വ​ണ്ടി​ത്താ​വ​ളത്തു ബൈ​പാ​സ് റോ​ഡ് നി​ർ​മാ​ണം വേഗത്തിലാക്കണം
Saturday, June 15, 2024 12:20 AM IST
വ​ണ്ടി​ത്താ​വ​ളം: പ്ര​ധാ​ന​പാ​ത​യി​ൽ സ്കൂ​ൾ ഗ്രൗ​ണ്ട് ക​യ​റ്റ​ത്തി​ൽ ച​ര​ക്കു​വാ​ഹ​ന സ​ഞ്ചാ​രം ദു​ഷ്ക്ക​ര​മാ​യ​തി​നു പ​രി​ഹാ​ര​മാ​യി ബൈ​പാ​സ് നി​ർ​മി​ക്കാ​ൻ തീ​രു​മാ​നി​ച്ച​ത് ന​ട​പ്പി​ലാ​ക്ക​ണ​മെ​ന്ന് ആ​വ​ശ്യം. ച​ര​ക്കു​വാ​ഹ​ന​ങ്ങ​ൾ ക​യ​റ്റം ക​യ​റാ​നാ​വാ​തെ തി​രി​ച്ചു​പോ​കേ​ണ്ട​താ​യ നി​ര​വ​ധി സം​ഭ​വ​ങ്ങ​ൾ ന​ട​ന്നി​ട്ടു​ണ്ട്. ഗ​താ​ഗ​ത​കു​രു​ക്കും സാ​ഹ​ച​ര്യ​ങ്ങ​ളും ക​ണ​ക്കി​ലെ​ടു​ത്താ​ണ് കി​ഴ​ക്കു ഭാ​ഗ​ത്തു​ള്ള ബ്രാ​ഞ്ച് ക​നാ​ൽ ബ​ണ്ടി​ൽ പാ​ത നി​ർ​മി​ച്ച് ഇ​തു​വ​ഴി വാ​ഹ​ന​ങ്ങ​ൾ തി​രി​ച്ചു​വി​ടാ​ൻ പൊ​തു​മ​രാ​മ​ത്ത് തീ​രു​മാ​നി​ച്ച​ത്. പ്രാ​ഥ​മി​ക ന​ട​പ​ടി എ​ന്ന നി​ല​യി​ൽ റോ​ഡ് നി​ർ​മാ​ണ സ​ർ​വേ​യും ര​ണ്ടു വ​ർ​ഷം മു​ൻ​പ് പൂ​ർ​ത്തി​ക​രി​ച്ചു. സാ​മ്പ​ത്തി​ക പ്ര​തി​സ​ന്ധി മൂ​ല​മാ​ണ് നി​ർ​മാ​ണം നീ​ട്ടി​കൊ​ണ്ടു​പോ​വു​ന്ന​ത്.

സ്കൂ​ൾ ഗ്രൗ​ണ്ട് വ​ണ്ടി​ത്താ​വ​ളം പ്ര​ധാ​ന പാ​ത​യി​ൽ ഗ​താ​ഗ​ത ത​ട​സം അ​നു​ദി​നം കൂ​ടി​വ​രി​ക​യാ​ണ്. പ​തി​ന​ഞ്ചോ​ളം സ്വ​കാ​ര്യ ബ​സു​ക​ളും നൂ​റു​ക​ണ​ക്കി​നു ഇ​ത​ര വാ​ഹ​ന​ങ്ങ​ളും പ​തി​വാ​യി സ​ഞ്ച​രി​ക്കു​ന്ന പ്ര​ധാ​ന പാ​ത​യി​ലാ​ണ് അ​പ​ക​ടം പ​തി​യി​രി​ക്കു​ന്ന​ത്. 20 വ​ർ​ഷം മു​ന്പ് ക​യ​റ്റം ക​യ​റു​ന്ന​തി​നി​ടെ ട്രാ​ക്ട​ർ പി​ന്നോ​ട്ടു വ​ന്ന് റോ​ഡി​ന​രി​കി​ലെ ക​നാ​ലി​ൽ വീ​ണ് ഡ്രൈ​വ​ർ​ക്ക് സാ​ര​മാ​യ പ​രി​ക്കു പ​റ്റി​യി​രു​ന്നു. ഇ​ത്ത​രം അ​പ​ക​ട​ങ്ങ​ൾ വീ​ണ്ടും സം​ഭ​വി​ക്കാ​തി​രി​ക്കാ​നാ​ണ് ബൈ​പാ​സ് റോ​ഡ് നി​ർ​മാ​ണം ആ​രം​ഭി​ക്ക​ണ​മെ​ന്ന് യാ​ത്ര​ക്കാ​ർ ആ​വ​ശ്യ​പ്പെ​ടു​ന്ന​ത്.

വാ​ഹ​ന അ​പ​ക​ട​ങ്ങ​ൾ തു​ട​ർ​ക്ക​ഥ​യാ​യ വ​ണ്ടി​ത്താ​വ​ള​ത്തി​ന്‍റെ കി​ഴ​ക്ക​ൻ ഭാ​ഗ​ത്തി​ൽ അ​പ​ക​ട​ത്തി​ൽ​പ്പെ​ട്ട​വ​രെ ചി​റ്റൂ​ർ താ​ലൂ​ക്ക് ആ​ശു​പ​ത്രി​യി​ലേ​ക്ക് ആം​ബു​ല​ൻ​സ് സ​ഞ്ച​രി​ക്കു​ന്ന​തും സ്കൂ​ൾ ഗ്രൗ​ണ്ട് പാ​ത​യി​ലൂ​ടെ​യാ​ണ്. ഈ ​റോ​ഡി​ൽ ഗ​താ​ഗ​ത​കു​രു​ക്കു കാ​ര​ണം ആം​ബു​ല​ൻ​സു​ക​ളും ദീ​ർ​ഘ​നേ​രം വ​ഴി​യി​ൽ അ​ക​പ്പെ​ടാ​റു​ണ്ട്.

ഇ​ത്ത​രം പ്ര​ശ്ന​ങ്ങ​ൾ​ക്ക് പ​രി​ഹാ​രം ഉ​ണ്ടാ​വു​ന്ന​തി​ന് ബൈ​പാ​സ് വൈ​കാ​തെ പൂ​ർ​ത്തീ​ക​രി​ക്കേ​ണ്ട​ത് അ​ത്യാ​വ​ശ്യ​മാ​യി​രി​ക്കു​ക​യാ​ണ്.

Copyright @ 2022 , Rashtra Deepika Ltd.