കങ്കണയെ മർദിച്ച സംഭവം; സിഐഎസ്എഫ് ഉദ്യോഗസ്ഥക്കെതിരെ പോലീസ് കേസെടുത്തു
Friday, June 7, 2024 11:08 PM IST
ന്യൂഡൽഹി: നടിയും ബിജെപി എംപിയുമായ കങ്കണ റണാവത്തിന്റെ മുഖത്തടിച്ച സിഐഎസ്എഫ് ഉദ്യോഗസ്ഥക്കെതിരെ പോലീസ് കേസെടുത്തു. വനിതാ കോൺസ്റ്റബിൾ കുൽവീന്ദര് കൗറിനെതിരെയാണ് കേസെടുത്തത്.
കുൽവീന്ദര് കൗറിനെ ഉടൻ അറസ്റ്റ് ചെയ്യുമെന്നാണ് വിവരം. ഗുരുതര വകുപ്പുകൾ ചിമത്തിയാണ് കേസെടുത്തിരിക്കുന്നത്.
സംഭവത്തില് വിശദമായ പരിശോധനയ്ക്ക് ശേഷമേ കേസ് എടുക്കൂവെന്ന് പഞ്ചാബ് പോലീസ് നേരത്തെ വ്യക്തമാക്കിയിരുന്നു. സംഭവത്തിൽ ഉദ്യാഗസ്ഥയ്ക്കെതിരെ വകുപ്പുതല നടപടി ഉണ്ടാകുമെന്നാണ് വിവരം. അന്വേഷണ വിധേയമായി ഇവരെ സിഐഎസ്എഫ് സസ്പെൻഡ് ചെയ്തിരുന്നു.