അർജുന്റെ കുട്ടിയോട് മനുഷ്യത്വരഹിതമായി പെരുമാറി; യു ട്യൂബ് ചാനലിനെതിരെ കേസെടുത്തു
Sunday, July 28, 2024 8:07 PM IST
തിരുവനന്തപുരം : ഷിരൂരിൽ മണ്ണിടിഞ്ഞു വീണ് കാണാതായ അർജുന്റെ രണ്ടുവയസുള്ള കുട്ടിയുടെ പ്രതികരണം പ്രചരിപ്പിച്ച യു ട്യൂബ് ചാനലിനെതിരെ ബാലാവകാശ കമ്മീഷൻ കേസെടുത്തു.
കുട്ടിയോടു ചോദ്യങ്ങൾ ചോദിക്കുകയും അത് സംപ്രേഷണം ചെയ്യുകയും ചെയ്ത സംഭവത്തിൽ മഴവിൽ കേരളം എക്സ് ക്ലൂസീവ് എന്ന യൂട്യൂബ് ചാനലിനെതിരെയാണ് കേസെടുത്തത്. പാലക്കാട് അലനല്ലൂർ സ്വദേശി പി.ഡി.സിനിൽദാസിന്റെ പരാതിയിലാണ് നടപടി.
മനുഷ്യത്വരഹിതമായ ചോദ്യങ്ങൾ കുട്ടിയോട് ചോദിച്ചുവെന്നാണ് പരാതിയിൽ പറയുന്നത്. അതേസമയം പരാതിയുടെ അടിസ്ഥാനത്തിൽ അന്വേഷിച്ചു റിപ്പോർട്ട് നൽകാൻ ജില്ലാ പോലീസ് മേധാവിക്ക് ബാലാവകാശ കമ്മീഷൻ നിർദേശം നൽകി.