ആലപ്പുഴ: കേരളത്തിലെ വ്യാപാര സൂഹത്തിന് മതിയായ ഇന്ഷ്വറന്സ് പരിരക്ഷ ലഭിക്കുന്നതിന് പ്രയത്നിക്കുമെന്നു കെ.സി. വേണുഗോപാല് എംപി. കേരള വ്യാപാരി വ്യവസായി ഏകോപന സമിതി 43-ാം വാര്ഷിക ആഘോഷവും 22-ാമത് ദ്വൈവാര്ഷിക സമ്മേളനവും ആലപ്പുഴ ഹോട്ടല് റമദയില് ഉദ്ഘാടനം ചെയ്യുകയായിരുന്നു അദ്ദേഹം.
ഇന്ത്യയില് വന്കിട കോര്പറേറ്റുകള്ക്കുവേണ്ടിയാണ് കേന്ദ്രസര്ക്കാര് നിലകൊള്ളുന്നത്. സാധാരണക്കാര്ക്കും പാവപ്പെട്ടവനുംവേണ്ടി സമയം കണ്ടെത്തുവാന് സമയം കിട്ടാത്ത സര്ക്കാരാണ് കേന്ദ്രം ഭരിക്കുന്നത്. സര്ക്കാര് കുത്തകകള്ക്കുവേണ്ടി നിലകൊള്ളുന്നു. മുന് മുഖ്യമന്ത്രി ഉമ്മന് ചാണ്ടി സര്ക്കാരാണ് കേരളത്തിലെ വ്യാപാര സൂഹത്തിനുവേണ്ടി നിലകൊണ്ടതെന്നും കെ.സി. വേണുഗോപാല് പറഞ്ഞു. ചെറുകിട കച്ചവടക്കാര്ക്കും കര്ഷകര്ക്കും വേണ്ടി നഷ്ടമുണ്ടാകുമ്പോള് അവരെ ആ മേഖലയില് തന്നെ പിടിച്ച് നിറുത്തുന്നതിനുള്ള മാര്ഗരേഖയാണ് കാലഘട്ടത്തിന്റെ ആവശ്യമെന്നും കെ.സി. പറഞ്ഞു.
കേരള വ്യാപാരി വ്യവസായി ഏകോപന സമിതി സംസ്ഥാന പ്രസിഡന്റ് രാജു അപ്സര അധ്യക്ഷത വഹിച്ചു. സംസ്ഥാന വര്ക്കിംഗ് പ്രസിഡന്റ് പി. കുഞ്ഞാവു ഹാജി മുഖ്യപ്രഭാഷണം നടത്തി. സംസ്ഥാന വൈസ് പ്രസിഡന്റ് കെ.വി. അബ്ദുള് ഹമീദ്, രാഷ്ട്രീയ പ്രമേയ അവതരണം നടത്തി, സംസ്ഥാന വൈസ് പ്രസിഡന്റ് പി.സി. ജേക്കബ് അനുശോചന പ്രമേയ അവതരണം നടത്തി. സംസ്ഥാന ട്രഷറര് എസ്. ദേവരാജന് കണക്കും റിപ്പോര്ട്ടും അവതരിപ്പിച്ചു.
സംസ്ഥാന ജനറല് സെക്രട്ടറി ദേവസ്യ മേച്ചേരി, സംസ്ഥാന സെക്രട്ടേറിയറ്റ് അംഗം വി. സബില് രാജ്, മറ്റു സംസ്ഥാന ഭാരവാഹികളായ എം.കെ. തോമസുകുട്ടി, എ.ജെ. ഷാജഹാന്, കെ. അഹമ്മദ് ഷെരീഫ്, ബാബു കോട്ടയില്, സണ്ണി പൈമ്പിള്ളില്, പി. കെ. ബാപ്പുഹാജി, അഡ്വ. എ.ജെ. റിയാസ്, ധനീഷ് ചന്ദ്രന്, ജോജിന് ടി. ജോയ്, സലിം രാമനാട്ടുകര, സുബൈദ നാസര് എന്നിവര് പ്രസംഗിച്ചു.
സമ്മേളനത്തിനു മുന്പായി സംസ്ഥാന പ്രസിഡന്റ് പതാക ഉയര്ത്തി. സംസ്ഥാന സമ്മേളനത്തിന്റെ ഭാഗമായി സംസ്ഥാന ഭാരവാഹികളുടെ തെരഞ്ഞെടുപ്പും നടന്നു. അഡ്വ. അനില് ബാബു, അഡ്വ. ആദില് ബാബു, അഡ്വ. ഐശ്വര്യ എന്നിവര് വരണാധികാരികളായിരുന്നു. തുടര്ന്നു സംസ്ഥാന പ്രസിഡന്റിന്റെ സ്ഥാനാരോഹണം നടന്നു.