ഷിരൂർ ദൗത്യം തുടരണം; പിണറായി വിജയൻ സിദ്ധരാമയ്യയുമായി ഫോണിൽ സംസാരിച്ചു
Sunday, July 28, 2024 7:24 PM IST
തിരുവനന്തപുരം: ഷിരൂർ ദൗത്യം തുടരണമെന്ന് ആവശ്യപ്പെട്ട് മുഖ്യമന്ത്രി പിണറായി വിജയൻ കർണാടക മുഖ്യമന്ത്രി സിദ്ധരാമയ്യയുമായി ഫോണിൽ സംസാരിച്ചു.
കാണാതായ അർജുനായുള്ള തെരച്ചിൽ കർണാടക സർക്കാർ താത്കാലികമായി അവസാനിപ്പിച്ചതിന് പിന്നാലെയാണ് പിണറായി വിജയൻ സിദ്ധരാമയ്യയുമായി ഫോണിൽ സംസാരിച്ചത്.
തെരച്ചിൽ തുടരണമെന്ന് ആവശ്യപ്പെട്ട് പിണറായി വിജയൻ കർണാടക മുഖ്യമന്ത്രി സിദ്ധരാമയ്യക്ക് നേരത്തെ കത്ത് അയച്ചിരുന്നു. ഇതിന് പിന്നാലെയാണ് ഇരു മുഖ്യമന്ത്രിമാരും ഫോണിൽ സംസാരിച്ചത്.
ആവശ്യമായ എല്ലാ ഉപകരണങ്ങളും ഉപയോഗിച്ച് തെരച്ചില് തുടരണമെന്നും മുഖ്യമന്ത്രി പറഞ്ഞു. രക്ഷാപ്രവർത്തനങ്ങളിൽ ഏർപ്പെട്ടിരിക്കുന്ന ടീമുകളുടെ ശ്രമങ്ങൾക്ക് മുഖ്യമന്ത്രി നന്ദിയും അറിയിച്ചു.