കൃ​ഷി​ഭൂ​മി​യി​ലേ​ക്കു​ള്ള വ​ഴിയടച്ച​താ​യി ക​ർ​ഷ​ക​രു​ടെ പ​രാ​തി; 20 ഏക്കറിൽ നെൽകൃഷി മുടങ്ങും
Tuesday, October 1, 2024 7:02 AM IST
ഷൊർ​ണൂ​ർ: കൃ​ഷിഭൂ​മി​യി​ലേ​ക്കു​ള്ള വ​ഴി വ​ള​ച്ചു​കെ​ട്ടി​യ​താ​യി പ​രാ​തി. ജില്ലാക​ള​ക്ട​റു​ടെ ഉ​ത്ത​ര​വും പാലിക്കപ്പെട്ടില്ല. പ്ര​തി​സ​ന്ധി​യി​ലാ​യി ക​ർ​ഷ​ക​ർ. ചെ​റു​കാ​ട്ടു​പു​ലം പാ​ട​ശേ​ഖ​ര​ത്തി​ലേ 20 ഏ​ക്ക​റി​ലേ​ക്കാ​ണ് ട്രാ​ക്ട​ർ ഇ​റ​ക്കാ​ൻ വ​ഴി​യി​ല്ലാ​തെ ക​ർ​ഷ​ക​ർ വി​ഷ​മി​ക്കു​ന്ന​ത്. വ​ർ​ഷ​ങ്ങ​ളാ​യി നെ​ൽ​കൃഷി​ചെ​യ്യു​ന്ന പാ​ട​ശേ​ഖ​ര​ത്തി​ലേ​ക്ക് റോ​ഡി​ൽ​നി​ന്ന് യ​ന്ത്ര​ങ്ങ​ളി​റ​ങ്ങു​ന്ന വ​ഴി സ്വ​കാ​ര്യ​വ്യ​ക്തി അ​ട​ച്ചു​കെ​ട്ടി​യ​താ​ണ് കാ​ര​ണ​മെ​ന്ന് ക​ർ​ഷ​ക​ർ പ​റ​യു​ന്നു.

ഇ​തി​നെ​തി​രേ കൃ​ഷി​മ​ന്ത്രി, റ​വ​ന്യൂ​മ​ന്ത്രി, ക​ള​ക്ട​ർ ഉ​ൾ​പ്പെ​ടെ​യു​ള്ള​വ​ർ​ക്ക് പാ​ട​ശേ​ഖ​ര​സ​മി​തി​യു​ടെ നേ​തൃ​ത്വ​ത്തി​ൽ 2022-ൽ ​പ​രാ​തി​യും ന​ൽ​കി​യി​രു​ന്നു. എ​ന്നാ​ൽ തു​ട​ർ​ന​ട​പ​ടി​ക​ളൊ​ന്നും ഉ​ണ്ടാ​യി​ട്ടി​ല്ല.

പാ​ട​ശേ​ഖ​ര​ങ്ങ​ൾ​ക്ക് ന​ടു​വി​ലൂ​ടെ പോ​കു​ന്ന വാ​ണി​യം​കു​ളം-​മാ​ന്ന​നൂ​ർ റോ​ഡി​ലെ ക​ലു​ങ്കു​നി​ർ​മാ​ണ​ത്തി​നാ​യി സ​മീ​പ​ത്ത് താ​ത്കാ​ലി​ക​മാ​യി റോ​ഡ് നി​ർ​മി​ച്ചി​രു​ന്നു. ഇ​തു​വ​ഴി​യാ​ണ് ക​ഴി​ഞ്ഞ​വ​ർ​ഷ​ങ്ങ​ളി​ൽ ക​ർ​ഷ​ക​ർ ട്രാ​ക്ട​റും കൊ​യ്ത്തു​യ​ന്ത്ര​വുമെ​ല്ലാം ഇ​റ​ക്കി​യി​രു​ന്ന​ത്. എ​ന്നാ​ൽ റോ​ഡി​ന്‍റെ സം​ര​ക്ഷ​ണ​ഭി​ത്തി​ നി​ർ​മാ​ണം തു​ട​ങ്ങി​യ​തോ​ടെ ഈ ​വ​ഴി​യും പൊ​ളി​ച്ചു​നീ​ക്കി.

ഇ​തോ​ടെ ക​ർ​ഷ​ക​ർ​ക്ക് ര​ണ്ടാം​വി​ള​യ്ക്ക് നി​ല​മൊ​രു​ക്കു​ന്ന​തി​ന് ട്രാ​ക്ട​ർ ഇ​റ​ക്കാ​ൻ​പ​റ്റാ​ത്ത സ്ഥി​തി​യാ​ണ്. കു​റ​ച്ച് പാ​ട​ങ്ങ​ളി​ൽ നെ​ല്ലു​ക​ൾ വി​ള​ഞ്ഞു​നി​ൽ​ക്കു​ന്ന​താ​ക​ട്ടെ കൊ​യ്ത്തു​യ​ന്ത്രം ഇ​റ​ക്കാ​ൻ വ​ഴി​യി​ല്ലാ​ത്ത​തി​നാ​ൽ ന​ശി​ച്ചു​പോ​കു​ന്ന സ്ഥി​തി​യാ​ണ്. ക​ർ​ഷ​ക​ർ പാ​ട്ട​ത്തി​നെ​ടു​ത്തും സ്വ​ന്ത​മാ​യും നെ​ൽ​കൃ​ഷി ചെ​യ്യു​ന്ന പാ​ട​ശേ​ഖ​ര​മാ​ണ് ചെ​റു​കാ​ട്ടു​പു​ലം.


പ​ന​യൂ​ർ​സ്വ​ദേ​ശി ഡോ. ​സി. രാ​ധാ​കൃ​ഷ്ണ​ൻ എ​ട്ടേ​ക്ക​ർ പാ​ട​മാ​ണ് പാ​ട്ട​ത്തി​നെ​ടു​ത്ത് ആ​റു​വ​ർ​ഷ​മാ​യി കൃ​ഷി​ചെ​യ്യു​ന്ന​ത്. കെ. ​ര​ണ​ൻ, സു​രേ​ഷ് എ​ന്നി​വ​രും പാ​ട്ട​ത്തി​നെ​ടു​ത്താ​ണ് കൃ​ഷി ചെ​യ്യു​ന്ന​ത്. പാ​ട​ശേ​ഖ​ര​ത്തി​ന്‍റെ‌ ന​ടു​വി​ൽ​ക്കൂ​ടി തോ​ട് പോ​കു​ന്ന​തി​നാ​ൽ മ​റു​ഭാ​ഗ​ത്തു​നി​ന്ന് ട്രാ​ക്ട​റും കൊ​യ്ത്തു​യ​ന്ത്ര​വു​മൊ​ന്നും ഇ​വി​ടേ​ക്ക് എ​ത്തി​ക്കാ​ൻ ക​ഴി​യി​ല്ലെ​ന്നും ഇ​വ​ർ പ​റ​യു​ന്നു. സ​മീ​പ​ത്തു​ത​ന്നെ ട്രാ​ക്ട​ർ​ പോ​യി​രു​ന്ന മ​റ്റൊ​രു​പാ​ട​വും സ്വ​കാ​ര്യ​വ്യ​ക്തി ക​മ്പി​വേ​ലി​ കെ​ട്ടിവ​ള​ച്ചു. ഇ​തി​ൽ തെ​ങ്ങ്, പ്ലാ​വ്, മാ​വ് ഉ​ൾ​പ്പെ​ടെ വെ​ച്ചു​പി​ടി​പ്പി​ക്കു​ക​യും ചെ​യ്തി​ട്ടു​ണ്ട്.

ഇ​തി​നെ​തി​രേ കെ. ​വി​ജ​യ​ൻ ന​ൽ​കി​യ പ​രാ​തി​യു​ടെ അ​ടി​സ്ഥാ​ന​ത്തി​ൽ ഉ​ദ്യോ​ഗ​സ്ഥ​ർ കൃ​ഷി​സ്ഥ​ലം പ​രി​ശോ​ധ​ന ന​ട​ത്തി​യി​രു​ന്നു. ഇ​തെ​ല്ലാം നീ​ക്കി പൂ​ർ​വ​സ്ഥി​തി​യി​ലാ​ക്കാ​ൻ ക​ള​ക്ട​ർ ഉ​ത്ത​ര​വും ന​ൽ​കി​യി​രു​ന്നു. എ​ന്നാ​ൽ ഇ​വ​യൊ​ന്നും ഇ​പ്പോ​ഴും നീ​ക്കം​ചെ​യ്തി​ട്ടി​ല്ലെ​ന്നും ട്രാ​ക്ട​ർ ഇ​റ​ക്കാ​ൻ പ​റ്റാ​ത്ത​തി​നാ​ൽ ഇ​ത്ത​വ​ണ കൃ​ഷി​യി​റ​ക്കാ​ൻ പ​റ്റു​ന്നി​ല്ലെ​ന്നു​മാ​ണ് ക​ർ​ഷ​ക​രു​ടെ പ​രാ​തി.