Business News
ക​റു​ത്ത​പൊ​ന്നാ​യി കു​രു​മു​ള​ക്
ക​റു​ത്ത​പൊ​ന്നാ​യി കു​രു​മു​ള​ക്
Monday, January 6, 2025 12:36 AM IST
വിപണിവിശേഷം/ കെ.​​​ബി. ഉ​​​ദ​​​യ​​​ഭാ​​​നു
വി​യ​റ്റ്നാ​മി​ൽ കു​രു​മു​ള​ക് കി​ട്ടാ​ക്ക​നി​യോ? അ​വി​ട​ത്തെ ചൈ​നീ​സ് വം​ശ​ജ​രാ​യ ക​യ​റ്റു​മ​തി​ക്കാ​ർ ഉ​ത്പ​ന്ന​ത്തി​നാ​യി പ​ര​ക്കം പാ​യു​ന്നു, ലൂ​ണാ​ർ ന്യൂ ​ഇ​യ​ർ ആ​ഘോ​ഷ​വേ​ള​യി​ലെ ആ​വ​ശ്യ​ങ്ങ​ൾ​ക്കു​ള്ള ച​ര​ക്ക് സം​ഭ​ര​ണം എ​ങ്ങു​മെ​ത്താ​ത്ത അ​വ​സ്ഥ​യി​ലാ​ണ്. മു​ള​ക് ക്ഷാ​മം മൂ​ലം ന​വം​ബ​ർ-​ഡി​സം​ബ​ർ കാ​ല​യ​ള​വി​ൽ ക​യ​റ്റു​മ​തി ഓ​ർ​ഡ​റു​ക​ൾ പൂ​ർ​ണ​മാ​ക്കാ​ൻ പ​ല​ർ​ക്കു​മാ​യി​ല്ല. ഓ​രോ ആ​ഴ്ച​യും വി​ല ഉ​യ​ർ​ത്തി സ്റ്റോ​ക്കി​സ്റ്റു​ക​ളെ ആ​ക​ർ​ഷി​ക്കാ​ൻ ന​ട​ത്തി​യ നീ​ക്ക​ങ്ങ​ളൊ​ന്നും ഫ​ലം ക​ണ്ടി​ല്ല.

വാ​രാ​വ​സാ​നം വി​യ​റ്റ്നാ​മി​ലെ മു​ഖ്യ കാ​ർ​ഷി​ക വി​പ​ണി​യാ​യ ഡാ​ങ് ഡാ​ങി​ൽ കു​രു​മു​ള​ക് വി​ല കി​ലോ 1,50,000 ഡോ​ങി​ലേ​ക്ക് ഉ​യ​ർ​ന്നു. നീ​ണ്ട ഇ​ട​വേ​ള​യ്ക്കു ശേ​ഷ​മാ​ണ് അ​വ​രു​ടെ പ്ര​ദേ​ശി​ക വി​പ​ണി​ക​ൾ ഇ​ത്ര​മാ​ത്രം ചൂ​ടു​പി​ടി​ക്കു​ന്ന​ത്. സീ​സ​ൺ ആ​രം​ഭി​ക്കാ​ൻ ഇ​നി​യും കാ​ത്തി​രി​ക്ക​ണം.
ഉ​ത്പാ​ദ​ന മേ​ഖ​ല​ക​ളി​ൽ ക​ഴി​ഞ്ഞ സീ​സ​ണി​ലെ​യും അ​തി​നു മു​ന്പു​ള്ള പ​ല വ​ർ​ഷ​ങ്ങ​ളി​ലെ​യും നീ​ക്കി​യി​രി​പ്പ് നേ​ര​ത്തേ​ത​ന്നെ വി​ല​ക്ക​യ​റ്റ​ത്തി​നി​ട​യി​ൽ പ​ല​രും വി​റ്റു​മാ​റി. സെ​പ്റ്റം​ബ​ർ-​ഒ​ക്‌​ടോ​ബ​റി​ൽ​ത​ന്നെ പ​ല ക​യ​റ്റു​മ​തി​ക്കാ​രും യൂ​റോ​പ്യ​ൻ ഷി​പ്പ്മെ​ന്‍റി​നാ​വ​ശ്യ​മാ​യ മു​ള​ക് കം​ബോ​ഡി​യ​യി​ൽ​നി​ന്നും ഇ​ന്തോ​നേ​ഷ്യ​യി​ൽ​നി​ന്നും വാ​ങ്ങി​യാ​ണ് ക​യ​റ്റു​മ​തി ഓ​ർ​ഡ​റു​ക​ൾ പൂ​ർ​ത്തീ​ക​രി​ച്ച​തെ​ന്ന വി​വ​രം മാ​സ​ങ്ങ​ൾ​ക്ക് മു​ന്നേ​ത​ന്നെ ഇ​തേ കോ​ള​ത്തി​ൽ വ്യ​ക്ത​മാ​ക്കി​യി​രു​ന്നു.

ഇ​തി​നി​ട​യി​ൽ ചൈ​നീ​സ് ഇ​റ​ക്കു​മ​തി​ക്കാ​ർ ഹോ​ങ്കോം​ഗ് ആ​സ്ഥാ​ന​മാ​യി പ്ര​വ​ർ​ത്തി​ക്കു​ന്ന റീ​സെ​ല്ല​ർ​മാ​രി​ൽ​നി​ന്നും ച​ര​ക്ക് ക​ണ്ട​ത്താ​നു​ള്ള ശ്ര​മ​ങ്ങ​ളും ന​ട​ത്തു​ന്നു​ണ്ട്. ഉ​ത്സ​വ​വേ​ള​യി​ൽ ഏ​ക​ദേ​ശം 20,000 ട​ൺ കു​രു​മു​ള​ക് ആ​വ​ശ്യ​മു​ണ്ട്. ഇ​തി​ന്‍റെ നാ​ലി​ലൊ​ന്ന് പോ​ലും കൈ​മാ​റാ​നാ​വി​ല്ലെ​ന്ന നി​ല​പാ​ടി​ലാ​ണ് ഹോ​ങ്കോം​ഗി​ലെ ഇ​ട​പാ​ടു​കാ​ർ.

ക​രു​ത​ൽ ശേ​ഖ​ര​വും ചു​രു​ക്കം

ആ​ഗോ​ള​ത​ല​ത്തി​ൽ വീ​ക്ഷി​ച്ചാ​ൽ ഇ​ത​ര ഉ​ത്പാ​ദ​ക രാ​ജ്യ​ങ്ങ​ളി​ലും ക​രു​ത​ൽ ശേ​ഖ​രം നാ​മാ​ത്രം. ക​ഴി​ഞ്ഞ​വ​ർ​ഷം കാ​ലാ​വ​സ്ഥ​യി​ലെ മാ​റ്റം മൂ​ലം ഉ​ത്പാ​ദ​നം കു​റ​ഞ്ഞ​തു​ത​ന്നെ​യാ​ണ് സ്റ്റോ​ക്ക് നി​ല ചു​രു​ങ്ങാ​ൻ ഇ​ട​യാ​ക്കി​യ​ത്. കേ​ര​ള​ത്തി​ലെ​യും ക​ർ​ണാ​ട​ക​യി​ലെ​യും ഉ​ത്പാ​ദ​ക​രു​ടെ പ​ത്താ​യ​ങ്ങ​ളും ഏ​താ​ണ്ട് ശൂ​ന്യ​മാ​യ അ​വ​സ്ഥ​യി​ലാ​ണ്. അ​ടി​മാ​ലി മേ​ഖ​ല​യി​ലെ പ​ല തോ​ട്ട​ങ്ങ​ളും വി​ള​വെ​ടു​പ്പി​ന് ഇ​നി​യും പാ​ക​മാ​യി​ട്ടി​ല്ല.

ഹൈ​റേ​ഞ്ചി​ലെ തോ​ട്ട​ങ്ങ​ളി​ലേക്കു ക​ർ​ഷ​ക​ർ ഇ​റ​ങ്ങാ​ൻ ഇ​നി​യും സ​മ​യ​മെ​ടു​ക്കും. മൂ​ത്ത് വി​ള​ഞ്ഞ മു​ള​ക് മ​ണി​ക​ൾ വി​ള​വെ​ടു​ത്താ​ലും തി​ര​ക്കി​ട്ട് വി​പ​ണി​യി​ൽ ഇ​റ​ക്കി​ല്ലെ​ന്നാ​ണ് വി​ല​യി​രു​ത്ത​ൽ. പു​തി​യ മു​ള​ക് പ​ര​മാ​വ​ധി ഉ​ണ​ക്കി ക​രു​ത​ൽ ശേ​ഖ​ര​ത്തി​ലേ​ക്ക് നീ​ക്കാം അ​വ​ർ. ഇ​തി​നി​ട​യി​ൽ പ​ക​ൽ താ​പ​നി​ല അ​പ്ര​തീ​ക്ഷി​ത​മാ​യി പ​തി​വി​ലും മൂ​ന്ന് ഡി​ഗ്രി സെ​ൽ​ഷ​സ് ഉ​യ​ർ​ന്ന​ത് കാ​ർ​ഷി​ക മേ​ഖ​ല​യു​ടെ ഞെ​ഞ്ചി​ടി​പ്പ് കൂ​ട്ടി. മു​ള​കുമ​ണി​ക​ൾ മൂ​ത്തു വ​രു​ന്ന അ​വ​സ​ര​ത്തി​ൽ പ​ക​ൽ​ച്ചൂ​ടി​ന് കാ​ഠി​ന്യ​മേ​റി​യാ​ൽ അ​വ അ​ട​ർ​ന്നു വീ​ഴാ​നു​ള്ള സാ​ധ്യ​ത മൊ​ത്തം ഉ​ത്പാ​ദ​ന​ത്തെ ബാ​ധി​ക്കും. കൊ​ച്ചി​യി​ൽ അ​ൺഗാ​ർ​ബി​ൾ​ഡ് 63,700 രൂ​പ​യാ​യും ഗാ​ർ​ബി​ൾ​ഡ് 65,700 രൂ​പ​യാ​യും ഉ​യ​ർ​ന്നു.

വെ​ള്ള കു​രു​മു​ള​കി​നും ഡി​മാ​ൻ​ഡ്

ഇ​തി​നി​ട​യി​ൽ അ​ന്താ​രാ​ഷ‌്ട്ര മാ​ർ​ക്ക​റ്റി​ൽ വൈ​റ്റ് പെ​പ്പ​റി​നും ചൂ​ടു​പി​ടി​ച്ചു. മു​ഖ്യ ഉ​ത്പാ​ദ​ക രാ​ജ്യ​മാ​യ ബ്ര​സീ​ലി​ലെ ച​ര​ക്കുക്ഷാ​മം മൂ​ലം അ​വ​ർ പു​തി​യ ക്വ​ട്ടേ​ഷ​ൻ ഇ​റ​ക്കാ​തെ രം​ഗ​ത്തു​നി​ന്നും അ​ക​ന്നു. ഇ​ന്തോ​നേ​ഷ്യ വെ​ള്ള കു​രു​മു​ള​കി​ന് 8950 ഡോ​ള​ർ രേ​ഖ​പ്പെ​ടു​ത്തി​യ​പ്പോ​ൾ വി​യ​റ്റ്നാം 9600 ഡോ​ള​റാ​ണ് ആ​വ​ശ്യ​പ്പെ​ട്ട​ത്. മ​ലേ​ഷ്യ​ൻ മാ​ർ​ക്ക​റ്റി​ലേ​ക്കു തി​രി​ഞ്ഞാ​ൽ വൈ​റ്റ് പെ​പ്പ​ർ ക്ഷാ​മ​ത്തി​ന്‍റെ വ്യ​ക്ത​മാ​യ ചി​ത്രം തെ​ളി​യും, അ​വ​രു​ടെ നി​ര​ക്ക് ട​ണ്ണി​ന് 10,900 ഡോ​ള​ർ.

തെ​ക്ക​ൻ കേ​ര​ള​ത്തി​ൽ വൈ​റ്റ് പെ​പ്പ​ർ ഉ​ത്പാ​ദ​നം ഇ​ക്കു​റി കു​റ​ഞ്ഞു. വ്യ​വ​സാ​യി​ക​ളു​ടെ ആ​വ​ശ്യ​ത്തി​നു​ള്ള ച​ര​ക്ക് ക​ണ്ട​ത്താ​ൻ ക്ലേ​ശി​ക്കു​ന്ന​തി​നി​ട​യി​ൽ ചൈ​ന​യി​ൽ വ​ൻ​കി​ട ഒ​ലി​യോ​റ​സി​ൻ വ്യ​വ​സാ​യശാ​ല പ്ര​വ​ർ​ത്ത​നം തു​ട​ങ്ങി. ബെയ്​ജി​ങ്ങി​ൽ​നി​ന്നും ട​ണ്ണി​ന് 10,000 ഡോ​ള​റി​ന് വ​രെ മൂ​പ്പ് എ​ത്താ​ത്ത​തും സ​ത്ത് ഉ​ള്ള​തു​മാ​യ മു​ള​കി​ന് അ​ന്വേ​ഷ​ണ​ങ്ങ​ൾ എ​ത്തി​യ​താ​ണ് വി​വ​രം. എ​ന്നാ​ൽ വി​ല സം​ബ​ന്ധി​ച്ച് ചൈ​നീ​സ് ഇ​റ​ക്കു​മ​തി​ക്കാ​രി​ൽ​നി​ന്നും വ്യ​ക്ത​മാ​യ ചി​ത്രം ല​ഭ്യ​മാ​യി​ല്ല.

ചൈ​ന​യെ ഉ​റ്റു​നോ​ക്കി റ​ബ​ർ

പു​തു​വ​ർ​ഷ​ത്തി​ന്‍റെ തു​ട​ക്ക​ത്തി​ൽ ഏ​ഷ്യ​യി​ലെ പ്ര​മു​ഖ റ​ബ​ർ അ​വ​ധി വ്യാ​പാ​ര കേ​ന്ദ്ര​ങ്ങ​ൾ പ​ല​തും മി​ക​വി​ലാ​യി​രു​ന്ന​ങ്കി​ലും ഒ​സാ​ക്ക​യി​ൽ വാ​രാ​ന്ത്യം ബാ​ധ്യ​ത​ക​ൾ വി​റ്റു​മാ​റാ​ൻ ഒ​രു വി​ഭാ​ഗം ഇ​ട​പാ​ടു​കാ​ർ കാ​ണി​ച്ച തി​ടു​ക്കം ആ​ഗോ​ള വി​പ​ണി​ക​ളെ പി​ടി​ച്ചു​ല​ച്ചു. ജ​പ്പാ​നി​ൽ റ​ബ​ർ ഏ​പ്രി​ൽ, മേ​യ് അ​വ​ധി​ക​ൾ ബു​ള്ളി​ഷ് ട്രെ​ൻ​ഡ് നി​ല​നി​ർ​ത്തി.


വാ​രാ​ന്ത്യം 365 യെ​ന്നി​ൽ നി​ല​കൊ​ള്ളു​ന്ന ഏ​പ്രി​ലി​ന് 351 യെ​ന്നി​ൽ സ​പ്പോ​ർ​ട്ടു​ണ്ട്. സാ​ങ്കേ​തി​ക വ​ശ​ങ്ങ​ൾ ഇ​ങ്ങ​നെ​ങ്കി​ലും വി​പ​ണി​യു​ടെ അ​ടി​സ്ഥാ​ന വ​ശ​ങ്ങ​ൾ പ​രി​ശോ​ധി​ച്ചാ​ൽ ഉ​ത്പാ​ദ​ക രാ​ജ്യ​ങ്ങ​ൾ ഏ​റെ പ്ര​തീ​ക്ഷ​യി​ലാ​ണ്. പ​ല​രും ഉ​ത്പാ​ദ​നം ഉ​യ​ർ​ത്തി കൂ​ടു​ത​ൽ പ​ണം ക​ണ്ടെ​ത്താ​നു​ള്ള ക​ഠി​ന ശ്ര​മ​ത്തി​ലും. അ​തേ​സ​മ​യം ഇ​റ​ക്കു​മ​തി​യി​ൽ മു​ൻ​പ​ന്തി​യി​ലു​ള്ള ചൈ​ന​യു​ടെ നീ​ക്ക​ങ്ങ​ൾ നി​ർ​ണാ​യ​ക​മാ​കും.

2019ൽ ​ഇ​തു​പോ​ലൊ​രു ജ​നു​വ​രി​യി​ലാ​ണ്, ആ​റു വ​ർ​ഷം മു​മ്പ് കൊ​റോ​ണ പൊ​ട്ടി​പ്പു​റ​പ്പെ​ട്ട​ത്. അ​ന്ന് 1700 പേ​ർ മ​രി​ച്ച വി​വ​രം ഇ​തേ കോ​ള​ത്തി​ലൂ​ടെ​യാ​ണ് കേ​ര​ളം ആ​ദ്യം അ​റി​ഞ്ഞ​ത്. പ​ക്ഷേ ബെയ്​ജി​ങ്ങ് അ​ന്നും മ​ര​ണം സം​ബ​ന്ധി​ച്ച് നി​ശ​ബ്ദ​ത പാ​ലി​ച്ചു. നി​ല​വി​ൽ ചൈ​ന​യു​ടെ പ​ല ഭാ​ഗ​ങ്ങ​ളി​ലും അ​ടി​യ​ന്ത​രാ​വ​സ്ഥ പ്ര​ഖ്യാ​പി​ച്ചു.

വ്യ​ക്ത​മാ​യ ചി​ത്രം അ​വ​ർ പു​റ​ത്തു​വി​ടാ​തെ അ​തീ​വ ര​ഹ​സ്യ​മാ​ക്കു​ന്നു. എ​ന്താ​യാ​ലും പ്ര​തി​കൂ​ല വാ​ർ​ത്ത അ​വ​സ​ര​മാ​ക്കാ​ൻ ട​യ​ർ ലോ​ബി ആ​ഗോ​ള​ത​ല​ത്തി​ൽ ശ്ര​മം ന​ട​ത്താം. അ​തി​ന്‍റെ വ്യ​ക്ത​മാ​യ ചി​ത്ര​മാ​ണ് വാ​രാ​ന്ത്യം ബാ​ങ്കോ​ക്കി​ൽ റ​ബ​ർ വി​ല​യി​ൽ പ്ര​തി​ഫ​ലി​ച്ച​ത്. മാ​ർ​ക്ക​റ്റ് ക്ലോ​സിം​ഗ് നി​ര​ക്ക് 19,444 രൂ​പ​യി​ലാ​ണ്.

വി​ല്ല​നായി പ​ക​ൽച്ചൂ​ട്

ന​വ​വ​ത്സ​രാ​ഘോ​ഷ​ങ്ങ​ൾ​ക്കു ശേ​ഷം ആ​ഭ്യ​ന്ത​ര റ​ബ​ർ വി​പ​ണി സ​ജീ​വ​മാ​യി. ഉ​ത്പാ​ദ​ക​ർ തോ​ട്ട​ങ്ങ​ളി​ൽ നി​ല​യു​റ​പ്പി​ച്ചി​ട്ടു​ണ്ടെ​ങ്കി​ലും പ​ല​ ഭാ​ഗ​ങ്ങ​ളി​ലും പാ​ൽ ല​ഭ്യ​ത പെ​ടു​ന്ന​നെ കു​റ​ഞ്ഞു. പ​ക​ൽ താ​പ​നി​ല പ​തി​വി​ലും ഉ​യ​ർ​ന്ന​ത് മ​ര​ങ്ങ​ളി​ൽ​നി​ന്നു​ള്ള യീ​ൽ​ഡി​നെ ബാ​ധി​ച്ചു. ചി​ല​ർ വെ​ട്ട് ചു​രു​ക്കി, ചി​ല ഭാ​ഗ​ങ്ങ​ളി​ൽ വെ​ട്ടുകൂ​ലി​യും ചു​രു​ക്കി. പ്ര​തി​സ​ന്ധി മു​ന്നി​ലു​ണ്ട്, ക​രു​തി​യി​രി​ക്കു​ക, അ​തേ​സ​മ​യം ടാ​പ്പിം​ഗ് ഇ​നി അ​ധി​ക​നാ​ൾ തു​ട​രാ​നാ​കി​ല്ല, പ​ക​ൽ ചൂ​ട് പ​തി​വി​ലും മൂ​ന്ന് ഡി​ഗ്രി സെ​ൽ​ഷ​സ് ഉ​യ​ർ​ന്ന​താ​യി കാ​ലാ​വ​സ്ഥാ വി​ഭാ​ഗം, ജ​നു​വ​രി​യി​ൽ ഇ​ത് പ​തി​വു​ള്ള​ത​ല്ല. നാ​ലാം ഗ്രേ​ഡി​നെ 193ൽ​നി​ന്നും ട​യ​ർ ലോ​ബി നി​ഷ്പ്ര​യാ​സ​മാ​ണ് 189ലേക്ക് ച​വി​ട്ടി​ത്താ​ഴ്ത്തി​യ​ത്.

ആ​ഭ്യ​ന്ത​ര ഉ​ത്പാ​ദ​നം ഫെ​ബ്രു​വ​രി​യി​ൽ പൂ​ർ​ണ​മാ​യി നി​ല​യ്ക്കാം. വ്യ​വ​സാ​യി​ക​ൾ​ക്ക് ഇ​നി​യും റ​ബ​ർ ഷീ​റ്റും ലാ​റ്റ​ക്സും ആ​വ​ശ്യ​മു​ണ്ട്. പ​ല ക​മ്പ​നി​ക​ളു​ടെ​യും ഗോ​ഡൗ​ണു​ക​ളി​ൽ സ്റ്റോ​ക്ക് പ​രി​മി​ത​വും. എ​ന്നാ​ൽ, ച​ര​ക്ക് കു​മി​ഞ്ഞു​കൂ​ടി​യ മ​ട്ടി​ലാ​ണ് വ്യ​വ​സാ​യി​ക​ളും സ്പ്ലെ​യ​ർ​മാ​രും. രൂ​പ​യു​ടെ മൂ​ല്യം 85.78ലേ​ക്ക് പ​തി​ച്ചു, ഇ​റ​ക്കു​മ​തി അ​ത്ര സു​ഖ​ക​ര​മാ​യ അ​വ​സ്ഥ​യി​ല​ല്ല. രൂ​പ ഇ​നി​യും ത​ള​രും, അ​ല്ല ത​ക​രും. ട​യ​ർ ലോ​ബി എ​ല്ലാ അ​ട​വു​ക​ളും വ​രും മാ​സ​ങ്ങ​ളി​ൽ ആ​ഗോ​ള​ത​ല​ത്തി​ൽ പ്ര​യോ​ഗി​ക്കാം.

വി​ള​വെ​ടു​പ്പ് ത​കൃ​തി

വി​വി​ധ ഭാ​ഗ​ങ്ങ​ളി​ലെ കാ​പ്പി​ത്തോ​ട്ട​ങ്ങ​ളി​ൽ വി​ള​വെ​ടു​പ്പ് പു​രോ​ഗ​മി​ക്കു​ന്നു. ഡി​സം​ബ​റി​ൽ തു​ട​ക്കം​കു​റി​ക്കാ​നി​രു​ന്ന വി​ള​വെ​ടു​പ്പ് കാ​ലാ​വ​സ്ഥാ വ്യ​തി​യാ​നം മൂ​ലം ജ​നു​വ​രി​യി​ലേ​ക്കു നീ​ണ്ടു. ഡി​സം​ബ​റി​ലെ മ​ഴ ഉ​ത്പാ​ദ​ക​രെ പി​ന്നാ​ക്കം വ​ലി​ച്ചി​രു​ന്നു.

കാ​ല​വ​ർ​ഷാ​രം​ഭ​ത്തി​ലെ മ​ഴ​യി​ൽ കാ​പ്പി​ത്തോ​ട്ട​ങ്ങ​ളി​ൽ വ്യാ​പ​ക​മാ​യി പൂ​ക്ക​ൾ അ​ട​ർ​ന്നു വീ​ണ​ത് വി​ള​വി​നെ ബാ​ധി​ച്ചു. ഇ​ടു​ക്കി, വ​യ​നാ​ട്, പാ​ല​ക്കാ​ട് മേ​ഖ​ല​ക​ളി​ലെ തോ​ട്ട​ങ്ങ​ളി​ലും കാ​പ്പി ഉ​ത്പാ​ദ​നം കു​റ​യാ​ൻ ഇ​ട​യു​ണ്ട്. ഈ ​മാ​സം ക​ർ​ണാ​ട​ക​യി​ലെ കൂ​ർ​ഗ്, ഹ​സ​ൻ, ചി​ക്ക​മം​ഗ​ലൂ​രി​ലും വി​ള​വെ​ടു​പ്പ് തു​ട​ങ്ങും. കാ​പ്പി പ​രി​പ്പ് വി​ല കി​ലോ 400 രൂ​പ​യി​ൽ നീ​ങ്ങു​ന്ന​ത് മു​ന്നി​ലു​ള്ള ദി​വ​സ​ങ്ങ​ളി​ൽ വി​ള​വെ​ടു​പ്പി​ന് ആ​വേ​ശം പ​ക​രും.

പ​ച്ച​ത്തേ​ങ്ങ​യ്ക്ക് നേ​ട്ടം

പു​തു​വ​ർ​ഷ​ത്തി​ന്‍റെ ആ​ദ്യ വാ​ര​ത്തി​ൽ നാ​ളി​കേ​രോ​ത്പ​ന്ന​ങ്ങ​ളും മി​ക​വി​ൽ. മി​ല്ലു​കാ​ർ വി​ല ഉ​യ​ർ​ത്തി കൊ​പ്ര ശേ​ഖ​രി​ക്കാ​ൻ കാ​ണി​ച്ച ഉ​ത്സാ​ഹം വെ​ളി​ച്ചെ​ണ്ണവി​ല​യി​ൽ പ്ര​തി​ഫ​ലി​ച്ചു. കാ​ർ​ഷി​ക മേ​ഖ​ല​ക​ളി​ൽ​നി​ന്നും പ​ച്ച​ത്തേ​ങ്ങ​യു​ടെ ല​ഭ്യ​ത വ്യ​വ​സാ​യി​ക​ളു​ടെ ക​ണ​ക്കു​കൂ​ട്ട​ലി​നൊ​ത്ത് ഉ​യ​രാ​തെ വ​ന്ന​തോ​ടെ​യാ​ണ് കൂ​ടി​യ വി​ല​യ്ക്ക് കൊ​പ്ര ശേ​ഖ​രി​ക്കാ​ൻ രം​ഗ​ത്തി​റ​ങ്ങി​യ​ത്. കൊ​ച്ചി​യി​ൽ കൊ​പ്ര 14,800ലും ​വെ​ളി​ച്ചെ​ണ്ണ 22,200 രൂ​പ​യി​ലു​മാ​ണ്.

ആ​ഭ​ര​ണ കേ​ന്ദ്ര​ങ്ങ​ളി​ൽ സ്വ​ർ​ണ​വി​ല​യി​ൽ നേ​രി​യ ഉ​ണ​ർ​വ് ക​ണ്ടു​തു​ട​ങ്ങി. 57,080 രൂ​പ​യി​ൽ​നി​ന്നും 56,880ലേക്ക് ഇ​ടി​ഞ്ഞ സ്വ​ർ​ണ​വി​ല വെ​ള്ളി​യാ​ഴ്ച 58,080ലേക്ക് ഉ​യ​ർ​ന്നു ക​രു​ത്ത് കാ​ണി​ച്ചെ​ങ്കി​ലും വാ​രാ​ന്ത്യം പ​വ​ൻ 57,720 രൂ​പ​യി​ലാ​ണ്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.


Copyright @ 2018 , Rashtra Deepika Ltd.