തദ്ദേശ തെരഞ്ഞെടുപ്പിന് മുന്നൊരുക്കവുമായി കോണ്‍ഗ്രസ്
1454935
Saturday, September 21, 2024 5:24 AM IST
നിലമ്പൂര്‍: തദ്ദേശ തെരഞ്ഞെടുപ്പ് മുന്നില്‍ കണ്ട് അതിര്‍ത്തി പുനര്‍നിര്‍ണയവുമായി ബന്ധപ്പെട്ട് പ്രവര്‍ത്തകരില്‍ അവബോധമുണ്ടാക്കുന്നതിന്‍റെ ഭാഗമായി കോണ്‍ഗ്രസ് "സെന്‍ട്രല്‍ എക്സിക്യൂട്ടീവ് മിഷന്‍25' യോഗം നിലമ്പൂരില്‍ ചേര്‍ന്നു.
വ്യാപാര ഭവനില്‍ ചേര്‍ന്ന യോഗം കെപിസിസി ജനറല്‍ സെക്രട്ടറി ആര്യാടന്‍ ഷൗക്കത്ത് ഉദ്ഘാടനം ചെയ്തു. കോണ്‍ഗ്രസ് നിലമ്പൂര്‍ മണ്ഡലം പ്രസിഡന്‍റ് അഡ്വ. ഷെറി ജോര്‍ജ് അധ്യക്ഷത വഹിച്ചു. കോഴിക്കോട് ഡിസിസി സെക്രട്ടറി നിജേഷ് അരവിന്ദ്, വി.എ. കരീം, എ. ഗോപിനാഥ്, പാലോളി മെഹബൂബ്, കെപിസിസി അംഗം വി. സുധാകരന്‍, ബാബു കല്ലായി, എം.കെ. ബാലകൃഷ്ണന്‍, വി.എ. ലത്തീഫ് തുടങ്ങിയവര്‍ പ്രസംഗിച്ചു.
എടക്കര: കോണ്‍ഗ്രസിന്‍റെ മിഷന്‍ 2025ന്‍റെ ഭാഗമായി എടക്കര മണ്ഡലം സെന്‍ട്രല്‍ എക്സിക്യൂട്ടീവ് ക്യാമ്പ് ഡിസിസി പ്രസിഡന്‍റ് വി.എസ്. ജോയ് ഉദ്ഘാടനം ചെയ്തു. മണ്ഡലം പ്രസിഡന്‍റ് കെ. രാധാകൃഷ്ണന്‍ അധ്യക്ഷത വഹിച്ചു.
അഷ്റഫ് രാങ്ങാട്ടൂര്‍ ക്ലാസെടുത്തു. കെപിസിസി നിര്‍വാഹക സമിതി അംഗങ്ങളായ വി.എ. കരീം, വി. സുധാകരന്‍, ബ്ലോക്ക് കോണ്‍ഗ്രസ് പ്രസിഡന്‍റുമാരായ ബാബു തോപ്പില്‍ എടക്കര, പാലൊളി മെഹബൂബ് നിലമ്പൂര്‍, ബ്ലോക്ക് പഞ്ചായത്ത് പ്രസിഡന്‍റ് പി. പുഷ്പവല്ലി, ഗ്രാമപഞ്ചായത്ത് പ്രസിഡന്‍റ് ഒ.ടി. ജയിംസ്, കെ.സി. ഷാഹുല്‍ ഹമീദ്, അസീസ് ഉണിച്ചന്തം എന്നിവര്‍ പ്രസംഗിച്ചു.