എടത്വ: ജലോത്സവ പ്രേമികളെ ആവേശത്തിലാഴ്ത്തി നെഹ്‌റു ട്രോഫി വള്ളംകളി അരങ്ങേറുന്ന ആലപ്പുഴ പുന്നമട കായലിന്‍ തലവടി ചുണ്ടന്‍ പ്രദര്‍ശന തുഴച്ചില്‍ നടത്തി. തലവടി യുബിസിയുടെ നേതൃത്വത്തിന്‍ നടന്ന പ്രദര്‍ശന തുഴച്ചില്‍ പ്രവാസ വ്യവസായി ചെയര്‍മാന്‍ റെജി ചെറിയാന്‍ ഫ്‌ളാഗ് ഓഫ് ചെയ്തു. ക്യാപ്റ്റന്‍ പത്മകുമാര്‍ പുത്തന്‍പറമ്പില്‍ ആദ്യ വിസില്‍ അടിച്ചതോടെ പുന്നമട കായലിനെ പുളകിതയാക്കി തലവടി ചുണ്ടന്‍ ഓളപ്പരപ്പുകള്‍ കീറിമുറിച്ച് മുന്നേറി.
പ്രദര്‍ശന തുഴച്ചിലിന് തലവടി ചുണ്ടന്‍ സമിതി സെക്രട്ടറി റിക്സണ് ഉമ്മന്‍ എടത്തില്‍, വര്‍ക്കിംഗ് പ്രസിഡന്‍റ് ജോമോന്‍ ചാക്കാലയില്‍, ട്രഷറര്‍ അരുണ്‍ കുമാര്‍, ചമ്പക്കുളം ബ്ലോക്ക് പഞ്ചായത്ത് അംഗം അജിത് പിഷാരത്ത്, തലവടി ഗ്രാമപഞ്ചായത്തംഗം ജോജി ജെ. വൈലോപ്പള്ളി, രക്ഷാധികാരി കെ.എ. പ്രമോദ്, ക്ലബ്ബ് പ്രസിഡന്‍റ് സായി ജോപ്പന്‍
ഐസക്, സെക്രട്ടറി സജിമോന്‍, ലീഡിംഗ് ക്യാപ്റ്റന്‍ രാഹുല്‍ പ്രകാശ്, പരിശീലകന്‍ സുനില്‍, പി.എം. കണ്ണന്‍, സെബിന്‍ മാത്യു, വി.വി. വിനോദ് എന്നിവര്‍ നേതൃത്വം നല്‍കി.
തലവടി ചുണ്ടന്‍ ഓവര്‍സീസ് ഫാന്‍സ് അസോസിയേഷന്‍, തലവടി ചുണ്ടന്‍ ഫാന്‍സ് അസോസിയേഷന്‍ എന്നിവരുടെ കൂട്ടായ സഹകരണത്തിലാണ് മത്സരത്തിന് തയാറെടുക്കുന്നത്.
2022 ഏപ്രില്‍ 14 നാണ് 120 വര്‍ഷം പഴക്കമുള്ള തടി കുറവിലങ്ങാട്ടുനിന്നു തലവടിയില്‍ എത്തിച്ച് കോയില്‍മുക്ക് സാബു നാരായണന്‍ ആചാരിയുടെ നേതൃത്വത്തില്‍ ഉളികുത്ത് കര്‍മം നടന്നത്.
127 അടി നീളവും 52 അംഗുലം വീതിയും 18 അംഗുലം ഉള്‍ത്താഴ്ചയും 83 തുഴച്ചില്‍ക്കാരും
അഞ്ചു പങ്കായകാരും, 9 നിലക്കാരും ഉള്‍പ്പെടെ 97 പേര്‍ക്ക് കയറുവാന്‍ സാധിക്കുന്ന തരത്തിലാണ് വള്ളത്തിന്‍റെ ഘടനയെന്ന് ടിടിബിസി മീഡിയ വിഭാഗം കണ്‍വീനര്‍മാരായ അജിത്ത് പിഷാരത്ത്, ഡോ. ജോണ്‍സണ്‍ വി. ഇടിക്കുള എന്നിവര്‍ പറഞ്ഞു.
ഷിനു എസ്. പിള്ള (പ്രസിഡന്‍റ്), റിക്സണ് എടത്തില്‍ (ജനറല്‍ സെക്രട്ടറി), അരുണ്‍ പുന്നശേരില്‍ (ട്രഷറര്‍), ജോമോന്‍ ചക്കാലയില്‍ (വര്‍ക്കിംഗ് പ്രസിഡന്‍റ്), കെ.ആര്‍. ഗോപകുമാര്‍, പ്രിന്‍സ് പാലത്തിങ്കല്‍, സുനില്‍ വെട്ടികൊമ്പില്‍(വൈസ് പ്രസിഡന്‍റുമാര്‍) ഷിക്കു അമ്പ്രയില്‍ (ഫിനാന്‍സ് കണ്‍വീനര്‍) എന്നിവരടങ്ങിയ 25 അംഗ കമ്മിറ്റിയാണ് ക്ലബ്ബിന്‍റെ പ്രവര്‍ത്തനങ്ങള്‍ ഏകോപിപ്പിക്കുന്നത്.