തോപ്പുംപടി: മുണ്ടംവേലിയിലെ ഗ്യാസ് ഏജൻസിയിൽനിന്ന് ആധാർ മസ്റ്ററ്റിംഗ് കഴിഞ്ഞിറങ്ങിയ പൊതുപ്രവർത്തകൻ വഴിയിൽ കുഴഞ്ഞുവീണ് മരിച്ചു. കണ്ണമാലി കാക്കത്തറ വീട്ടിൽ സെബാസ്റ്റ്യൻ (68) ആണ് മരിച്ചത്. ഇന്നലെ ഉച്ചയോടെയാണ് സംഭവം.
മസ്റ്ററ്റിംഗ് കഴിഞ്ഞ സെബാസ്റ്റ്യൻ വഴിയിൽ കുഴഞ്ഞ് വീഴുകയായിരുന്നു. സമീപത്തെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. കണ്ണമാലിയിലെ സജീവ കോണ്‍ഗ്രസ് പ്രവർത്തകനായിരുന്നു. സംസ്കാരം ഇന്നു 11ന് കണ്ണമാലി സെന്‍റ് ആന്‍റണീസ് പള്ളിയിൽ. ഭാര്യ: മാഗി. മക്കൾ: പ്രവീണ, പ്രജിൻ. മരുമക്കൾ: രാജൻ, മെയ്മോൾ.