മൂ​വാ​റ്റു​പു​ഴ​യാ​റി​ന്‍റെ തീ​ര​ത്ത് ലോ​റി​യി​ൽ മാ​ലി​ന്യം ത​ള്ളി‍
Sunday, June 16, 2024 7:17 AM IST
നാ​ട്ടു​കാ​രും പ​ഞ്ചാ​യ​ത്ത് അ​ധി​കൃ​ത​രും ചേ​ർ​ന്ന് ടി​പ്പ​ർ പി​ടി​കൂ​ടി

ത​ല​യോ​ല​പ്പ​റ​മ്പ്: വെ​ള്ളൂ​ർ വ​രി​ക്കാം​കു​ന്ന് പു​ലു​മു​ഖം പാ​ല​ത്തി​നു സ​മീ​പം മൂ​വാ​റ്റു​പു​ഴ​യാ​റി​ന്‍റെ തീ​ര​ത്ത് പ​ട്ടാ​പ്പ​ക​ൽ മാ​ലി​ന്യം ത​ള്ളി​യ ടി​പ്പ​ർ ലോ​റി നാ​ട്ടു​കാ​രും പ​ഞ്ചാ​യ​ത്ത് ജീ​വ​ന​ക്കാ​രും ചേ​ർ​ന്ന് പി​ടി​കൂ​ടി. ലോ​റി ത​ല​യോ​ല​പ്പ​റ​മ്പ് പോലീ​സി​നു കൈ​മാ​റി. വെ​ള്ളൂ​ർ ബി​നോ​യി നി​വാ​സി​ൽ ബി​നോ​യി, മു​ത്തേ​ട​ത്ത് പ്ര​താ​പ​ൻ എ​ന്നി​വ​രു​ടെ ഉ​ട​മ​സ്‌​ഥ​ത​യി​ലു​ള്ള സ്‌​ഥ​ല​ത്താ​ണ് മാ​ലി​ന്യം ത​ള്ളി​യ​ത്.

വെ​ള്ളി​യാ​ഴ്‌​ച രാ​ത്രി മു​ത​ൽ ര​ണ്ട് ടി​പ്പ​ർ ലോ​റി​ക​ളി​ലാ​യി പ​ത്ത് ലോ​ഡ് മാ​ലി​ന്യം ത​ള്ളി​യ​താ​യി പ​ഞ്ചാ​യ​ത്തം​ഗം കെ.​എ​ൻ. സോ​ണി​ക പ​റ​ഞ്ഞു. അ​ധി​കം വാ​ഹ​ന സ​ഞ്ചാ​രം ഇ​ല്ലാ​ത്ത റോ​ഡി​ൽ വെ​ള്ളി​യാ​ഴ്ച രാ​ത്രി ഇ​ട​വി​ട്ട് ടി​പ്പ​ർ ലോ​റി വ​ന്നു പോ​കു​ന്ന​തു ക​ണ്ട് നാ​ട്ടു​കാ​ർ നോ​ക്കി​യ​പ്പോ​ഴാ​ണ് മാ​ലി​ന്യം ത​ള്ളി​യ​ത് ശ്ര​ദ്ധ​യി​ൽ​പ്പെ​ട്ട​ത്.

ഇ​ന്ന​ലെ രാ​വി​ലെ നാ​ട്ടു​കാ​ർ സം​ഭ​വം പ​ഞ്ചാ​യ​ത്തി​ൽ അ​റി​യി​ച്ചു. തു​ട​ർ​ന്ന് പ​ഞ്ചാ​യ​ത്തം​ഗ​ത്തി​ന്‍റെ നേ​തൃ​ത്വ​ത്തി​ൽ ജീ​വ​ന​ക്കാ​ർ എ​ത്തി സം​ഭ​വ​സ്‌​ഥ​ല​ത്ത് പ​രി​ശോ​ധ​ന ന​ട​ത്തു​ന്ന​തി​നി​ടെ വീ​ണ്ടും മാ​ലി​ന്യ​വു​മാ​യി ടി​പ്പ​ർ ലോ​റി എ​ത്തി. ജീ​വ​ന​ക്കാ​രെ ക​ണ്ട​തോ​ടെ ലോ​റി തി​രി​ച്ചു കൊ​ണ്ടു​പോ​കാ​ൻ ശ്ര​മം ന​ട​ത്തി​യെ​ങ്കി​ലും ജീ​വ​ന​ക്കാ​രും നാ​ട്ടു​കാ​രും പി​ന്തു​ട​ർ​ന്നു ടി​പ്പ​ർ പി​ടി​കൂ​ടു​ക​യാ​യി​രു​ന്നു. റ​ബ​ർ, പ്ലാ​സ്‌​റ്റി​ക് തു​ട​ങ്ങി​യ​വ ഉ​ൾ​പ്പെ​ട്ട മാ​ലി​ന്യ​മാ​ണ് ഇ​വി​ടെ ത​ള്ളി​യ​ത്. എ​റ​ണാ​കു​ളം ജി​ല്ല​യി​ലെ മു​ള​ന്തു​രു​ത്തി​യി​ൽ​നി​ന്നു കൊ​ണ്ടു​വ​ന്ന മാ​ലി​ന്യ​മാ​ണെ​ന്നാ​ണ് ലോ​റി ഉ​ട​മ പൊ​ലീ​സി​നോ​ട് പ​റ​ഞ്ഞ​ത്.

മാ​ലി​ന്യം ത​ള്ളി​യ​വ​ർ​ക്കെ​തി​രേ ക​ർ​ശ​ന നി​യ​മ ന​ട​പ​ടി സ്വീ​ക​രി​ക്ക​ണ​മെ​ന്നാ​വ​ശ്യ​പ്പെ​ട്ട് വെ​ള്ളൂ​ർ പ​ഞ്ചാ​യ​ത്ത് അ​ധി​കൃ​ത​ർ ത​ല​യോ​ല​പ്പ​റ​മ്പ് പൊ​ലീ​സി​ൽ പ​രാ​തി ന​ൽ​കി.

മൂ​വാ​റ്റു​പു​ഴ​യാ​റ്റി​ൽ ജ​ല​നി​ര​പ്പ് ഉ​യ​ർ​ന്നാ​ൽ മാ​ലി​ന്യം ത​ള്ളി​യ സ്‌​ഥ​ല​ത്ത് പെ​ട്ടെ​ന്നു വെ​ള്ളം ക​യ​റും. മാ​ലി​ന്യം സ​മീ​പ പ്ര​ദേ​ശ​ങ്ങ​ളി​ലേ​ക്കു ഒ​ഴു​കി വ്യാ​പി​ക്കു​ന്ന​തി​നു മു​മ്പ് മാ​ലി​ന്യം അ​വി​ടെ​നി​ന്നു നീ​ക്കം ചെ​യ്യാ​ൻ അ​ധി​കൃ​ത​ർ ന​ട​പ​ടി സ്വീ​ക​രി​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.
സം​ഭ​വ​വു​മാ​യി ബ​ന്ധ​പ്പെ​ട്ട് ടി​പ്പ​ർ ലോ​റി​യു​ടെ ഡ്രൈ​വ​ർ അ​ഖി​ലി​നെ​തി​രേ കേ​സ് എ​ടു​ത്ത​താ​യി ത​ല​യോ​ല​പ്പ​റ​മ്പ് പൊ​ലീ​സ് പ​റ​ഞ്ഞു.
Copyright @ 2018 , Rashtra Deepika Ltd.