ഫ്രാ​ങ്ക്ഫ​ർ​ട്ട്: പ​ടി​ഞ്ഞാ​റ​ൻ ജ​ർ​മ​നി​യി​ലെ ര​ണ്ടു ഹു​ക്കാ ബാ​റു​ക​ളി​ൽ വ​ല​തു​പ​ക്ഷ തീ​വ്ര​വാ​ദി ന​ട​ത്തി​യ വെ​ടി​വ​യ്പി​ൽ ഒ​ന്പ​തു പേ​ർ കൊ​ല്ല​പ്പെ​ട്ടു. തോ​ബി​യാ​സ് ആ​ർ(43) എ​ന്ന ജ​ർ​മ​ൻ പൗ​ര​നാ​യ അ​ക്ര​മി​യെ സ്വ​ന്തം ഫ്ലാ​റ്റി​ൽ മ​രി​ച്ച നി​ല​യി​ൽ ക​ണ്ടെ​ത്തി.

സം​ഭ​വ​ത്തെ തീ​വ്ര​വാ​ദ ആ​ക്ര​മ​ണ​മാ​യി​ട്ടാ​ണ് ജ​ർ​മ​ൻ പോ​ലീ​സ് ക​ണ​ക്കാ​ക്കു​ന്ന​ത്. കൂ​ട്ടം​കൂ​ടി​യി​രു​ന്നു ഹു​ക്കാ വ​ലി​ക്കാ​ൻ സൗ​ക​ര്യ​മു​ള്ള ബാ​റു​ക​ളി​ൽ കൊ​ല്ല​പ്പെ​ട്ട ചി​ല​ർ തു​ർ​ക്കി വം​ശ​ജ​രാ​ണ്.
ഫ്രാ​ങ്ക്ഫ​ർ​ട്ടി​ൽ​നി​ന്ന് 25 കി​ലോ​മീ​റ്റ​ർ കി​ഴ​ക്കു​ള്ള ഹാ​നൗ​വി​ൽ ബുധനാഴ്ച രാ​ത്രി പ​ത്തോ​ടെ​യാ​യി​രു​ന്നു സം​ഭ​വം. ന​ഗ​ര​മ​ധ്യ​ത്തി​ലു​ള്ള മി​ഡ്നൈ​റ്റ് ബാ​റി​ലാ​ണ് ആ​ദ്യം വെ​ടി​വ​യ്പ്പു​ണ്ടാ​യ​ത്. മ​ണി​യ​ടി​ച്ച​പ്പോ​ൾ വാ​തി​ൽ തു​റ​ന്ന​വ​രെ അ​ക്ര​മി വെ​ടി​വ​ച്ചു വീ​ഴ്ത്തി. കാ​റി​ൽ ര​ക്ഷ​പ്പെ​ട്ട് ര​ണ്ട​ര കി​ലോ​മീ​റ്റ​ർ അ​ക​ലെ​യു​ള്ള അ​റീ​ന എ​ന്ന മ​റ്റൊ​രു ബാ​റി​ലും വെ​ടി​വ​യ്പ്പു ന​ട​ത്തി. അ​ഞ്ചു പേ​ർ​ക്കു പ​രി​ക്കേ​റ്റ​താ​യും റി​പ്പോ​ർ​ട്ടു​ണ്ട്.

ഒ​ന്നി​ല​ധി​കം അ​ക്ര​മി​ക​ളു​ണ്ടെ​ന്ന സം​ശ​യ​ത്തി​ൽ പോ​ലീ​സ് വ്യാ​പ​ക തെ​ര​ച്ചി​ൽ ന​ട​ത്തി. ഏ​ഴു മ​ണി​ക്കൂ​റി​നു​ശേ​ഷം അ​ക്ര​മി​യെ സ്വ​ന്തം വീ​ട്ടി​ൽ മ​രി​ച്ച​നി​ല​യി​ൽ ക​ണ്ടെ​ത്തി. ഇ​യാ​ളു​ടെ 72 വ​യ​സു​ള്ള അ​മ്മ​യു​ടെ മൃ​ത​ദേ​ഹ​വും സ​മീ​പ​ത്തു​ണ്ടാ​യി​രു​ന്നു. അ​മ്മ​യെ വ​ധി​ച്ച​ശേ​ഷം ജീ​വ​നൊ​ടു​ക്കി​യ​താ​ണെ​ന്നു സം​ശ​യി​ക്കു​ന്നു.


അ​ക്ര​മി​ക്ക് തോ​ക്ക് ലൈ​സ​ൻ​സ് ഉ​ണ്ടാ​യി​രു​ന്നെ​ന്ന് ജ​ർ​മ​ൻ മാ​ധ്യ​മ​ങ്ങ​ൾ റി​പ്പോ​ർ​ട്ട് ചെ​യ്തു. തോ​ക്കു നി​യ​മ​ങ്ങ​ൾ ഏ​റ്റ​വും ക​ർ​ശ​ന​മാ​യ രാ​ജ്യ​ങ്ങ​ളി​ലൊ​ന്നാ​ണ് ജ​ർ​മ​നി.

കു​ടി​യേ​റ്റ​ക്കാ​രെ എ​തി​ർ​ക്കു​ന്ന തീ​വ്ര​ദേ​ശീ​യ​വാ​ദ സം​ഘ​ട​ന​ക​ളു​മാ​യി അ​ക്ര​മി​ക്ക് ബ​ന്ധ​മു​ണ്ടെ​ന്ന് സം​ശ​യി​ക്കു​ന്നു. ആ​ക്ര​മ​ണ​ത്തെ അ​പ​ല​പി​ച്ച ജ​ർ​മ​ൻ ചാ​ൻ​സ​ലർ ആം​ഗ​ല മെ​ർ​ക്ക​ൽ വം​ശീ​യ​വാ​ദം വി​ഷ​മാ​ണെ​ന്ന് പ​റ​ഞ്ഞു.

വം​ശീ​യ വി​ദ്വേ​ഷം കാ​ൻ​സ​റാ​ണെ​ന്നും ജ​ർ​മ​നി സമഗ്ര അ​ന്വേ​ഷ​ണം ന​ട​ത്ത​ണ​മെ​ന്നും തു​ർ​ക്കി പ്ര​സി​ഡ​ന്‍റി​ന്‍റെ വ​ക്താ​വ് ഇ​ബ്രാ​ഹിം കാ​ലി​ൻ ട്വീ​റ്റ് ചെ​യ്തു.

ക​ഴി​ഞ്ഞ വ​ർ​ഷം ഒ​ക്‌​ടോ​ബ​റി​ൽ ജ​ർ​മ​നി​യി​ലെ ഹാ​ല്ലെ​യി​ൽ ഒ​രു വ​ല​തു​പ​ക്ഷ തീ​വ്ര​വാ​ദി സി​ന​ഗോ​ഗി​ൽ അ​തി​ക്ര​മി​ച്ചു ക​യ​റി ര​ണ്ടു ജൂ​ത​രെ വ​ധി​ച്ചി​രു​ന്നു. കു​ടി​യേ​റ്റ​ത്തെ പി​ന്തു​ണ​ച്ച രാ​ഷ്‌​ട്രീ​യ നേ​താ​വ് വാ​ൾ​ട്ട​ർ ലു​ബ്കെ​യെ ജൂ​ണി​ൽ മ​രി​ച്ച നി​ല​യി​ൽ ക​ണ്ടെ​ത്തി​യ സം​ഭ​വ​ത്തി​ലും വ​ല​തു​പ​ക്ഷ തീ​വ്ര​വാ​ദി​യാ​ണ് അ​റ​സ്റ്റി​ലാ​യ​ത്.