ഒ​റ്റ​പ്പാ​ലം നഗരസഭയിൽ ഹ​രി​ത​ക​ർ​മ​സേ​ന​യു​ടെ പ്ര​വ​ർ​ത്ത​ന​ത്തി​ൽനി​ന്ന് സ്വ​കാ​ര്യ ഏ​ജ​ൻ​സി​യെ ഒ​ഴി​വാ​ക്കി
Friday, October 4, 2024 7:25 AM IST
ഒ​റ്റ​പ്പാ​ലം:​ ന​ഗ​ര​സ​ഭ​യി​ൽ ഹ​രി​ത​ക​ർ​മ​സേ​ന​യു​ടെ പ്ര​വ​ർ​ത്ത​ന​ത്തി​ൽനി​ന്ന് സ്വ​കാ​ര്യ ഏ​ജ​ൻ​സി പു​റ​ത്ത്. നി​ല​വി​ലു​ണ്ടാ​യി​രു​ന്ന ഏ​ജ​ൻ​സി ക്ര​മ​ക്കേ​ട് കാ​ണി​ച്ച​തി​നെ​ത്തു​ട​ർ​ന്നാ​ണ് ഒ​ഴി​വാ​ക്കി​യ​ത്. സ​ർ​ക്കാ​ർ ഉ​ത്ത​ര​വി​റ​ങ്ങു​ക കൂ​ടി ചെ​യ്ത​തി​ന്‍റെ അ​ടി​സ്ഥാ​ന​ത്തി​ലാ​ണ് ന​ട​പ​ടി.

ഇ​നിമു​ത​ൽ ന​ഗ​ര​സ​ഭ​യു​ടെ ആ​രോ​ഗ്യ​വി​ഭാ​ഗ​ത്തി​ന്‍റെ നേ​തൃ​ത്വ​ത്തി​ൽ പ്ര​വ​ർ​ത്ത​ന​ങ്ങ​ൾ ഏ​കോ​പി​പ്പി​ക്കും. ന​ഗ​ര​സ​ഭ​യും ക​രാ​റെ​ടു​ത്ത ഏ​ജ​ൻ​സി​യും ത​മ്മി​ലു​ള്ള വ്യ​വ​സ്ഥ​ക​ളു​ടെ ലം​ഘ​ന​ത്തെ​ത്തു​ട​ർ​ന്നാ​ണ് ഏ​ജ​ൻ​സി​യെ ഒ​ഴി​വാ​ക്കി​യ​ത്.

വീ​ടു​ക​ളി​ൽ​നി​ന്നും സ്ഥാ​പ​ന​ങ്ങ​ളി​ൽ​നി​ന്നും യൂ​സ​ർ​ഫീ ഇ​ന​ത്തി​ൽ ഈ​ടാ​ക്കു​ന്ന പ​ണം ഹ​രി​ത​ക​ർ​മ​സേ​നാം​ഗ​ങ്ങ​ൾ​ക്ക് ന​ൽ​കാ​തെ ഏ​ജ​ൻ​സി ഉ​പ​യോ​ഗി​ക്കാ​ൻ ശ്ര​മി​ച്ചു​വെ​ന്നാ​ണ് ക​ണ്ടെ​ത്തി​യ​തെ​ന്ന് ന​ഗ​ര​സ​ഭാ​ധി​കൃ​ത​ർ പ​റ​ഞ്ഞു. ഇ​തി​നൊ​പ്പ​മാ​ണ് ന​ട​ത്തി​പ്പ് ഏ​ജ​ൻ​സി​ക​ളെ ഏ​ൽ​പ്പി​ക്കേ​ണ്ടെ​ന്ന് സ​ർ​ക്കാ​ർ നി​ർ​ദേ​ശ​വും വ​ന്ന​ത്.

ഹ​രി​ത​ക​ർ​മ​സേ​ന ശേ​ഖ​രി​ക്കു​ന്ന അ​ജൈ​വ മാ​ലി​ന്യ​ങ്ങ​ൾ ഏ​ഴു​രൂ​പ​യ്ക്കാ​ണ് ഏ​ജ​ൻ​സി​ക്ക് കൈ​മാ​റി​യി​രു​ന്ന​ത്. മാ​ലി​ന്യ​ശേ​ഖ​ര​ണം എ​ട്ടു​മാ​സം​കൊ​ണ്ട് 45 ശ​ത​മാ​നം പൂ​ർ​ത്തി​യാ​യാ​ൽ പി​ന്നീ​ട്‌ സൗ​ജ​ന്യ​മാ​യി മാ​ലി​ന്യം ശേ​ഖ​രി​ക്കു​മെ​ന്നും ക​രാ​റി​ലു​ണ്ടാ​യി​രു​ന്നു. ഹ​രി​ത​ക​ർ​മ​സേ​നാം​ഗ​ങ്ങ​ൾ​ക്ക് വേ​ത​നം ഉ​റ​പ്പാ​ക്കാ​നും ആ​നൂ​കൂ​ല്യം ന​ൽ​കാ​നും ആ​കു​മെ​ന്ന്‌ പ്ര​തീ​ക്ഷി​ച്ചാ​ണ് ഏ​ജ​ൻ​സി​യെ ഏ​ൽ​പ്പി​ച്ച​ത്.


ഹ​രി​ത​ക​ർ​മ​സേ​ന​യു​ടെ പ്ര​വ​ർ​ത്ത​ന​ങ്ങ​ളൊ​ക്കെ ഏ​കോ​പി​പ്പി​ക്കാ​ൻ ഒ​രു കോ-ഓർ​ഡി​നേ​റ്റ​ർ ഓ​രോ​മാ​സ​വും പ്ര​വ​ർ​ത്ത​നം വി​ല​യി​രു​ത്തി ന​ഗ​ര​സ​ഭാ​പ​രി​ധി​യി​ലെ മാ​ലി​ന്യ​ശേ​ഖ​ര​ണം കൃ​ത്യ​മാ​ക്കാ​നാ​ണ് സ്വ​കാ​ര്യ ഏ​ജ​ൻ​സി​യെ ഏ​ൽ​പ്പി​ച്ചി​രു​ന്ന​ത്.

എ​ന്നാ​ൽ ക്ര​മ​ക്കേ​ട് ക​ണ്ടെ​ത്തി​യ​തോ​ടെ പ്ര​വ​ർ​ത്ത​ന​മെ​ല്ലാം പ​ഴ​യ​പ​ടി​യാ​യി. ഹ​രി​ത​ക​ർ​മ​സേ​ന​യു​ടെ പ്ര​വ​ർ​ത്ത​നം കൂ​ടു​ത​ൽ വി​പു​ല​പ്പെ​ടു​ത്താ​നു​ള്ള ശ്ര​മ​ങ്ങ​ൾ തു​ട​ങ്ങി​യ​താ​യും വൈ​സ് ചെ​യ​ർ​മാ​ൻ കെ. ​രാ​ജേ​ഷ് പ​റ​ഞ്ഞു.