസിഡന്‍റ് അഹ്മദ് നിസാമി ഉദ്ഘാടനം ചെയ്തു. മിഷ്കാത്ത് ഹാളിൽ നടന്ന ഇഫ്താർ മീറ്റ് സംഗമത്തിൽ ഐസിഎഫ് ഇൻറ്റർനാഷണൽ കൗൺസിൽ സെക്രട്ടറി സലീം പാലച്ചിറ പ്രഖ്യാപനം നടത്തി. ആർഎസ്‌സി സൗദി ഈസ്റ്റ് ഇബി അംഗം സയ്യിദ് സഫ് വാൻ തങ്ങൾ കൊന്നാര അധ്യക്ഷത വഹിച്ചു.
2025-26 വർഷത്തേക്കുള്ള പുതിയ ഭാരവാഹികൾ: ഷഫീഖ് ജൗഹരി കൊല്ലം (പ്രസിഡന്‍റ്), സക്കീറുദീൻ മന്നാനി ചടയമംഗലം (ജനറൽ സെക്രട്ടറി), അഷ്റഫ് ചാപ്പനങ്ങാടി (ഫിനാൻസ് സെക്രട്ടറി), വൈസ് പ്രസിഡന്‍റുമാർ സയ്യിദ് സഫ് വാൻ തങ്ങൾ കൊന്നാര, അബൂബക്കർ മുവ്വാറ്റുപുഴ,
ജോയിന്‍റ് സെക്രട്ടറിമാർ നാസിം വിളച്ചിക്കാല, സിനാജ് കോതമംഗലം, പ്രവർത്തക സമിതി അംഗങ്ങൾ അബ്ദുൽ വാഹിദ് മഞ്ഞപ്പാറ, റിഷാദ് ഇളം പഴന്നൂർ, അബ്ദുൽ ജലാൽ പോത്തൻകോട്, സ്വാദിഖ് പൂവാർ, യാസിർ മന്നാനി, അൻഷാദ് പുഴക്കാട്ടിരി, ഇബ്രാഹിം കോതമംഗലം, മുസ്തഫ താനൂർ, കോയ മണ്ണാർക്കാട് എന്നിവരെയും തെരഞ്ഞെടുത്തു.
ഐസിഎഫ് ദമാം റീജൺ ഹാർമണി ആൻഡ് എമിനൻസ് സെക്രട്ടറിയായി തെരഞ്ഞെടുക്കപ്പെട്ട അഷ്റഫ് ചാപ്പനങ്ങാടിയേയും സെനറ്റ് അംഗമായ സക്കീറുദ്ധീൻ മന്നാനിയേയും ചടങ്ങിൽ ആദരിച്ചു.
നീണ്ട പ്രവാസ ജീവിതം അവസാനിപ്പിച്ച് നാട്ടിലേക്ക് മടങ്ങുന്ന അബ്ദുൽ നാസർ ചീക്കോടിനെ സ്നേഹോപഹാരം നൽകി ആദരിച്ചു. അഷ്റഫ് പട്ടുവം, അൻവർ കളറോട്,മുനീർ തോട്ടട, മുസ്തഫ മുക്കൂട് എന്നിവർ പരിപാടികൾക്ക് നേതൃത്വം നൽകി.