വെ​മ്പു​ഴ​ പ്രദേ​ശ​വാ​സി​ക​ൾ​ക്ക് ദു​രി​തം ; പാ​ലംപണി ഇ​ഴ​ഞ്ഞുത​ന്നെ
Wednesday, September 18, 2024 1:27 AM IST
ഇ​രി​ട്ടി: ആ​റു​മാ​സം​കൊ​ണ്ട് നി​ർ​മാ​ണം പൂ​ർ​ത്തി​യാ​ക്കു​മെ​ന്നു പ​റ​ഞ്ഞ പാ​ലം​നി​ർ​മാ​ണം എ​ട്ടു​മാ​സം പി​ന്നി​ട്ടി​ട്ടും എ​ങ്ങു​മെ​ത്തി​യി​ല്ല. ഇ​തോ​ടെ ദു​രി​ത​ത്തി​ലാ​യ​താ​ക​ട്ടെ പ്ര​ദേ​ശ​വാ​സി​ക​ളും. മ​ല​യോ​ര ഹൈ​വേ​യി​ൽ വ​ള്ളി​ത്തോ​ട് മ​ണ​ത്ത​ണ റീ​ച്ചി​ൽ ക​രി​ക്കോ​ട്ട​ക​രി​യെ​യും എ​ടൂ​രി​നെ​യും ബ​ന്ധി​പ്പിക്കു​ന്ന പാ​ല​ത്തി​ന്‍റെ ഇ​പ്പോ​ഴും എ​ങ്ങു​മെ​ത്താ​തെ കി​ട​ക്കു​ന്ന​ത്.

കാ​ലാ​വ​ർ​ഷ​ത്തി​ന് മു​ന്പ് നി​ർ​മാ​ണം പൂ​ർ​ത്തി​യാ​ക്കു​മെ​ന്നാ​യി​രു​ന്നു അ​ധി​കൃ​ത​ർ പ​റ​ഞ്ഞി​രു​ന്ന​ത്. പ​ഴ​യ പാ​ലം പൊ​ളി​ച്ചാ​ണ് പു​തി​യ പാ​ലം നി​ർ​മി​ക്കു​ന്ന​ത്. വാ​ഹ​ന​ങ്ങ​ൾ ക​ട​ന്നു​പോ​കാ​ൻ സ​മാ​ന്ത​രമാ​യി നി​ർ​മി​ച്ച താ​ത്കാ​ലി​ക പാ​ത ആ​ദ്യ​മ​ഴ​യി​ൽ ത​ന്നെ ഒ​ഴു​കി പോ​യി​രു​ന്നു. പ്ര​ദേ​ശ​വാ​സി​ക​ളു​ടെ എ​തി​ർ​പ്പി​നെ വ​ക​വ​യ്ക്കാ​തെ വീ​ണ്ടും സ​മാ​ന്ത​രപാ​ത നി​ർ​മി​ച്ചെ​ങ്കി​ലും അ​ടു​ത്ത ദി​വ​സം​ത​ന്നെ അ​തും വെ​ള്ള​ത്തി​ലാ​യി.

ഇ​തോ​ടെ ഇ​തു​വ​ഴി​യു​ള്ള ഗ​താ​ഗ​തം ത​ട​സ​പെ​ട്ടു. നി​ല​വി​ൽ യാ​ത്രി​ക​ർ കി​ലോ​മീ​റ്റ​റു​ക​ൾ ചു​റ്റി സ​ഞ്ച​രി​ക്കേ​ണ്ട അ​വ​സ്ഥ​യാ​ണ്. വി​ദ്യാ​ർ​ഥി​ക​ൾ അ​ട​ക്കം യാ​ത്ര​ചെ​യ്യു​ന്ന വ​ഴി​യി​ൽ താ​ത്കാ​ലി​ക ന​ട​പ്പാ​ലം പോ​ലും നി​ർ​മി​ക്കാ​ൻ അ​ധി​കാ​രി​ക​ളും ക​രാ​റു​കാ​രും ത​യാ​റാ​യി​ട്ടി​ല്ല എ​ന്ന​തും ക​ടു​ത്ത വി​മ​ർ​ശ​ന​ങ്ങ​ൾ​ക്ക് കാ​ര​ണ​മാ​കു​ന്നു.


ക​ഴി​ഞ്ഞമാ​സം എം​എ​ൽ​എ​യു​ടെ അ​ധ്യ​ക്ഷ​ത​യി​ൽ ന​ട​ന്ന പൊ​തു​മ​രാ​മ​ത്ത് അ​വ​ലോ​ക​ന​യോ​ഗ​ത്തി​ൽ സ​മാ​ന്ത​രപാ​ത നി​ർ​മി​ക്കു​മെ​ന്ന് അ​ധി​കൃ​ത​ർ ഉ​റ​പ്പു ന​ൽ​കി​യെ​ങ്കി​ലും ഒ​രു​മാ​സം പി​ന്നി​ടു​മ്പോ​ഴും യാ​തൊ​രു ന​ട​പ​ടി​ക​ളും ആ​രം​ഭി​ച്ചി​ട്ടി​ല്ല.

പാ​ല​ത്തി​ന്‍റെ അ​പ്രോ​ച്ച് റോ​ഡു​മാ​യി ബ​ന്ധി​പ്പി​ക്കു​ന്ന ഭാ​ഗം മൂ​ന്ന് മീ​റ്റ​ർ കോ​ൺ​ക്രീ​റ്റ് ചെ​യ്യേ​ണ്ട സ്ഥ​ല​ത്തെ പ​ണി​ക​ൾ മാ​സ​ങ്ങ​ളാ​യി ഇ​ഴ​ഞ്ഞു നീ​ങ്ങു​ക​യാ​ണ്. പാ​ല​ത്തി​ന്‍റെ നി​ർ​മാ​ണ​ത്തി​ൽ ക​രാ​റു​കാ​രു​ടെ മെ​ല്ല​പ്പോ​ക്കി​ന് ഉ​ദ്യോ​ഗ​സ്ഥ​രും കൂ​ട്ടു​നി​ല്ക്കു​ന്ന​താ​യി പ്ര​ദേ​ശ​വാ​സി​ക​ൾ പ​റ​യു​ന്നു.