കോയന്പത്തൂർ-ഗോവ വിമാന സർവീസ് തുടങ്ങും
Wednesday, October 2, 2024 7:35 AM IST
കോയ​മ്പ​ത്തൂ​ർ: ഇ​ൻ​ഡി​ഗോ എ​യ​ർ​ലൈ​ൻ​സ് കോ​യ​മ്പ​ത്തൂ​രി​ൽ നി​ന്ന് ഗോ​വ​യി​ലേ​ക്കു​ള്ള വി​മാ​ന സ​ർ​വീ​സു​ക​ൾ പു​ന​രാ​രം​ഭി​ക്കാ​ൻ ഒ​രു​ങ്ങു​ന്ന​താ​യി കോ​യ​മ്പ​ത്തൂ​ർ നെ​ക്സ്റ്റ് ഓ​ർ​ഗ​നൈ​സേ​ഷ​ൻ പ്ര​സി​ഡ​ന്‍റ് സ​തീ​ഷ് പ​റ​ഞ്ഞു. ത​മി​ഴ്‌​നാ​ട്ടി​ലെ ര​ണ്ടാ​മ​ത്തെ വ​ലി​യ വി​മാ​ന​ത്താ​വ​ള​മാ​യ കോ​യ​മ്പ​ത്തൂ​രി​ൽ പ്ര​തി​ദി​ന സർവീസുകളുടെ എ​ണ്ണം നി​ല​വി​ലെ 27 ൽ ​നി​ന്ന് 30 ആ​യി ഉ​യ​ർ​ത്താ​ൻ പ​ദ്ധ​തി​യു​ണ്ടെ​ന്ന് സ​തീ​ഷ് പ​റ​ഞ്ഞു.

ഈ ​വി​പു​ലീ​ക​ര​ണം കോ​യ​മ്പ​ത്തൂ​ർ അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ലെ പ്ര​തി​ദി​ന യാ​ത്ര​ക്കാ​രു​ടെ എ​ണ്ണം 10,000 ക​വി​യു​മെ​ന്ന് പ്ര​തീ​ക്ഷി​ക്കു​ന്നു. ക​ഴി​ഞ്ഞ​യാ​ഴ്ച മു​ത​ൽ ഇ​ൻ​ഡി​ഗോ ഹൈ​ദ​രാ​ബാ​ദി​ലേ​ക്കു​ള്ള ത​ങ്ങ​ളു​ടെ സ​ർ​വീ​സു​കൾ 26 പ്ര​തി​വാ​ര ഫ്‌​ളൈ​റ്റു​ക​ളാ​യി ഉ​യ​ർ​ത്തി​യി​ട്ടു​ണ്ട്. മു​മ്പ​ത്തെ മൂ​ന്നി​ന് പ​ക​രം വ്യാ​ഴം, ശ​നി ദി​വ​സ​ങ്ങ​ളി​ൽ ഒ​ഴി​കെ ഇ​പ്പോ​ൾ ഹൈ​ദ​രാ​ബാ​ദി​ലേ​ക്ക് ദി​വ​സ​വും നാ​ല് വി​മാ​ന​ങ്ങ​ൾ സ​ർ​വീ​സ് ന​ട​ത്തു​ന്നു​ണ്ട്.


കൂ​ടാ​തെ, ഇ​ൻ​ഡി​ഗോ എ​യ​ർ​ലൈ​ൻ​സ് കോ​യ​മ്പ​ത്തൂ​രി​ൽ നി​ന്ന് അ​ബു​ദാ​ബി​യി​ലേ​ക്കു​ള്ള നേ​രി​ട്ടു​ള്ള വി​മാ​നസ​ർ​വീ​സ് പു​നഃ​ക്ര​മീ​ക​രി​ച്ചു. അ​ബു​ദാ​ബി​യി​ൽ നി​ന്നു​ള്ള ഫ്ലൈ​റ്റ് ഷെ​ഡ്യൂ​ളി​ൽ മാ​റ്റ​മി​ല്ല. 27 മു​ത​ൽ കോ​യ​മ്പ​ത്തൂ​രി​നും സിം​ഗ​പ്പൂ​രി​നു​മി​ട​യി​ൽ ഇ​ൻ​ഡി​ഗോ പ്ര​തി​ദി​ന നോ​ൺ-​സ്റ്റോ​പ്പ് ഫ്ലൈ​റ്റു​ക​ൾ പ്ര​ഖ്യാ​പി​ച്ചി​ട്ടു​ണ്ടെ​ന്നും സ​തീ​ഷ് പറഞ്ഞു.