ബസ് യാത്രികരെ തി​രു​ന​ക്ക​ര​യി​ല്‍ മ​ഴ​യി​ലും ചെ​ളി​യി​ലും നി​റു​ത്ത​രു​തേ!
Wednesday, June 26, 2024 7:00 AM IST
കോ​ട്ട​യം: ന​ഗ​ര​സ​ഭ​യു​ടെ ഗു​രു​ത​ര​മാ​യ അ​നാ​സ്ഥ​യി​ലും പി​ടി​പ്പു​കേ​ടി​ലും തി​രു​ന​ക്ക​ര​യി​ല്‍ ന​ര​കി​ക്കു​ക​യാ​ണ് ജ​ന​ങ്ങ​ള്‍. ഇ​ടി​ച്ചു​വീ​ഴ്ത്തി​യ പ​ഴ​യ ബ​സ് സ്റ്റാ​ന്‍ഡി​ല്‍ ബ​സു​ക​ള്‍ ക​യ​റാ​ന്‍ അ​നു​മ​തി ന​ല്‍കി​യ​ത​ല്ലാ​തെ ജ​ന​ങ്ങ​ള്‍ എ​ങ്ങ​നെ സു​ര​ക്ഷി​ത​രാ​യി കാ​ത്തു​നി​ന്ന് ബ​സി​ല്‍ ക​യ​റു​മെ​ന്ന് ജ​ന​പ്ര​തി​നി​ധി​ക​ള്‍ക്ക് അ​റി​യേ​ണ്ട​തി​ല്ല.

ദി​വ​സം നാ​നൂ​റി​ലേ​റെ സ്വ​കാ​ര്യ ബ​സു​ക​ള്‍ നാ​ലാ​യി​രം ത​വ​ണ ക​യ​റി​യിറ​ങ്ങു​ന്ന സ്റ്റാ​ന്‍ഡ് ഒ​രു ചെ​ളി​ക്കു​ള​മാ​യി​രി​ക്കു​ന്നു. ഇ​ന്ന​ലെ​ത്തേ​തു​പോ​ലു​ള്ള പെ​രു​മ​ഴ​യി​ല്‍ യാ​ത്ര​ക്കാ​ര്‍ക്ക് സു​ര​ക്ഷി​ത​രാ​യി നി​ല്‍ക്കാ​ന്‍ ഒ​രു താ​ത്കാ​ലി​ക കാ​ത്തി​രി​പ്പു​കേ​ന്ദ്രം പ​ണി​തി​ട്ടി​ല്ല.

മ​ഴ ന​ന​ഞ്ഞ് ചെ​ളി​നി​റ​ഞ്ഞ കു​ഴി​ക​ള്‍ താ​ണ്ടി ജീ​വ​ന്‍ പ​ണ​യം വ​ച്ച് ബ​സി​ല്‍ ക​യ​റി​പ്പ​റ്റാ​ന്‍ തി​ര​ക്കു​കൂ​ട്ടു​ന്ന യാ​ത്ര​ക്കാ​ര്‍. മെ​ഡി​ക്ക​ല്‍ കോ​ള​ജി​ലേ​ക്കും യൂ​ണി​വേ​ഴ്‌​സി​റ്റി​യി​ലേ​ക്കും മ​റ്റും പോ​കേ​ണ്ട​വ​രും കൈ​ക്കു​ഞ്ഞു​ങ്ങ​ളു​മാ​യി വ​രു​ന്ന സ്ത്രീ​ക​ളു​മൊ​ക്കെ അ​നു​ഭ​വി​ക്കു​ന്ന ദു​രി​തം കാ​ണാ​ന്‍ അ​ധി​കാ​രി​ക​ളാ​രു​മി​ല്ല. കാ​ഴ്ച​ക്കാ​രാ​യി പോ​ലും ഇ​വി​ടെ പോ​ലീ​സി​നെ കാ​ണാ​നു​മി​ല്ല. ഓ​രോ ബ​സും അ​വ​രു​ടെ താ​ത്പ​ര്യ​ത്തി​ല്‍ മൈ​താ​ന​ത്തി​ന്‍റെ ഏ​തെ​ങ്കി​ലും കോ​ണി​ല്‍ ബ​സ് നി​റു​ത്തി ആ​ളെ​യി​റ​ക്കു​ന്നു, ക​യ​റ്റു​ന്നു.

നി​ല്‍ക്കാ​നും ഇ​രി​ക്കാ​നും വി​ശ്ര​മി​ക്കാ​നും ഒ​ക്കെ ഇ​ട​മു​ണ്ടാ​യി​രു​ന്ന സ്റ്റാ​ന്‍ഡ് കെ​ട്ടി​ടം ബ​ല​ക്ഷ​യ​ത്തി​ന്‍റെ പേ​രി​ല്‍ പൊ​ളി​ക്കാ​ന്‍ വ​ലി​യ തി​ടു​ക്ക​മു​ണ്ടാ​യി​രു​ന്നെ​ങ്കി​ലും യാ​ത്ര​ക്കാ​ര്‍ക്കാ​യി ഒ​രു താ​ത്കാ​ലി​ക ഷെ​ഡ് എ​ങ്കി​ലും നി​ര്‍മി​ക്കാ​ന്‍ ഒ​രു ഉ​ത്സാ​ഹ​വു​മി​ല്ല. ബ​സ്‌​സ്റ്റാ​ന്‍ഡി​നോ​ടു ന​ഗ​ര​സ​ഭ കാ​ണി​ക്കു​ന്ന ക​ടു​ത്ത അ​വ​ഗ​ണ​ന​യ്‌​ക്കെ​തി​രെ പ്ര​തി​ക​രി​ക്കാ​നോ പ്ര​തി​ഷേ​ധി​ക്കാ​നോ ഒ​രു പാ​ര്‍ട്ടി​ക്കാ​രും സം​ഘ​ട​ന​ക​ളും മ​നു​ഷ്യാ​വ​കാ​ശ പ്ര​വ​ര്‍ത്ത​ക​രും രം​ഗ​ത്തു​വ​ന്നി​ട്ടി​ല്ല.

ക​ഴി​ഞ്ഞ​യാ​ഴ്ച​യാ​ണ് ഷോ​പ്പിം​ഗ് കോം​പ്ല​ക്‌​സ് പൊ​ളി​ച്ചു​മാ​റ്റി​യ സ്ഥ​ല​ത്ത് ബ​സ്‌​ബേ പു​ന​രാ​രം​ഭി​ച്ച​ത്. ബ​സു​ക​ള്‍ ക​യ​റി​റ​ങ്ങി​യ​തോ​ടെ ആ​ദ്യ​ദി​വ​സ​ങ്ങ​ളി​ല്‍ സ്റ്റാ​ന്‍ഡി​ലും സ​മീ​പ പ്ര​ദേ​ശ​ങ്ങ​ളി​ലും പൊ​ടി​പ​ട​ല​മാ​യി. മൂ​ക്കു​പൊ​ത്താ​തെ ബ​സി​റ​ങ്ങാ​ന്‍ സാ​ധി​ക്കാ​ത്ത സ്ഥി​തി​യു​മാ​യി.

ഇ​പ്പോ​ള്‍ പെ​രു​മ​ഴ എ​ത്തി​യ​തോ​ടെ പൊ​ടി മാ​റി സ്റ്റാ​ന്‍ഡി​ല്‍ ചെ​ളി നി​റ​ഞ്ഞി​രി​ക്കു​ന്നു. ബ​സു​ക​ൾ ക​ട​ന്നു​പോ​കു​ന്പോ​ൾ യാ​ത്ര​ക്കാ​രു​ടെ ദേ​ഹ​ത്തേ​ക്കു ചെ​ളി​വെ​ള്ളം തെ​റി​ച്ചു​വീ​ഴു​ന്ന സ്ഥി​തി​യു​മു​ണ്ട്. ബ​സ്‌​ബേ കൃ​ത്യ​മാ​യി വേ​ലി കെ​ട്ടി​തി​രി​ക്കാ​ത്ത​തി​നാ​ല്‍ തോ​ന്നും​പ​ടി ക​യ​റു​ന്ന ബ​സു​ക​ള്‍ അ​പ​ക​ട സാ​ധ്യ​ത വ​ര്‍ധി​പ്പി​ക്കു​ക​യാ​ണ്.

ബ​സ് ബേ ​ആ​രം​ഭി​ച്ച​പ്പോ​ള്‍ത്ത​ന്നെ കാ​ത്തി​രി​പ്പു കേ​ന്ദ്ര​വും ശൗ​ചാ​ല​യ​വും വേ​ണ​മെ​ന്ന ആ​വ​ശ്യം ശ​ക്ത​മാ​യി​രു​ന്നു. സ്‌​പോ​ണ്‍സ​ര്‍മാ​രെ ക​ണ്ടെ​ത്തി കാ​ത്തി​രി​പ്പു​കേ​ന്ദ്രം നി​ര്‍മി​ക്കു​മെ​ന്നാ​ണ് ന​ഗ​ര​സ​ഭാ അ​ധി​കൃ​ത​ര്‍ അ​റി​യി​ച്ച​ത്. ദി​വ​സ​ങ്ങ​ള്‍ ക​ഴി​ഞ്ഞി​ട്ടും സ്‌​പോ​ണ്‍സ​ര്‍മാ​രെ ക​ണ്ടെ​ത്തു​ന്ന​തി​നു​ള്ള ന​ട​പ​ടി​ക​ള്‍ ആ​രം​ഭി​ച്ചി​ട്ടി​ല്ല.

കാ​ത്തി​രി​പ്പുകേ​ന്ദ്ര​ത്തി​ന്‍റെ നി​ര്‍മാ​ണം മു​ട​ങ്ങി​യ​തിനു പി​ന്നി​ല്‍ ക​മ്മീ​ഷ​ന്‍ ത​ര്‍ക്ക​ം

താത്‍കാ​ലി​ക ബ​സ് കാ​ത്തി​രി​പ്പു കേ​ന്ദ്ര​ത്തി​ന്‍റെ നി​ര്‍മാ​ണം മു​ട​ങ്ങി​യ​തു പി​ന്നി​ല്‍ ക​മ്മീ​ഷ​ന്‍ ത​ര്‍ക്ക​മെ​ന്നു സൂ​ച​ന.

സ്റ്റാ​ന്‍ഡി​ല്‍ താ​ത്കാ​ലി​ക ബ​സ് കാ​ത്തി​രി​പ്പു കേ​ന്ദ്രം നി​ര്‍മി​ച്ചു ന​ല്കാ​ന്‍ പ്ര​മു​ഖ ജ്വ​ല്ല​റി ഗ്രൂ​പ്പ് രം​ഗ​ത്തെ​ത്തി​യി​രു​ന്നു.

എ​ന്നാ​ല്‍, ബ​സ് കാ​ത്തി​രി​പ്പു കേ​ന്ദ്ര​ത്തി​ല്‍ ഇ​വ​രു​ടെ പ​ര​സ്യ​ബോ​ര്‍ഡു​ക​ള്‍ സ്ഥാ​പി​ക്കു​ന്ന​തി​നെ​ചൊ​ല്ലി​യും ഇ​തി​ന്‍റെ ക​മ്മീ​ഷ​ന്‍ ല​ഭി​ക്കു​ന്ന​തി​നെ ചൊ​ല്ലി​യും ന​ഗ​ര​സ​ഭാ അ​ധി​കൃ​ത​ര്‍ക്കി​ട​യി​ലു​ണ്ടാ​യ ത​ര്‍ക്ക​മാ​ണ് താ​ത്കാ​ലി​ക ബ​സ് കാ​ത്തി​രി​പ്പു കേ​ന്ദ്ര​ത്തി​ന്‍റെ നി​ര്‍മാ​ണം മു​ട​ങ്ങി​യ​തി​നു പി​ന്നി​ലെ​ന്നാ​ണ് പു​റ​ത്തു​വ​രു​ന്ന വി​വ​രം.

Copyright @ 2022 , Rashtra Deepika Ltd.