ടാ​റിം​ഗ് പൊ​ളി​ഞ്ഞ റോ​ഡി​ൽ പാ​റ​പ്പൊ​ടി വി​ത​റി ന​വീ​ക​ര​ണം
Sunday, June 16, 2024 10:22 PM IST
മു​ണ്ട​ക്ക​യം: ടാ​റിം​ഗ് ന​ട​ത്തി ദി​വ​സ​ങ്ങ​ൾ​ക്കു​ള്ളി​ൽ ത​ക​ർ​ന്ന റോ​ഡി​ൽ കു​ഴി​യു​ള്ള ഭാ​ഗ​ത്ത് പാ​റ​പ്പൊ​ടി വി​ത​റി വീ​ണ്ടും ക​രാ​റു​കാ​രു​ടെ ത​ട്ടി​പ്പ്.

മു​പ്പ​ത്ത​ഞ്ചാം​മൈ​ൽ-​കൊ​ക്ക​യാ​ർ-​നെ​ടു​മ്പാ​ശേ​രി പാ​ത​യി​ലെ ടാ​റിം​ഗ് ജോ​ലി​യി​ലാ​ണ് വീ​ണ്ടും ത​ട്ടി​പ്പു ന​ട​ത്തു​ന്ന​ത്. റോ​ഡ് ത​ക​ർ​ന്ന വാ​ർ​ത്ത ക​ഴി​ഞ്ഞ ദി​വ​സം ദീ​പി​ക റി​പ്പോ​ർ​ട്ട് ചെ​യ്തി​രു​ന്നു. ഇ​തേ​ത്തു​ട​ർ​ന്ന് ഇ​ന്ന​ലെ അ​റ്റ​കു​റ്റ​പ്പ​ണി​യെ​ന്ന പേ​രി​ൽ റോ​ഡി​ലെ കു​ഴി​യു​ള്ള ഭാ​ഗ​ത്ത് പാ​റ​പ്പൊ​ടി വി​ത​റി​യ​ത്. ടാ​റിം​ഗ് ഇ​ള​കി​യ ഭാ​ഗ​ത്ത് ടാ​ർ ഒ​ഴി​ച്ച ശേ​ഷം പാ​റ​പ്പൊ​ടി വി​ത​റി​യാ​ണ് കു​ഴി​യ​ട​യ്ക്ക​ൽ ന​ട​ത്തു​ന്ന​ത്. അ​വ​ധി​ദി​ന​വും ആ​ളൊ​ഴി​ഞ്ഞ ഭാ​ഗ​വും ക​ണ്ടെ​ത്തി​യാ​ണ് കു​ഴി​യ​ട​യ്ക്ക​ൽ.

റോ​ഡ് ത​ക​ർ​ന്ന​തോ​ടെ വി​വി​ധ കോ​ണു​ക​ളി​ൽ​നി​ന്നു വ്യാ​പ​ക പ്ര​തി​ഷേ​ധ​മാ​ണ് ഉ​യ​ർ​ന്ന​ത്. എ​ന്നാ​ൽ അ​ധി​കൃ​ത​ർ മൗ​നം പാ​ലി​ക്കു​ക​യാ​ണ്. ഒ​രു ടാ​റിം​ഗ് കൂ​ടി ഉ​ണ്ടെ​ന്നും ഇ​തോ​ടെ റോ​ഡ് ബ​ല​വ​ത്താ​കു​മെ​ന്നു​മാ​ണ് അ​ധി​കൃ​ത​ർ ന​ൽ​കു​ന്ന വി​ശ​ദീ​ക​ര​ണം. എ​ന്നാ​ൽ, ത​ക​ർ​ന്ന പാ​ത​യി​ലെ അ​പാ​ക​ത പ​രി​ഹ​രി​ക്കാ​തെ അ​ടു​ത്ത ഘ​ട്ടം ചെ​യ്താ​ൽ അ​തു വെ​റു​തെ​യാ​കു​മെ​ന്നാ​ണു പ​രാ​തി ഉ​യ​രു​ന്ന​ത്.

Copyright @ 2022 , Rashtra Deepika Ltd.