പി​ആ​ർ​എ​സ് കു​ടി​ശി​ക കൃ​ഷി​ക്കാ​രെ ബാ​ധി​ക്കി​ല്ലെ​ന്ന് കൃ​ഷി​മ​ന്ത്രി പി.പ്രസാദുംം സ​ർ​ക്കാ​രും ആ​വ​ർ​ത്തി​ച്ചു പ​റ​യു​ന്ന​തി​നി​ടെ​യാ​ണ് കേ​ര​ളം ക​ർ​ഷ​ക​രു​ടെ ആ​ത്മ​ഹ​ത്യാ​മു​ന​മ്പാ​യി മാ​റു​ന്ന​ത്. പാ​ട​ത്തു വ​യ്ക്കു​ന്ന കോ​ല​ത്തേ​ക്കാ​ൾ നി​ർ​വി​കാ​ര​മാ​യൊ​രു സ​ർ​ക്കാ​ർ ഇ​രു​ട്ടു​കൊ​ണ്ട് ഓ​ട്ട​യ​ട​യ്ക്കു​ന്നു; യാ​തൊ​രു കു​റ്റ​ബോ​ധ​വു​മി​ല്ലാ​തെ.


യാ​ഥാ​ർ​ഥ്യ​ങ്ങ​ളു​മാ​യി ഒ​ത്തു​പോ​കാ​ത്ത സ​ർ​ക്കാ​രി​ന്‍റെ ന്യാ​യീ​ക​ര​ണ​ങ്ങ​ൾ കേ​ട്ടു​ മ​ടു​ത്ത് ഒ​രു നെ​ൽ​ക​ർ​ഷ​ക​ൻകൂ​ടി ജീ​വ​നൊ​ടു​ക്കി. ആ​ല​പ്പു​ഴ ജി​ല്ല​യി​ലെ ത​ക​ഴി​യി​ലാ​ണ് പ്ര​സാ​ദ് എ​ന്ന ക​ർ​ഷ​ക​ൻ നെ​ല്ലുവി​ത​ച്ച് മ​ര​ണം കൊ​യ്ത​ത്. സം​ഭ​രി​ച്ച നെ​ല്ലി​ന്‍റെ വി​ല ബാ​ങ്ക് വാ​യ്പ​യാ​യി വാ​ങ്ങേ​ണ്ടി​വ​രു​ന്ന ദു​ർ​ഗ​തി​യി​ൽ​നി​ന്നാ​ണ് കു​രു​ക്കു മു​റു​കു​ന്ന​ത്.. അ​തു സ​ർ​ക്കാ​ർ യ​ഥാ​സ​മ​യം തി​രി​ച്ച​ട​ച്ചി​ല്ലെ​ങ്കി​ൽ പ്ര​തി​സ്ഥാ​ന​ത്തു വ​രു​ന്ന​ത് ക​ർ​ഷ​ക​ൻ. കു​ടി​ശി​ക​ക്കാ​ര​നു പി​ന്നെ​യൊ​രു കൃ​ഷി​ക്കെ​ന്ന​ല്ല, ഒ​ന്നി​നും വാ​യ്പ കി​ട്ടി​ല്ല.

ഇ​താ​രു​ടെ കു​റ്റ​മാ​ണ്? രാ​പ​ക​ൽ പാ​ട​ത്തു​നി​ന്നു ക​യ​റാ​തെ വി​ള​വു​ണ്ടാ​ക്കി​യ ക​ർ​ഷ​ക​ന്‍റെ​യോ അ​യാ​ളു​ടെ നെ​ല്ല് വാ​ങ്ങി​യ​ശേ​ഷം വി​ല​യ്ക്കു പ​ക​രം വാ​യ്പ ത​ര​പ്പെ​ടു​ത്തിക്കൊടു​ത്ത് തി​രി​ച്ച​ട​വ് മു​ട​ക്കി​യ സ​ർ​ക്കാ​രി​ന്‍റെ​യോ? ഇ​തു കൊ​ല​യ്ക്കു കൊ​ടു​ക്കു​ന്ന ച​തി​യാ​ണെ​ന്ന് ഈ ​സ​ർ​ക്കാ​രി​നെ ആ​രാ​ണ് ഒ​ന്നു പ​റ​ഞ്ഞു മ​ന​സി​ലാ​ക്കു​ക? പ്ര​തി​ഷേ​ധ പ്ര​സ്താ​വ​ന​യി​ൽ തീ​രു​ന്ന​ത​ല്ല ത​ങ്ങ​ളു​ടെ ഉ​ത്ത​ര​വാ​ദി​ത്വ​മെ​ന്ന​ത് ഇ​വി​ടത്തെ പ്ര​തി​പ​ക്ഷം എ​ന്നാ​ണു തി​രി​ച്ച​റി​യു​ക?

ബാ​ങ്ക് വാ​യ്പ അ​നു​വ​ദി​ക്കാ​തി​രു​ന്ന​തോ​ടെ അ​ടു​ത്ത കൃ​ഷി​യി​റ​ക്കാ​നാ​കി​ല്ലെ​ന്ന വ്യ​ഥ​യി​ലാ​ണ് ത​ക​ഴി​യി​ൽ പ്ര​സാ​ദ് എ​ന്ന ക​ർ​ഷ​ക​ൻ ജീ​വ​നൊ​ടു​ക്കി​യ​ത്. സ​ർ​ക്കാ​രി​നു കൊ​ടു​ത്ത നെ​ല്ലി​ന്‍റെ ര​സീ​ത് ഈ​ടി​ന്മേ​ൽ അ​നു​വ​ദി​ച്ച വാ​യ്പാ കു​ടി​ശി​ക ചൂ​ണ്ടി​ക്കാ​ട്ടി​യാ​ണ് പു​തി​യ വാ​യ്പ നി​ഷേ​ധി​ച്ച​ത്. കി​സാ​ൻ സം​ഘ് ജി​ല്ലാ പ്ര​സി​ഡ​ന്‍റ് കൂ​ടി​യാ​യി​രു​ന്നു പ്ര​സാ​ദ്. ജി​ല്ലാ​ സെ​ക്ര​ട്ട​റി ശി​വ​രാ​ജ​നെ ഫോ​ണി​ൽ വി​ളി​ച്ച് പൊ​ട്ടി​ക്ക​ര​ഞ്ഞു​കൊ​ണ്ട് ത​ന്‍റെ ദു​ര​വ​സ്ഥ പ​റ​ഞ്ഞ​തി​നു പി​ന്നാ​ലെ​യാ​ണ് അ​ദ്ദേ​ഹം ജീ​വ​നൊ​ടു​ക്കി​യ​ത്.

പി​ആ​ർ​എ​സ് കു​ടി​ശി​ക കൃ​ഷി​ക്കാ​രെ ബാ​ധി​ക്കി​ല്ലെ​ന്ന് കൃ​ഷി​മ​ന്ത്രി പി.പ്രസാദും സ​ർ​ക്കാ​രും ആ​വ​ർ​ത്തി​ച്ചു പ​റ​യു​ന്ന​തി​നി​ടെ​യാ​ണ് കേ​ര​ളം ക​ർ​ഷ​ക​രു​ടെ ആ​ത്മ​ഹ​ത്യാ​മു​ന​മ്പാ​യി മാ​റു​ന്ന​ത്. നാ​ഷ​ണ​ൽ ക്രൈം ​റി​ക്കാ​ർ​ഡ്സ് ബ്യൂ​റോ​യു​ടെ ക​ണ​ക്ക​നു​സ​രി​ച്ച് ക​ഴി​ഞ്ഞ​വ​ർ​ഷം 5,563 ക​ർ​ഷ​ക​ർ രാ​ജ്യ​ത്ത് ജീ​വ​നൊ​ടു​ക്കി.

താ​ര​ത​മ്യേ​ന ഭേ​ദ​മാ​യി​രു​ന്ന കേ​ര​ള​ത്തി​ലെ ക​ർ​ഷ​ക​രും കൃ​ഷി​യി​ട​ങ്ങ​ളി​ൽ​നി​ന്നു ക​യ​റി ക​ട​ബാ​ധ്യ​ത​ക​ളി​ല്ലാ​ത്ത ലോ​ക​ത്തേ​ക്കു പോ​കു​ക​യാ​ണ്. പാ​ട​ത്തു വ​യ്ക്കു​ന്ന കോ​ല​ത്തേ​ക്കാ​ൾ നി​ർ​വി​കാ​ര​മാ​യൊ​രു സ​ർ​ക്കാ​ർ ഇ​രു​ട്ടു​കൊ​ണ്ട് ഓ​ട്ട​യ​ട​യ്ക്കു​ന്നു; യാ​തൊ​രു കു​റ്റ​ബോ​ധ​വു​മി​ല്ലാ​തെ.

നെ​ല്ല് സം​ഭ​രി​ച്ച പ​ണം വാ​യ്പ​യാ​യി ബാ​ങ്ക് വ​ഴി ന​ൽ​കു​ന്ന​തു ത​ങ്ങ​ളെ കെ​ണി​യി​ലാ​ക്കു​മെ​ന്ന് ക​ർ​ഷ​ക​രും സം​ഘ​ട​ന​ക​ളും തു​ട​ക്ക​ത്തി​ലേ പ​റ​ഞ്ഞു. ഈ ​സം​വി​ധാ​നം ക​ർ​ഷ​ക​ർ​ക്കു കു​രു​ക്കും ബാ​ധ്യ​ത​യു​മാ​ക​രു​തെ​ന്ന് ഇ​തു സം​ബ​ന്ധി​ച്ച ഹ​ർ​ജി പ​രി​ഗ​ണി​ക്കു​മ്പോ​ഴൊ​ക്കെ ഹൈ​ക്കോ​ട​തി​യും ഓ​ർ​മി​പ്പി​ച്ചു. സാ​മാ​ന്യ​ബോ​ധ​ത്തെ വെ​ല്ലു​വി​ളി​ക്കു​ന്ന ന്യാ​യീ​ക​ര​ണ​മാ​യി​രു​ന്നു സ​ർ​ക്കാ​രി​ന്‍റേ​ത്. വാ​ക്കു​പാ​ലി​ക്കാ​ത്ത സ​ർ​ക്കാ​രി​നു പ​ണ​മ​ട​യ്ക്കാ​ൻ കോ​ട​തി ന​ല്കി​യ അ​ന്ത്യ​ശാ​സ​ന​ങ്ങ​ളും ഫ​ലി​ച്ചി​ല്ല. ഒ​ടു​വി​ൽ, ഭ​യ​ന്ന​തു സം​ഭ​വി​ച്ചു.

ലാ​ഭ​മൊ​ന്നു​മി​ല്ലെ​ങ്കി​ലും ക​ർ​ഷ​ക​ർ ഭൂ​മി വെ​റു​തേയി​ട്ടി​ല്ല. ത​രി​ശാ​യി കി​ട​ക്കു​ന്ന പ​റ​മ്പും പാ​ട​വും കാ​ണു​ന്ന​തി​നോ​ളം ഹൃ​ദ​യ​വേ​ദ​ന അ​വ​ർ​ക്കു മ​റ്റൊ​ന്നു​മി​ല്ല. അ​ങ്ങ​നെ അ​ടു​ത്ത കൃ​ഷി​യി​റ​ക്കാ​നു​ള്ള കാ​ശി​നാ​ണ് പ്ര​സാ​ദ് ബാ​ങ്കി​ലെ​ത്തി​യ​ത്. കി​ട്ടി​യി​ല്ല. താ​നി​നി എ​ന്തു ചെ​യ്യു​മെ​ന്നാ​ണ് മ​ര​ണ​ത്തി​ന്‍റെ പ​ടി​വാ​തി​ൽ​ക്ക​ൽ നി​ന്നു​കൊ​ണ്ട് അ​യാ​ൾ വി​ങ്ങി​പ്പൊ​ട്ടി​യ​ത്. ത​ന്‍റെ മ​ര​ണ​ത്തി​നു കാ​ര​ണം ബാ​ങ്കു​ക​ളും സ​ർ​ക്കാ​രു​മാ​ണെ​ന്ന് പ്ര​സാ​ദ് കു​റി​ച്ചു​വ​ച്ചു.

അ​താ​ണു ശ​രി​യെ​ങ്കി​ൽ, വ​ർ​ഷ​ങ്ങ​ളാ​യി ക​ർ​ഷ​ക​രെ നു​ണ പ​റ​ഞ്ഞു പ​റ്റി​ക്കു​ന്ന സ​ർ​ക്കാ​രി​നെ​തി​രേ​യു​ള്ള എ​ഫ്ഐ​ആ​ർ ആ​ണ​ത്. പ്ര​സാ​ദ്, ക​ർ​ഷ​കകേ​ര​ള​ത്തി​ന്‍റെ തേ​ങ്ങ​ലി​ൽ പൊ​ഴി​ഞ്ഞൊ​രു ക​ണ്ണീ​ർതു​ള്ളി മാ​ത്ര​മാ​ണ്. എ​ന്തു ചെ​യ്യ​ണ​മെ​ന്ന​റി​യാ​തെ പ​ക​ച്ചു​നി​ൽ​ക്കു​ന്ന ആ​യി​ര​ക്ക​ണ​ക്കി​നു ക​ർ​ഷ​ക​രി​ൽ ഒ​രാ​ൾ മാ​ത്രം. വാ​ങ്ങു​ക​യും വി​ൽ​ക്കു​ക​യും ചെ​യ്ത നെ​ല്ലി​ന്‍റെ വി​ല ഉ​ട​മ​യ്ക്കു കൊ​ടു​ക്കാ​ൻ ക​ഴി​വി​ല്ലാ​ത്ത കെ​ടു​കാ​ര്യ​സ്ഥ​ത​യു​ടെ പേ​രാ​ണോ സ​ർ​ക്കാ​ർ? മ​ര​ണം കൊ​യ്യാ​മെ​ന്നു​ള്ള​വ​ർ നെ​ല്ലു​വി​ത​ച്ചാ​ൽ മ​തി​യെ​ന്നാ​ണോ?

പ്ര​തി​പ​ക്ഷ പാ​ർ​ട്ടി​ക​ൾ സം​സ്ഥാ​ന​ത്ത് ഉ​ണ്ടെ​ങ്കി​ൽ രം​ഗ​ത്തെ​ത്ത​ണം. പ്ര​സ്താ​വ​ന​യ​ല്ല ഉ​ദ്ദേ​ശി​ച്ച​ത്. കേ​ൾ​ക്കേ​ണ്ട​വ​ർ കേ​ൾ​ക്കാ​തി​രു​ന്ന​തി​നാ​ൽ ക​ര​ഞ്ഞു​റ​ങ്ങി​യ പ്ര​സാ​ദി​നെ​പ്പോ​ലു​ള്ള​വ​ർ വി​ള​യി​ച്ച നെ​ല്ലി​ന്‍റെ ചോ​റ​ല്ലേ ഇ​ന്നു​ച്ച​യ്ക്കും ന​മ്മ​ൾ ഉ​ണ്ണാ​നി​രി​ക്കു​ന്ന​ത്. ഇ​ത്തി​രി​യെ​ങ്കി​ലും ന​ന്ദി ....?