മു​ണ്ടി​യെ​രു​മ​യി​ലെ വി​ദ്യാ​ര്‍​ഥി​ സം​ഘ​ര്‍​ഷം: വി​ദ്യാ​ര്‍​ഥി ഡി​വൈഎ​സ്പിക്ക് പ​രാ​തി ​ന​ല്‍​കി
Wednesday, July 3, 2024 3:48 AM IST
നെ​ടു​ങ്ക​ണ്ടം: മു​ണ്ടി​യെ​രു​മ​യി​ല്‍ വി​ദ്യാ​ര്‍​ഥി സം​ഘ​ര്‍​ഷം പ​തി​വാ​കു​ന്നു. ക​ഴി​ഞ്ഞ ദി​വ​സം ടൗ​ണി​ല്‍ ഇ​രു​വി​ഭാ​ഗം വി​ദ്യാ​ര്‍​ഥി​ക​ള്‍ ത​മ്മി​ല്‍ സം​ഘ​ര്‍​ഷം ഉ​ണ്ടാ​കു​ക​യും ഒ​രു ദ​ളി​ത് വി​ദ്യാ​ര്‍​ഥി​ക്ക് പ​രി​ക്കേ​ല്‍​ക്കു​ക​യും ചെ​യ്തു.

സം​ഭ​വ​ത്തി​ല്‍ വി​ദ്യാ​ര്‍​ഥി പ​രാ​തി ന​ല്‍​കി​യെ​ങ്കി​ലും ന​ട​പ​ടി ഉ​ണ്ടാ​യി​ട്ടി​ല്ലെ​ന്നും ആ​ക്ഷേ​പ​മു​ണ്ട്. സ്‌​കൂ​ള്‍ തു​റ​ന്ന​തോ​ടെ സം​ഘ​ര്‍​ഷ​വും ആ​രം​ഭി​ച്ച​ത് ര​ക്ഷി​താ​ക്ക​ളി​ലും പ്ര​ദേ​ശ​വാ​സി​ക​ളി​ലും ആ​ശ​ങ്ക സൃ​ഷ്ടി​ച്ചി​ട്ടു​ണ്ട്. ജി​ല്ല​യി​ല്‍ ഏ​റ്റ​വും കൂ​ടു​ത​ല്‍ വി​ദ്യാ​ര്‍​ഥി​ക​ള്‍ പ​ഠി​ക്കു​ന്ന സ്‌​കൂ​ളു​ക​ളി​ല്‍ ഒ​ന്നാ​ണ് ഇ​ത്.

ക​ഴി​ഞ്ഞ വെ​ള്ളി​യാ​ഴ്ച​യാ​ണ് ബ​സ് കാ​ത്തു​നി​ന്ന വി​ദ്യാ​ര്‍​ഥി​യെ ഒ​രു​കൂ​ട്ടം വി​ദ്യാ​ര്‍​ഥി​ക​ള്‍ ചേ​ര്‍​ന്ന് മ​ര്‍​ദി​ച്ച​ത്. സം​ഘ​ത്തി​ല്‍ മു​തി​ര്‍​ന്ന ആ​ളു​ക​ളും ഉ​ണ്ടാ​യി​രു​ന്ന​താ​യും പ​രി​ക്കേ​റ്റ വി​ദ്യാ​ര്‍​ഥി പോ​ലീ​സി​ന് ന​ല്‍​കി​യ പ​രാ​തി​യി​ല്‍ പ​റ​യു​ന്നു. മ​ര്‍​ദ​ന​ത്തി​ല്‍ കു​ട്ടി​യു​ടെ ക​ണ്ണി​ന് പ​രി​ക്കേ​ല്‍​ക്കു​ക​യും മു​ഖ​ത്ത് പൊ​ട്ട​ലേ​ല്‍​ക്കു​ക​യും ചെ​യ്തു.

ആ​ക്ര​മ​ണ​ത്തെ​ത്തു​ട​ര്‍​ന്ന് കു​ട്ടി​യെ നെ​ടു​ങ്ക​ണ്ടം താ​ലൂ​ക്ക് ആ​ശു​പ​ത്രി​യി​ല്‍ പ്ര​വേ​ശി​പ്പി​ക്കു​ക​യും പോ​ലീ​സി​ല്‍ പ​രാ​തി ന​ല്‍​കു​ക​യും ചെ​യ്തു. എ​ന്നാ​ല്‍, പോ​ലീ​സ് തു​ട​ര്‍​ന​ട​പ​ടി​ക​ള്‍ സ്വീ​ക​രി​ക്കാ​ന്‍ ത​യാ​റാ​കു​ന്നി​ല്ല എ​ന്നാ​ണ് കു​ടും​ബ​ത്തി​​ന്‍റെ ആ​രോ​പ​ണം.

തു​ട​ര്‍​ചി​കി​ത്സ​യ്ക്കാ​യി മെ​ഡി​ക്ക​ല്‍ കോ​ള​ജി​ല്‍ പ്ര​വേ​ശി​പ്പി​ച്ച വി​ദ്യാ​ര്‍​ഥി​യെ തി​ങ്ക​ളാ​ഴ്ച വൈ​കു​ന്നേ​ര​ത്തോ​ടെ​യാ​ണ് ഡി​സ്ചാ​ര്‍​ജ് ചെ​യ്ത​ത്. എ​ന്നാ​ല്‍, വീ​ട്ടി​ലെ​ത്തി​യ​ശേ​ഷ​വും മു​ക്കി​ല്‍​നി​ന്നും വാ​യി​ല്‍​നി​ന്നും ര​ക്തം വ​രു​ന്നു​ണ്ടെ​ന്നും കാ​ഴ്ച​യ്ക്ക് മ​ങ്ങ​ലു​ണ്ടെ​ന്നും കു​ട്ടി പ​റ​യു​ന്നു. തു​ട​ര്‍ ന​ട​പ​ടി​ക​ളി​ല്‍ പോ​ലീ​സി​​ന്‍റെ അ​നാ​സ്ഥ ചൂ​ണ്ടി​ക്കാ​ട്ടി കു​ടും​ബം ക​ട്ട​പ്പ​ന ഡി​വൈഎ​സ്​പിക്ക് പ​രാ​തി ന​ല്‍​കി. ആ​ക്ര​മി​ച്ച​വ​രി​ല്‍​നി​ന്ന് ജാ​തി അ​ധി​ക്ഷേ​പ​വും വ​ധ​ഭീ​ഷ​ണി​യും നേ​രി​ടു​ന്ന​താ​യും പ​രാ​തി​യി​ല്‍ ആ​രോ​പി​ച്ചു.

അ​തേ​സ​മ​യം ക​ഴി​ഞ്ഞ കു​റ​ച്ചു​വ​ര്‍​ഷ​ങ്ങ​ളാ​യി ടൗ​ണി​ല്‍ കു​ട്ടി​ക​ള്‍ ത​മ്മി​ലു​ള്ള അ​ക്ര​മ​സം​ഭ​വ​ങ്ങ​ള്‍ പ​തി​വാ​ണെ​ന്നും പോ​ലീ​സ് പ​ട്രോ​ളി​ംഗ് കാ​ര്യ​ക്ഷ​മ​മാ​ക്ക​ണ​മെ​ന്നും നാ​ട്ടു​കാ​ര്‍ ആ​വ​ശ്യ​പ്പെ​ട്ടു.

Copyright @ 2022 , Rashtra Deepika Ltd.