റേ​ഷ​ൻ ക​ട​ക​ളി​ൽ വീ​ണ്ടും മ​സ്റ്റ​റിം​ഗ് കാ​ലം
Saturday, October 5, 2024 7:36 AM IST
കാ​സ​ർ​ഗോ​ഡ്: ആ​വ​ശ്യ​ത്തി​ന് പ​ച്ച​രി പോ​ലും കി​ട്ടാ​നി​ല്ലെ​ങ്കി​ലും മ​സ്റ്റ​റിം​ഗി​നാ​യി റേ​ഷ​ൻ ക​ട​ക​ളി​ൽ ചെ​ന്ന് കാ​ത്തു​കെ​ട്ടി കി​ട​ക്കേ​ണ്ട അ​വ​സ്ഥ​യി​ലാ​ണ് കാ​ർ​ഡു​ട​മ​ക​ൾ. മു​ൻ​ഗ​ണ​ന വി​ഭാ​ഗ​ത്തി​ൽ പെ​ടു​ന്ന മ​ഞ്ഞ (അ​ന്ത്യോ​ദ​യ അ​ന്ന​യോ​ജ​ന), പി​ങ്ക് റേ​ഷ​ൻ കാ​ർ​ഡു​ക​ളി​ലെ അം​ഗ​ങ്ങ​ളാ​ണ് മ​സ്റ്റ​റിം​ഗ് ന​ട​ത്തേ​ണ്ട​ത്.

ഈ ​മാ​സം എ​ട്ട് വ​രെ​യാ​ണ് നി​ല​വി​ൽ ഇ​തി​ന് സ​മ​യ​മ​നു​വ​ദി​ച്ചി​ട്ടു​ള്ള​ത്. കാ​ർ​ഡി​ൽ പേ​രു​ള്ള​വ​രെ​ല്ലാം റേ​ഷ​ൻ കാ​ർ​ഡും ആ​ധാ​റു​മെ​ടു​ത്ത് ഇ-​പോ​സ് യ​ന്ത്ര​ത്തി​ൽ വി​ര​ൽ പ​തി​പ്പി​ച്ച് മ​സ്റ്റ​റിം​ഗ് ന​ട​ത്ത​ണം. നി​ശ്ചി​ത തീ​യ​തി​ക്ക​കം മ​സ്റ്റ​റിം​ഗ് ന​ട​ത്താ​ത്ത​വ​രു​ടെ റേ​ഷ​ൻ വി​ഹി​തം നി​ർ​ത്ത​ലാ​ക്കു​മെ​ന്നാ​ണ് സ​ർ​ക്കാ​രി​ന്‍റെ മു​ന്ന​റി​യി​പ്പ്. നേ​ര​ത്തേ ഫെ​ബ്രു​വ​രി, മാ​ർ​ച്ച് മാ​സ​ങ്ങ​ളി​ൽ മ​സ്റ്റ​റിം​ഗി​ന് അ​വ​സ​രം ന​ല്കി​യി​രു​ന്നു.

അ​ന്നു​ത​ന്നെ മ​സ്റ്റ​റിം​ഗ് ന​ട​ത്തി​യ​വ​ർ ഇ​ത്ത​വ​ണ വീ​ണ്ടും വ​രേ​ണ്ട​തി​ല്ല. ഓ​ഗ​സ്റ്റ്, സെ​പ്റ്റം​ബ​ർ മാ​സ​ങ്ങ​ളി​ൽ ഇ-​പോ​സ് യ​ന്ത്ര​ത്തി​ൽ വി​ര​ല​ട​യാ​ളം പ​തി​പ്പി​ച്ച് റേ​ഷ​ൻ വാ​ങ്ങി​യ അം​ഗ​ങ്ങ​ളും വീ​ണ്ടും മ​സ്റ്റ​റിം​ഗ് ന​ട​ത്തേ​ണ്ട​തി​ല്ലെ​ന്നാ​ണ് അ​റി​യി​പ്പ്. വീ​ണ്ടും മ​സ്റ്റ​റിം​ഗി​ന്‍റെ തി​ര​ക്കേ​റി​യ​തോ​ടെ ഇ-​പോ​സ് യ​ന്ത്ര​വും സെ​ർ​വ​റും ത​ക​രാ​റി​ലാ​കു​ന്ന​തും പ​തി​വാ​യി.


ആ​ദ്യ​ഘ​ട്ട മ​സ്റ്റ​റിം​ഗ് ന​ട​ന്നപ്പോൾ ഈ ​സ്ഥി​തി​യു​ണ്ടാ​യി​രു​ന്നു. എ​ട്ടാം തീ​യ​തി​ക്ക​കം എ​ല്ലാ​വ​രു​ടെ​യും മ​സ്റ്റ​റിം​ഗ് പൂ​ർ​ത്തി​യാ​ക്കാ​നാ​യി​ല്ലെ​ങ്കി​ൽ വീ​ണ്ടും തീ​യ​തി നീ​ട്ടേ​ണ്ടി​വ​രു​മോ എ​ന്ന സം​ശ​യ​വു​മു​ണ്ട്. ക​ട​ക​ളി​ൽ എ​ത്താ​ൻ ക​ഴി​യാ​ത്ത കി​ട​പ്പു​രോ​ഗി​ക​ൾ, ശാ​രീ​രി​ക​വും മാ​ന​സി​ക​വു​മാ​യി വെ​ല്ലു​വി​ളി​ക​ൾ നേ​രി​ടു​ന്ന​വ​ർ എ​ന്നി​വ​രു​ടെ മ​സ്റ്റ​റിം​ഗ് ബ​ന്ധ​പ്പെ​ട്ട​വ​ർ വീ​ടു​ക​ളി​ലെ​ത്തി ന​ട​ത്തും.

മു​ൻ​ഗ​ണ​നാ വി​ഭാ​ഗ​ങ്ങ​ളി​ൽ പെ​ടു​ന്ന കാ​ർ​ഡു​ക​ളി​ലെ അം​ഗ​ങ്ങ​ൾ മാ​ത്ര​മേ മ​സ്റ്റ​റിം​ഗ് ന​ട​ത്തേ​ണ്ട​തു​ള്ളൂ എ​ന്നാ​ണ് സ​ർ​ക്കാ​രി​ന്‍റെ അ​റി​യി​പ്പ്. ഇ​വ​ർ​ക്ക് സ​ർ​ക്കാ​ർ ന​ല്കു​ന്ന റേ​ഷ​ൻ ആ​നു​കൂ​ല്യ​ങ്ങ​ളു​ടെ കൃ​ത്യ​മാ​യ വി​ത​ര​ണം ഉ​റ​പ്പു​വ​രു​ത്താ​നാ​ണ് ഇ​ത്.