മെജുഗൊറെയിലേക്ക് തീർഥാടനം നടത്തുന്നവരോട്, അവിടെ, പരിശുദ്ധ അമ്മയുടെ സന്ദേശം സ്വീകരിക്കുന്നവരെ കാണാനല്ല, മറിച്ച്, സമാധാനത്തിന്‍റെ രാജ്ഞിയായ പരിശുദ്ധ അമ്മയെ കണ്ടുമുട്ടാനാണ് നിങ്ങൾ പോകേണ്ടതെന്നും വത്തിക്കാൻ രേഖ ഓർമിപ്പിക്കുന്നു.
മെജുഗോറിയയിലെ സന്ദേശങ്ങളിൽ ചിലവ, മാനുഷികമായ സന്ദേഹങ്ങളുമായി ബന്ധപ്പെട്ടവയാണെന്ന ചിന്തയുളവാക്കുന്നവയാണെന്ന് രേഖയിലുണ്ട്. ഇവ ദുരുദ്ദേശ്യപരമല്ലെന്നും, മറിച്ച്, വ്യക്തിപരമായ ബോധ്യങ്ങളുടെ പ്രത്യേകതകളാണെന്നും രേഖ വ്യക്തമാക്കുന്നു.
മെജുഗൊറെയിലെ മരിയൻ പ്രത്യക്ഷീകരണ സംഭവങ്ങളെക്കുറിച്ച് 15 വർഷമായി നടത്തിയ പഠനത്തിനും അന്വേഷണത്തിനുമൊടുവിലാണ് വത്തിക്കാൻ ഇതുസംബന്ധിച്ച രേഖ പുറത്തുവിട്ടിട്ടുള്ളത്.
1981 ജൂണിനും ജൂലൈ മൂന്നിനുമിടയിലാണ് മെജുഗൊറെയിലെ സെന്‍റ് ജയിംസ് ഇടവകദേവാലയത്തിൽ ആറു കുട്ടികൾക്ക് ആദ്യ മരിയൻ പ്രത്യക്ഷീകരണം സംഭവിച്ചത്. തുടർന്നിങ്ങോട്ട് പലകുറി പ്രത്യക്ഷീകരണം ആവർത്തിച്ചു. ഓരോവർഷവും ലക്ഷക്കണക്കിനു തീർഥാടകരാണ് ഈ ബാള്‍ക്കൻ രാജ്യ ഗ്രാമത്തിൽ എത്തിക്കൊണ്ടിരിക്കുന്നത്.