ഫ്രാൻസിലെ തൊഴിലാളിസമരം; ചാൾസ് രാജാവിന്‍റെ സന്ദർശനം മാറ്റിവച്ചു : Deepika.com International News |

Click here for detailed news of all items

ഫ്രാൻസിലെ തൊഴിലാളിസമരം; ചാൾസ് രാജാവിന്‍റെ സന്ദർശനം മാറ്റിവച്ചു

Saturday, March 25, 2023 12:02 AM IST

പാരീസ്: ബ്രിട്ടനിലെ ചാൾസ് രാജാവിന്‍റെ ഫ്രഞ്ച് സന്ദർശനം മാറ്റിവച്ചു. വിരമിക്കൽപ്രായം ഉയർത്തുന്നതിനെതിരേ ഫ്രാൻസിൽ നടക്കുന്ന പ്രതിഷേധങ്ങൾക്കു ശമനമില്ലാത്ത സാഹചര്യത്തിലാണിത്.

ചാൾസും ഫ്രഞ്ച് പ്രസിഡന്‍റ് മക്രാോണും ഇന്നലെ രാവിലെ ഫോണിൽ ചർച്ച നടത്തിയശേഷം ഇരു രാജ്യത്തെയും സർക്കാരുകൾ സംയുക്തമായി സന്ദർശനം മാറ്റിവയ്ക്കാൻ തീരുമാനിക്കുകയായിരുന്നു. ചാൾസിന്‍റെ സന്ദർശനത്തിന് ഒരുവിധ ഭീഷണിയുമില്ലെന്നാണു ഫ്രഞ്ച് സർക്കാർ നേരത്തേ പറഞ്ഞിരുന്നത്. ചൊവ്വാഴ്ച വീണ്ടും പ്രതിഷേധം നടത്താൻ ട്രേഡ് യൂണിയനുകൾ ആഹ്വാനം ചെയ്തിരിക്കുന്ന പശ്ചാത്തലത്തിലാണു ചാൾസിന്‍റെ സന്ദർശനം മാറ്റിവയ്ക്കാൻ തീരുമാനമായത്.

ഞായറാഴ്ച മുതൽ ബുധനാഴ്ച വരെയാണു സന്ദർശനം നിശ്ചയിച്ചിരുന്നത്. ചാൾസ് പോകാനിരുന്ന പാരീസ്, ബോർഡോ നഗരങ്ങളിൽ വ്യാഴാഴ്ച വലിയതോതിൽ പ്രതിഷേധങ്ങളും അക്രമങ്ങളും അരങ്ങേറിയിരുന്നു. ബോർഡോയിലെ ടൗൺഹൗളിന്‍റെ കവാടത്തിനു തീവയ്ക്കുകയുണ്ടായി. പാരീസിലെ തെരുവുകളിൽ 903 സ്ഥലങ്ങളിൽ തീവയ്പുകളുണ്ടായി.

വിരമിക്കൽപ്രായം 62ൽനിന്ന് 64ലേക്ക് ഉയർത്താനുള്ള നീക്കത്തിനെതിരേ ജനുവരി മുതൽ പ്രതിഷേധം നടക്കുകയാണ്. വ്യാഴാഴ്ചത്തെ സംഭവങ്ങളിൽ 457 പേർ അറസ്റ്റിലായെന്ന് ആഭ്യന്തരമന്ത്രി ജെറാൾഡ് ഡർമാനിൻ അറിയിച്ചു. 441 സുരക്ഷാ ഭടന്മാർക്കു പരിക്കേറ്റു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.