പ​രി​സ്ഥി​തി​ലോ​ല വി​ല്ലേ​ജു​ക​ളി​ലെ ക​ർ​ഷ​ക​രു​ടെ ആ​ശ​ങ്ക അ​ക​റ്റാ​ൻ സ​ർ​ക്കാ​ർ ഇ​ട​പെ​ട​ണം: മാ​ർ ജോസഫ് പാം​പ്ലാ​നി
Thursday, September 19, 2024 1:42 AM IST
ത​ല​ശേ​രി: പ​രി​സ്ഥി​ലോ​ല പ്ര​ദേ​ശ​ങ്ങ​ളെ (ഇ​എ​സ്എ) സം​ബ​ന്ധി​ക്കു​ന്ന കേ​ന്ദ്ര​സ​ർ​ക്കാ​രി​ന്‍റെ 2024 ജൂ​ലൈ 31 ലെ ​ഡ്രാ​ഫ്റ്റ് നോ​ട്ടി​ഫി​ക്കേ​ഷ​ന് മ​റു​പ​ടി ന​ൽ​കാ​നു​ള്ള അ​ന്തി​മ തീ​യ​തി സെ​പ്റ്റം​ബ​ർ 30 ആ​യി​രു​ന്നി​ട്ടും ഈ ​വി​ഷ​യ​ത്തി​ൽ സം​സ്ഥാ​ന സ​ർ​ക്കാ​ർ പു​ല​ർ​ത്തു​ന്ന നി​സം​ഗ​ത അ​വ​സാ​നി​പ്പി​ച്ച് ക​ർ​ഷ​ക​രു​ടെ ആ​ശ​ങ്ക അ​ക​റ്റാ​ൻ സ​ർ​ക്കാ​ർ സ​ത്വ​ര​മാ​യി ഇ​ട​പെ​ട​ണ​മെ​ന്ന് തലശേരി ആ​ർ​ച്ച്ബി​ഷ​പ് മാ​ർ ജോ​സ​ഫ് പാം​പ്ലാ​നി ആ​വ​ശ്യ​പ്പെ​ട്ടു.

കേ​ര​ള​ത്തി​ലെ 131 വി​ല്ലേ​ജു​ക​ളി​ലെ സാ​ധാ​ര​ണ​ക്കാ​രാ​യ ക​ർ​ഷ​ക​ർ അ​പ​ക​ട​ക​ര​മാ​യ ആ​ശ​ങ്ക​യി​ലാ​ണ്. ഇ​എ​സ്എ ആ​യി നി​ശ്ച​യി​ട്ടു​ള്ള 9993.7 സ്ക്വ​യ​ർ കി​ലോ​മീ​റ്റ​ർ ഭൂ​മി​യി​ൽ പ്ര​ദേ​ശ​വാ​സി​ക​ളു​ടെ കൃ​ഷി​ഭൂ​മി ഉ​ൾ​പ്പെ​ട്ടി​ട്ടു​ണ്ടോ ഇ​ല്ല​യോ എ​ന്ന് വ്യ​ക്ത​മാ​യി അ​റി​യാ​ൻ മാ​ർ​ഗ​ങ്ങ​ളി​ല്ലാ​തെ ക​ർ​ഷ​ക​രെ ഇ​രു​ട്ടി​ൽ നി​ർ​ത്തി​യി​രി​ക്കു​ക​യാ​ണ്.

കേ​ര​ള പ​രി​സ്ഥി​തി കാ​ലാ​വ​സ്ഥ വ്യ​തി​യാ​ന​വ​കു​പ്പ് പ്ര​സി​ദ്ധീ​ക​രി​ച്ച ഇ​എ​സ്എ അ​തി​ർ​ത്തി മാ​പ്പും ഇ​എ​സ്എ വി​ല്ലേ​ജ് മാ​പ്പും വ​സ്തു​ത​ക​ൾ വ്യ​ക്ത​മാ​ക്കു​ന്ന​തി​നു പ​ക​രം സ​ങ്കീ​ർ​ണ​മാ​ക്കു​ക​യാ​ണെ​ന്ന് ആ​ർ​ച്ച്ബി​ഷ​പ് ചൂ​ണ്ടി​ക്കാ​ട്ടി. ഇ​ത​ര സം​സ്ഥാ​ന​ങ്ങ​ളി​ലെ സ​ർ​ക്കാ​രു​ക​ളെ മാ​തൃ​ക​യാ​ക്കി ജി​യോ കോ​ർ​ഡി​നേ​റ്റ് പോ​യി​ന്‍റു​ക​ൾ വ്യ​ക്ത​മാ​യി രേ​ഖ​പ്പെ​ടു​ത്തി ജ​ന​ങ്ങ​ളു​മാ​യി ച​ർ​ച്ച ചെ​യ്ത് അ​ന്തി​മ​രൂ​പ​ത്തി​ലു​ള്ള മാ​പ്പ് സ​മ​ർ​പ്പി​ക്കാ​ൻ സ​ർ​ക്കാ​ർ സം​വി​ധാ​ന​ങ്ങ​ൾ യു​ദ്ധ​കാ​ലാ​ടി​സ്ഥാ​ന​ത്തി​ൽ പ്ര​വ​ർ​ത്ത​ന സ​ജ്ജ​മാ​ക​ണം.


സം​ര​ക്ഷി​ത വ​ന​മേ​ഖ​ല, വേ​ൾ​ഡ് ഹെ​റി​റ്റേ​ജ് സം​ര​ക്ഷി​ത മേ​ഖ​ല എ​ന്നി​വ മാ​ത്ര​മേ ഇ​എ​സ്എ മാ​പ്പി​ൽ ഉ​ൾ​പ്പെ​ടു​ത്തു​ക​യു​ള്ളൂ എ​ന്ന് സ​ർ​ക്കാ​ർ ന​ൽ​കി​യ ഉ​റ​പ്പ് നി​ർ​ബ​ന്ധ​മാ​യും പാ​ലി​ക്ക​പ്പെ​ട​ണം.
ഇ​എ​സ്എ ഉ​ൾ​പ്പെ​ടു​ന്ന 131 വി​ല്ലേ​ജു​ക​ളെ ഫോ​റ​സ്റ്റ് വി​ല്ലേ​ജ്, റ​വ​ന്യു വി​ല്ലേ​ജ് എ​ന്നി​ങ്ങ​നെ ര​ണ്ടാ​യി ത​രം​തി​രി​ച്ച് കേ​ര​ള സ​ർ​ക്കാ​ർ വി​ജ്ഞാ​പ​ന​മി​റ​ക്ക​ണം. അ​ല്ലാ​ത്ത​പ​ക്ഷം ഇ​എ​സ്എ നി​യ​മ​ത്തി​ന്‍റെ പേ​രി​ൽ പ്ര​സ്തു​ത വി​ല്ലേ​ജി​ലെ മു​ഴു​വ​ൻ മ​നു​ഷ്യ​രു​ടെ​യും ഭൂ​മി സം​ശ​യ​ത്തി​ന്‍റെ നി​ഴ​ലി​ൽ വി​ല​യി​ല്ലാ​ത്ത​താ​കു​ക​യും ക്ര​യ​വി​ക്ര​യ​ങ്ങ​ളും നി​ർ​മാ​ണ പ്ര​വൃ​ത്തി​ക​ളും അ​സാ​ധ്യ​മാ​കു​ക​യും ചെ​യ്യും.

ആ​യു​സ് മു​ഴു​വ​ൻ അ​ധ്വാ​നി​ച്ച ഏ​ക സ​ന്പാ​ദ്യ​മാ​യ കൃ​ഷി​ഭൂ​മി മൂ​ല്യ​ര​ഹി​ത​മാ​കു​ന്ന ഗ​തി​കേ​ടി​ൽ​നി​ന്ന് ക​ർ​ഷ​ക​രെ ര​ക്ഷി​ക്കാ​ൻ സ​ർ​ക്കാ​ർ സ​ത്വ​ര​മാ​യി ഇ​ട​പെ​ട​ണ​മെ​ന്ന് ആ​ർ​ച്ച്ബി​ഷ​പ് ആ​വ​ശ്യ​പ്പെ​ട്ടു.