വ​ണ്ടി​ത്താ​വ​ളം നാ​ൽ​ക്ക​വ​ല​യി​ൽ ഗ​താ​ഗ​ത​കുരുക്ക് അ​തി​രൂ​ക്ഷം
Saturday, June 22, 2024 1:19 AM IST
വ​ണ്ടി​ത്താ​വ​ളം: ടൗ​ൺ നാ​ൽ​ക്ക​വ​ല​യി​ൽ വ​ർ​ധി​ച്ചു വ​രു​ന്ന വാ​ഹ​ന​കു​രു​ക്ക് ഒ​ഴി​യാ​ബാ​ധ​യാ​യി നീ​ളു​ന്നു. പ​രി​ഹാ​ര ന​ട​പ​ടി എ​ന്ന​ നി​ല​യി​ൽ ര​ണ്ടുവ​ർ​ഷംമു​ൻ​പ് പൊ​തു​മ​രാ​മ​ത്ത് ക​ണ്ടെ​ത്തി​യ ബൈ​പാ​സ് നി​ർ​മാ​ണ തീ​രു​മാ​നം ഫ​യ​ലി​ൽ സു​ഖ​നി​ദ്ര​യി​ലാ​ണ്. ഈ ​ജം​ഗ്ഷ​നി​ൽ രാ​വി​ലേ​യും വൈ​കു​ന്നേ​ര​വുമാ​ണ്് വാ​ഹ​ന​കു​രു​ക്ക്. സ്കൂ​ൾ ഗ്രൗ​ണ്ടി​ൽ നി​ന്നും ടൗ​ണി​ലേ​ക്ക് കു​ത്ത​നെ​യു​ള്ള ക​യ​റ്റ​ത്തി​ൽ ക​യ​റി​വ​രു​ന്ന വാ​ഹ​ന​ങ്ങ​ൾ പ്ര​ധാ​ന പാ​ത​യി​ലെ​ത്ത​ണ​മെ​ങ്കി​ൽ ക​ട​മ്പ​ക​ളേ​റെ​യാ​ണ്.

ഇ​രു​വ​ശ​ത്തു​മു​ള്ള വ്യാ​പാ​ര സ്ഥാ​പ​ന​ങ്ങ​ളു​ടെ മ​റ​വു കാ​ര​ണം പ്ര​ധാ​ന പാ​ത​യി​ൽ വ​രു​ന്ന വാ​ഹ​ന​ങ്ങ​ൾ മു​ഖാ​മു​ഖം എ​ത്തു​മ്പോ​ഴാ​ണ് തി​രി​ച്ച​റി​യു​ന്ന​ത്. മീ​നാ​ക്ഷി​പു​രം - വ​ണ്ടി​ത്താ​വ​ളം പ്ര​ധാ​ന പാ​ത​യി​ൽ ഇ​ട​യ്ക്കി​ടെ ഉ​ണ്ടാ​വു​ന്ന വാ​ഹ​ന അ​പ​ക​ട​ങ്ങ​ളി​ൽ പ​രി​ക്കേ​റ്റ​വ​രെ കൊ​ണ്ടു​വ​രു​ന്ന ആം​ബു​ല​ൻ​സു​ക​ളും ഗ​താ​ഗ​ത​കു​രു​ക്കി​ൽ അ​ക​പ്പെ​ടാ​റു​ണ്ട്. നെ​ടു​മ്പ​ള്ളം, ന​ന്ദി​യോ​ട്, പ​ള്ളി​മൊ​ക്ക്, അ​ല​യാ​ർ ഭാ​ഗ​ങ്ങ​ളി​ൽ നി​ന്നും വ​രു​ന്ന വാ​ഹ​ന​ങ്ങ​ൾ ഒ​ന്നി​ക്കു​ന്ന​ത് വ​ണ്ടി​ത്താ​വ​ളം നാ​ൽ​ക്കവ​ല​യി​ലാ​ണ്. 2,500 ഓ​ളം വി​ദ്യാ​ർ​ഥി​ക​ൾ പ​ഠി​ക്കു​ന്ന സ്കൂ​ൾ ടൗ​ണി​ലാ​ണു​ള്ള​ത്. ഇ​തു​വ​ഴി കെ​എ​സ്ആ​ർ​ടി​സി ഉ​ൾ​പ്പെ​ടെ 30 ല​ധി​കം ബ​സു​ക​ളും വി​ദ്യാ​ർ​ഥി​ക​ളു​ടെ വാ​ഹ​ന​ങ്ങ​ളും സ​ഞ്ച​രി​ക്കു​ന്നു. അ​ല​യാ​ർ ഭാ​ഗ​ത്തു നി​ന്നും വ​രു​ന്ന വാ​ഹ​ന​ങ്ങ​ൾ ടൗ​ണി​ലെ​ത്താ​തെ ക​ട​ന്നു​പോ​കാ​ൻ ബൈ​പാ​സ് റോ​ഡ് നി​ർ​മി​ക്കാ​നാ​ണ് പൊ​തു​മ​രാ​മ​ത്ത് തീ​രു​മാ​നി​ച്ച് ര​ണ്ടു ത​വ​ണ സ​ർ​വേ ന​ട​ത്തി​യ​ത്. ഇ​തു സം​ബ​ന്ധ​ിച്ച് യാ​ത്ര​ക്കാ​ർ വ​കു​പ്പ് അ​ധി​കൃ​ത​രു​മാ​യി ബ​ന്ധ​പ്പെ​ട്ടാ​ൽ സ​ർ​ക്കാ​ർ സാ​മ്പ​ത്തി​ക പ്ര​തി​സ​ന്ധി​യി​ലാ​ണെ​ന്ന മ​റു​പ​ടി​യാ​ണ് ഉ​ണ്ടാ​കു​ന്ന​ത്.

ചി​റ്റൂ​ർ ആ​ശു​പ​ത്രി ജം​ഗ്ഷ​ൻ വ​ഴി എ​ത്തു​ന്ന വാ​ഹ​ന​യാ​ത്ര​ക്കാ​ർ വ​ണ്ടി​ത്താ​വ​ളം ടൗ​ണി​ലെ കു​രു​ക്ക് മ​റി​ക​ട​ക്കാ​ൻ മൂ​ന്നു​കി​ലോ​മീ​റ്റ​ർ അ​ധി​കം സ​ഞ്ച​രി​ച്ച് മേ​ട്ടു​പ്പാ​ള​യം വ​ഴി​യും വ​ണ്ടി​ത്താ​വ​ള​ത്ത് എ​ത്താ​റു​ണ്ട്. താ​ലൂ​ക്കി​ലെ മി​ക്ക പ​ഞ്ചാ​യ​ത്ത് റോ​ഡു​ക​ളും ന​വീ​ക​രി​ച്ച് സ​ഞ്ചാ​ര​യോ​ഗ്യ​മാ​ക്കി​യി​ട്ടും സ്കൂ​ൾ ഗ്രൗ​ണ്ട് റോ​ഡി​ന് ഇ​തു​വ​രേ​യും ശാ​പ​മോ​ക്ഷം ഉ​ണ്ടാ​യി​ട്ടി​ല്ല.

Copyright @ 2022 , Rashtra Deepika Ltd.