പ്ലാ​സ്റ്റി​ക് ഷ്രെ​ഡിം​ഗ് യൂ​ണി​റ്റി​ന് വാ​ങ്ങി​യ സ്ഥ​ലം കാ​ടു​ക​യ​റി ന​ശി​ക്കു​ന്നു
Monday, July 8, 2024 4:20 AM IST
കോ​ത​മം​ഗ​ലം: ബ്ലോ​ക്ക് പ​ഞ്ചാ​യ​ത്ത് പി​ണ്ടി​മ​ന ആ​ലും​ചു​വ​ടി​ന് സ​മീ​പ​ത്ത് പ്ലാ​സ്റ്റി​ക് ഷ്രെ​ഡിം​ഗ് യൂ​ണി​റ്റി​നാ​യി വാ​ങ്ങി​യ സ്ഥ​ലം നി​ർ​ധ​ന​ർ​ക്ക് ഫ്ലാ​റ്റ് സ​മു​ച്ച​യം നി​ർ​മി​ക്കാ​ൻ ഉ​പ​യോ​ഗി​ക്കു​മെ​ന്ന് പ്ര​ഖ്യാ​പി​ച്ചെ​ങ്കി​ലും വ​ർ​ഷ​ങ്ങ​ൾ ക​ഴി​ഞ്ഞി​ട്ടും ന​ട​പ​ടി​യാ​യി​ല്ല. കോ​ത​മം​ഗ​ലം ബ്ലോ​ക്ക് പ​ഞ്ചാ​യ​ത്ത് വാ​ങ്ങി​യ ഒ​രേ​ക്ക​ർ സ്ഥ​ലം ഇ​പ്പോ​ൾ കാ​ടു​ക​യ​റി ന​ശി​ക്കു​ക​യാ​ണ്.

പ്ലാ​സ്റ്റി​ക് ഷ്രെ​ഡിം​ഗ് യൂ​ണി​റ്റ് സ്ഥാ​പി​ക്കു​ന്ന​തി​ന് അ​ഞ്ച് വ​ർ​ഷം മു​ന്പ് വി​ല​യ്‌​ക്കു​വാ​ങ്ങി​യ​താ​ണ് സ്ഥ​ലം. എ​ന്നാ​ൽ പ്ര​ദേ​ശ​വാ​സി​ക​ളു​ടെ എ​തി​ർ​പ്പു​മൂ​ലം പ്ലാ​സ്റ്റി​ക് ഷ്രെ​ഡിം​ഗ് യൂ​ണി​റ്റ് സ്ഥാ​പി​ക്കാ​ൻ ക​ഴി​ഞ്ഞി​ല്ല.

പി​ന്നീ​ട് ലൈ​ഫ് മി​ഷ​ൻ ഭ​വ​ന പ​ദ്ധ​തി​പ്ര​കാ​രം ഭ​വ​ന​ര​ഹി​ത​ർ​ക്കാ​യി ഫ്ലാ​റ്റ് സ​മു​ച്ച​യം നി​ർ​മി​ക്കു​മെ​ന്ന് പ്ര​ഖ്യാ​പ​ന​മു​ണ്ടാ​യെ​ങ്കി​ലും ന​ട​പ​ടി​ക​ളൊ​ന്നും ഉ​ണ്ടാ​യി​ല്ല. ഇ​പ്പോ​ൾ കാ​ടു​മൂ​ടി ആ​രും തി​രി​ഞ്ഞു​നോ​ക്കാ​തെ കി​ട​ക്കു​ക​യാ​ണ് സ്ഥ​ലം. ബ്ലോ​ക്ക് പ​ഞ്ചാ​യ​ത്തി​ന്‍റെ ല​ക്ഷ​ക്ക​ണ​ക്കി​ന് രൂ​പ​യാ​ണ് ഇ​വി​ടെ പാ​ഴാ​യി​കി​ട​ക്കു​ന്ന​ത്.


വ​ഴി​സൗ​ക​ര്യം​പോ​ലും ഇ​ല്ലാ​ത്ത സ്ഥ​ലം ഉ​യ​ർ​ന്ന തു​ക​യ്ക്ക് വാ​ങ്ങി​യ​തി​ൽ അ​ഴി​മ​തി​യു​ണ്ടെ​ന്ന് ആ​രോ​പ​ണ​മു​ണ്ടാ​യിരുന്നു. റ​വ​ന്യു വ​കു​പ്പും സ്ഥ​ലം​വാ​ങ്ങു​ന്ന​തി​ന് അ​നു​കൂ​ല​മാ​യി​രു​ന്നി​ല്ല. അ​ന്ന് ബ്ലോ​ക്ക് പ​ഞ്ചാ​യ​ത്ത് ഭ​രി​ച്ചി​രു​ന്ന എ​ൽ​ഡി​എ​ഫി​നു​ള്ളി​ലും വി​ഷ​യം ഭി​ന്ന​ത​യ്ക്ക് കാ​ര​ണ​മാ​യെ​ങ്കി​ലും പി​ന്നീ​ട് ഒ​ത്തു​തീ​ർ​പ്പു​ണ്ടാ​ക്കി.

വി​വാ​ദം കെ​ട്ട​ട​ങ്ങു​ക​യും ബ്ലോ​ക്ക് പ​ഞ്ചാ​യ​ത്തി​ൽ ഭ​ര​ണ​മാ​റ്റം ഉ​ണ്ടാ​കു​ക​യും ചെ​യ്ത​തോ​ടെ ല​ക്ഷ​ങ്ങ​ൾ മു​ട​ക്കി വാ​ങ്ങി​യ സ്ഥ​ല​ത്തേ​ക്കു​റി​ച്ചു​ള്ള ഓ​ർ​മ​പോ​ലും അ​ധി​കൃ​ത​ർ​ക്ക് ഇ​ല്ലാ​താ​യ സ്ഥി​തി​യാ​ണ്.