ഐ​എ​സ്ആ​ർ​ഒ മു​ൻ ചെ​യ​ർ​മാ​ൻ ഡോ. ​കെ. ക​സ്തൂ​രി​രം​ഗ​ൻ, ച​രി​ത്ര​കാ​ര​ൻ ഡോ. ​എം.​ജി.​എ​സ്. നാ​രാ​യ​ണ​ൻ എ​ന്നി​വ​രു​ടെ വി​യോ​ഗം രാ​ജ്യ​ത്തി​ന്‍റെ ന​ഷ്‌​ട​വും കേ​ര​ള​ത്തി​ന്‍റെ സ്വ​കാ​ര്യ ദുഃ​ഖ​വു​മാ​യി​രി​ക്കു​ന്നു.

മ​ല​യാ​ളി​ക​ളു​ടെ അ​ഭി​മാ​ന​മാ​യി​രു​ന്ന ര​ണ്ടു പ്ര​തി​ഭ​ക​ളു​ടെ വി​യോ​ഗം രാ​ജ്യ​ത്തി​ന്‍റെ ന​ഷ്‌​ട​മാ​യി. ഐ​എ​സ്ആ​ർ​ഒ മു​ൻ ചെ​യ​ർ​മാ​ൻ ഡോ. ​കെ. ക​സ്തൂ​രി​രം​ഗ​ൻ, ച​രി​ത്ര​കാ​ര​ൻ ഡോ. ​എം.​ജി.​എ​സ്. നാ​രാ​യ​ണ​ൻ എ​ന്നി​വ​രാ​ണ് വി​ട പ​റ​ഞ്ഞ​ത്.

ത​മി​ഴ് വം​ശ​ജ​നെ​ങ്കി​ലും എ​റ​ണാ​കു​ള​ത്തു ജ​നി​ച്ച ക​സ്തൂ​രി​രം​ഗ​ൻ ദേ​ശീ​യ വി​ദ്യാ​ഭ്യാ​സ ന​യ​ത്തി​ന്‍റെ മു​ഖ്യ​ശി​ല്പി​യും പ​ശ്ചി​മ​ഘ​ട്ട സം​ര​ക്ഷ​ണ​ത്തി​നാ​യി ത​യാ​റാ​ക്കി​യ ഗാ​ഡ്ഗി​ൽ റി​പ്പോ​ർ​ട്ട് വി​വാ​ദ​മാ​യ​പ്പോ​ൾ അ​തു പ​ഠി​ക്കാ​ൻ നി​യോ​ഗി​ച്ച സ​മി​തി​യു​ടെ ത​ല​വ​നു​മാ​യി​രു​ന്നു.

മ​ല​പ്പു​റം ജി​ല്ല​യി​ലെ പൊ​ന്നാ​നി സ്വ​ദേ​ശി​യാ​യ ഡോ. ​എം.​ജി.​എ​സ്. നാ​രാ​യ​ണ​ൻ കാ​ലി​ക്ക​ട്ട് സ​ർ​വ​ക​ലാ​ശാ​ലാ ച​രി​ത്ര​വി​ഭാ​ഗ​ത്തി​ന്‍റെ ആ​ദ്യ മേ​ധാ​വി​യാ​യും ഇ​ന്ത്യ​ൻ ച​രി​ത്ര​ഗ​വേ​ഷ​ണ കൗ​ൺ​സി​ൽ ചെ​യ​ർ​മാ​നാ​യും പ്ര​വ​ർ​ത്തി​ച്ചി​ട്ടു​ണ്ട്. ക​സ്തൂ​രി​രം​ഗ​ന്‍റെ​യും എം.​ജി.​എ​സി​ന്‍റെ​യും സം​ഭാ​വ​ന​ക​ൾ ശാ​സ്ത്ര, ച​രി​ത്ര, വി​ദ്യാ​ഭ്യാ​സ മേ​ഖ​ല​ക​ളി​ൽ രാ​ജ്യ​ത്തി​ന് എ​ക്കാ​ല​വും അ​ഭി​മാ​ന​മാ​യി​രി​ക്കും; ആ​ദ​രാ​ഞ്ജ​ലി​ക​ൾ!

ബ​ഹി​രാ​കാ​ശ ശാ​സ്ത്ര​ജ്ഞ​നാ​യ ക​സ്തൂ​രി​രം​ഗ​ൻ മൂ​ന്നു പ​തി​റ്റാ​ണ്ടി​ലേ​റെ ഐ​എ​സ്ആ​ർ​ഒ(​ഇ​ന്ത്യ​ന്‍ സ്പേ​സ് റി​സ​ര്‍​ച്ച് ഓ​ര്‍​ഗ​നൈ​സേ​ഷ​ൻ)​യു​ടെ ഭാ​ഗ​വും 1994 മു​ത​ൽ ഒ​ന്പ​തു വ​ർ​ഷം ചെ​യ​ർ​മാ​നു​മാ​യി​രു​ന്നു. ത​മി​ഴ്നാ​ട് സ്വ​ദേ​ശി​ക​ളു​ടെ പു​ത്ര​നാ​യി 1940 ഒ​ക്‌​ടോ​ബ​ര്‍ 24ന് ​എ​റ​ണാ​കു​ള​ത്താ​ണ് ക​സ്തൂ​രി​രം​ഗ​ൻ ജ​നി​ച്ച​ത്. പ്രാ​ഥ​മി​ക വി​ദ്യാ​ഭ്യാ​സ​ത്തി​ന്‍റെ തു​ട​ക്കം കേ​ര​ള​ത്തി​ലാ​യി​രു​ന്നെ​ങ്കി​ലും പി​ന്നീ​ട് മും​ബെ​യി​ലേ​ക്ക് മാ​റി.

അ​വി​ടെ​വ​ച്ച് ഭൗ​തി​ക​ശാ​സ്ത്ര​ത്തി​ല്‍ ബി​രു​ദ, ബി​രു​ദാ​ന​ന്ത​ര ബി​രു​ദ​ങ്ങ​ള്‍ നേ​ടി. അ​ഹ​മ്മ​ദാ​ബാ​ദി​ലെ ഫി​സി​ക്ക​ല്‍ റി​സ​ര്‍​ച്ച് ല​ബോ​റ​ട്ട​റി​യി​ല്‍ ഗ​വേ​ഷ​ക​നാ​യാ​ണ് ബ​ഹി​രാ​കാ​ശ​പ​ഠ​ന​രം​ഗ​ത്ത് തു​ട​ക്ക​മി​ട്ട​ത്. ഹൈ ​എ​ന​ര്‍​ജി അ​സ്ട്രോ​ണ​മി​യി​ല്‍ ഡോ​ക്‌​ട​റേ​റ്റ് ക​ര​സ്ഥ​മാ​ക്കി ബം​ഗ​ളൂ​രു​വി​ലെ ഐ​എ​സ്ആ​ര്‍​ഒ സാ​റ്റ​ലൈ​റ്റ് സെ​ന്‍റ​റി​ല്‍ ഫി​സി​സി​സ്റ്റാ​യി ജോ​ലി ആ​രം​ഭി​ച്ചു. 1990ല്‍ ​അ​വി​ടെ ഡ​യ​റ​ക്‌​ട​റാ​യി.

ഇ​ന്ത്യ​യു​ടെ ആ​ദ്യ ഭൗ​മ​നി​രീ​ക്ഷ​ണ സാ​റ്റ​ലൈ​റ്റു​ക​ളാ​യ ഭാ​സ്‌​ക​ര 1, ഭാ​സ്‌​ക​ര 2 എ​ന്നീ പ​രീ​ക്ഷ​ണ ഉ​പ​ഗ്ര​ഹ​ങ്ങ​ളു​ടെ​യും ആ​ദ്യ​ത്തെ റി​മോ​ട്ട് സെ​ൻ​സിം​ഗ് ഉ​പ​ഗ്ര​ഹ​മാ​യ ഐ​ആ​ര്‍​എ​സ്-1​എ​യു​ടെ​യും പ്രോ​ജ​ക​റ്റ് ഡ​യ​റ​ക്‌​ട​റു​മാ​യി. നാ​ലു വാ​ണി​ജ്യ-​വി​ദേ​ശ ഉ​പ​ഗ്ര​ഹ​ങ്ങ​ൾ ഉ​ൾ​പ്പെ​ടെ 29 ദൗ​ത്യ​ങ്ങ​ൾ ഇ​ദ്ദേ​ഹ​ത്തി​ന്‍റെ കാ​ല​ത്ത് വി​ജ​യ​ക​ര​മാ​യി പൂ​ർ​ത്തി​യാ​ക്കി. അ​ദ്ദേ​ഹം ചെ​യ​ർ​മാ​നാ​യി​രി​ക്കെ​യാ​ണ് ഇ​ന്ത്യ​യു​ടെ ചാ​ന്ദ്ര​യാ​ത്രാ പ​ദ്ധ​തി​യു​ടെ പ്രാ​രം​ഭ ആ​ലോ​ച​ന​ക​ൾ ന​ട​ന്ന​ത്. 2003ൽ ​വി​ര​മി​ച്ചു; തു​ട​ർ​ന്ന് 2009 വ​രെ രാ​ജ്യ​സ​ഭാം​ഗ​മാ​യി​രു​ന്നു.

വി​ശ്ര​മ​മി​ല്ലാ​ത്ത പ​രി​ശ്ര​മ​ങ്ങ​ളാ​യി​രു​ന്നു ക​സ്തൂ​രി​രം​ഗ​ന്‍റേ​ത്. ആ​സൂ​ത്ര​ണ ക​മ്മീ​ഷ​ൻ അം​ഗം, ജെ​എ​ൻ​യു വൈ​സ് ചാ​ൻ​സ​ല​ർ, രാ​ജ​സ്ഥാ​ൻ സെ​ൻ​ട്ര​ൽ യൂ​ണി​വേ​ഴ്‌​സി​റ്റി വൈ​സ് ചാ​ൻ​സ​ല​ർ, ചാ​ൻ​സ​ല​ർ, ക​ര്‍​ണാ​ട​ക നോ​ള​ജ് ക​മ്മീ​ഷ​ന്‍ ചെ​യ​ര്‍​മാ​ന്‍ തു​ട​ങ്ങി​യ നി​ല​ക​ളി​ലും അ​ദ്ദേ​ഹ​മു​ണ്ടാ​യി​രു​ന്നു. 2020ലെ ​ദേ​ശീ​യ വി​ദ്യാ​ഭ്യാ​സ​ന​യ രൂ​പീ​ക​ര​ണ​ത്തി​ന് മേ​ല്‍​നോ​ട്ടം വ​ഹി​ച്ചു.

പ​ശ്ചി​മ​ഘ​ട്ട സം​ര​ക്ഷ​ണ​ത്തി​നാ​യി ഗാ​ഡ്ഗി​ൽ സ​മി​തി മു​ന്നോ​ട്ടു​വ​ച്ച ശി​പാ​ർ​ശ​ക​ൾ വി​വാ​ദ​മാ​യ​തോ​ടെ അ​തു വി​ല​യി​രു​ത്തി പ്ര​ത്യേ​കം റി​പ്പോ​ർ​ട്ട് സ​മ​ർ​പ്പി​ക്കാ​ന്‍ കേ​ന്ദ്രം നി​യോ​ഗി​ച്ച സ​മി​തി​യു​ടെ അ​ധ്യ​ക്ഷ​നാ​യി​രു​ന്നു. പ​ശ്ചി​മ​ഘ​ട്ട മ​ല​നി​ര​ക​ളു​ടെ നാ​ലി​ൽ മൂ​ന്നും പ​രി​സ്ഥി​തി​ദു​ർ​ബ​ല പ്ര​ദേ​ശ​മാ​യി പ്ര​ഖ്യാ​പി​ച്ച ഗാ​ഡ്ഗി​ൽ റി​പ്പോ​ർ​ട്ടി​നു പ​ക​രം, അ​തു 37 ശ​ത​മാ​ന​മാ​യി ക​സ്തൂ​രി​രം​ഗ​ൻ തി​രു​ത്തു​ക​യാ​യി​രു​ന്നു.

എ​ന്നാ​ൽ, കേ​ര​ള​ത്തി​ല്‍ ക​സ്‌​തൂ​രി​രം​ഗ​ന്‍ റി​പ്പോ​ര്‍​ട്ടും വി​വാ​ദ​മാ​യ​തോ​ടെ​യാ​ണ് ഉ​മ്മ​ൻ വി. ​ഉ​മ്മ​നെ പ​ഠ​ന​ത്തി​നാ​യി നി​യോ​ഗി​ച്ച​ത്. നി​ര​വ​ധി പു​ര​സ്കാ​ര​ങ്ങ​ൾ​ക്കു പു​റ​മേ, പ​ത്മ​ശ്രീ(1982), പ​ത്മ​ഭൂ​ഷ​ണ്‍(1992), പ​ത്മ​വി​ഭൂ​ഷ​ണ്‍(2000) എ​ന്നീ പു​ര​സ്‌​കാ​ര​ങ്ങ​ള്‍ ന​ല്‍​കി രാ​ജ്യം ക​സ്തൂ​രി​രം​ഗ​നെ ആ​ദ​രി​ച്ചു.

ച​രി​ത്ര​പ​ണ്ഡി​ത​നും ഗ​വേ​ഷ​ക​നും അ​ധ്യാ​പ​ക​നു​മാ​യി​രു​ന്നു ഡോ. ​എം.​ജി.​എ​സ്. നാ​രാ​യ​ണ​ൻ. ച​രി​ത്ര​നി​രീ​ക്ഷ​ണ​ത്തി​ലും ര​ച​ന​യി​ലും ത​ന്‍റേ​താ​യ നി​ല​പാ​ടു​ക​ളി​ൽ അ​ദ്ദേ​ഹം ഉ​റ​ച്ചു​നി​ൽ​ക്കു​ക​യും പ​ല​തും വി​വാ​ദ​മാ​കു​ക​യും ചെ​യ്തി​രു​ന്നു. ഭാ​ഷാ-​ച​രി​ത്ര പ​ണ്ഡി​ത​നാ​യി​രു​ന്ന ഇ​ളം​കു​ളം കു​ഞ്ഞ​ൻ​പി​ള്ള​യു​ടെ ശി​ഷ്യ​ത്വ​ത്തി​ലാ​യി​രു​ന്നു തു​ട​ക്കം. പ്രാ​ചീ​ന കേ​ര​ള​ച​രി​ത്ര​ത്തി​ൽ ത​ന്‍റേ​താ​യ സം​ഭാ​വ​ന​ക​ൾ ന​ൽ​കു​ക​യും കേ​ട്ടു​കേ​ൾ​വി​ക​ളെ​യും കെ​ട്ടു​ക​ഥ​ക​ളെ​യും നി​ർ​ഭ​യം ചോ​ദ്യം ചെ​യ്യു​ക​യും ചെ​യ്തു.

പു​സ്ത​ക​ങ്ങ​ളും പ്ര​ബ​ന്ധ​ങ്ങ​ളു​മാ​യി ഇ​രു​നൂ​റി​ലേ​റെ ര​ച​ന​ക​ളു​ണ്ട്. മ​ദ്രാ​സ് ക്രി​സ്ത്യ​ൻ കോ​ള​ജി​ൽ എം​എ ഇം​ഗ്ലീ​ഷി​നു പ​ക​രം ച​രി​ത്ര​പ​ഠ​ന​ത്തി​ന് പ്ര​വേ​ശ​നം കി​ട്ടി​യ​താ​ണ് വ​ഴി​ത്തി​രി​വാ​യ​ത്. കേ​ര​ള സ​ർ​വ​ക​ലാ​ശാ​ല​യി​ൽ​നി​ന്നു ച​രി​ത്ര​ത്തി​ൽ ഡോ​ക്‌​ട​റേ​റ്റ് നേ​ടി. ഗു​രു​വാ​യൂ​ര​പ്പ​ൻ കോ​ള​ജി​ലും കേ​ര​ള-​കാ​ലി​ക്ക​ട്ട് സ​ർ​വ​ക​ലാ​ശാ​ല​ക​ളി​ലും അ​ധ്യാ​പ​ക​നാ​യി​രു​ന്നു. കാ​ലി​ക്ക​ട്ടി​ൽ ച​രി​ത്ര​വി​ഭാ​ഗം മേ​ധാ​വി​യാ​യി​രി​ക്കെ​യാ​ണ് വി​ര​മി​ച്ച​ത്. ബ്രി​ട്ട​നി​ലും റ​ഷ്യ​യി​ലും ഉ​ൾ​പ്പെ​ടെ വി​ദേ​ശ സ​ർ​വ​ക​ലാ​ശാ​ല​ക​ളി​ൽ വി​സി​റ്റിം​ഗ് പ്ര​ഫ​സ​റാ​യി​രു​ന്നു. ജേ​ണ​ൽ ഓ​ഫ് ഇ​ന്ത്യ​ൻ ഹി​സ്റ്റ​റി, ഇ​ന്ത്യ​ൻ ഹി​സ്റ്റോ​റി​ക്ക​ൽ റി​വ്യു തു​ട​ങ്ങി​യ പ്ര​സി​ദ്ധീ​ക​ര​ണ​ങ്ങ​ളു​ടെ പ​ത്രാ​ധി​പ​സ​മി​തി​യം​ഗ​മാ​യി​രു​ന്നു.

ഇ​ന്ത്യാ ച​രി​ത്ര​പ​രി​ച​യം, ആ​സ്പെ​ക്റ്റ്സ് ഓ​ഫ് ആ​ര്യ​നൈ​സേ​ഷ​ൻ ഇ​ൻ കേ​ര​ള, സാ​ഹി​ത്യാ​പ​രാ​ധ​ങ്ങ​ൾ, കേ​ര​ള ച​രി​ത്ര​ത്തി​ന്‍റെ അ​ടി​സ്ഥാ​ന​ശി​ല​ക​ൾ, വ​ഞ്ഞേ​രി ഗ്ര​ന്ഥ​വ​രി, സെ​ക്കു​ല​ർ ജാ​തി​യും സെ​ക്കു​ല​ർ മ​ത​വും, കോ​ഴി​ക്കോ​ടി​ന്‍റെ ക​ഥ, ജ​നാ​ധി​പ​ത്യ​വും ക​മ്യൂ​ണി​സ​വും, കേ​ര​ള​ത്തി​ന്‍റെ സ​മ​കാ​ലി​ക വ്യ​ഥ​ക​ൾ, ച​രി​ത്ര​കാ​ര​ന്‍റെ കേ​ര​ള​ദ​ർ​ശ​നം, കോ​ഴി​ക്കോ​ട് - ച​രി​ത്ര​ത്തി​ൽ​നി​ന്ന് ചി​ല ഏ​ടു​ക​ൾ തു​ട​ങ്ങി​യ പു​സ്ത​ക​ങ്ങ​ളും പെ​രു​മാ​ൾ​സ് ഓ​ഫ് കേ​ര​ള, മ​ല​ബാ​ർ തു​ട​ങ്ങി​യ ഗ​വേ​ഷ​ണ​പ്ര​ബ​ന്ധ​ങ്ങ​ളു​മാ​ണ് പ്ര​ധാ​ന ര​ച​ന​ക​ൾ.

‘പെ​രു​മാ​ൾ​സ് ഓ​ഫ് കേ​ര​ള’ ലോ​ക​ത്തെ ഏ​റ്റ​വും മി​ക​ച്ച ഗ​വേ​ഷ​ണ പ്ര​ബ​ന്ധ​ങ്ങ​ളി​ലൊ​ന്നാ​ണെ​ന്നു പ​റ​ഞ്ഞ​ത്, പ്ര​ശ​സ്ത ഇ​ൻ​ഡോ​ള​ജി​സ്റ്റും ച​രി​ത്ര​കാ​ര​നും ‘ദി ​വ​ണ്ട​ർ ദാ​റ്റ് വാ​സ് ഇ​ന്ത്യ’​യു​ടെ ര​ച​യി​താ​വു​മാ​യ എ.​എ​ൽ. ബാ​ഷാ​മാ​ണ്. മാ​ർ​ക്സി​യ​ൻ ച​രി​ത്ര​സ​മീ​പ​ന​ങ്ങ​ളെ വി​മ​ർ​ശി​ച്ച അ​ദ്ദേ​ഹം സം​ഘ​പ​രി​വാ​ർ അ​നു​കൂ​ലി​യാ​യി ചി​ത്രീ​ക​രി​ക്ക​പ്പെ​ട്ടി​ട്ടു​മു​ണ്ട്. പ​ക്ഷേ, ഐ​സി​എ​ച്ച്ആ​റി​ന്‍റെ അ​ധ്യ​ക്ഷ​നാ​യി​രി​ക്കെ ച​രി​ത്ര​ര​ച​ന​യി​ൽ കൈ ​ക​ട​ത്താ​ൻ ശ്ര​മി​ച്ച കേ​ന്ദ്ര മാ​ന​വ വി​ഭ​വ​ശേ​ഷി മ​ന്ത്രി​യാ​യി​രു​ന്ന മു​ര​ളീ മ​നോ​ഹ​ർ ജോ​ഷി​യു​ടെ ആ​വ​ശ്യ​ത്തെ നി​രു​പാ​ധി​കം ത​ള്ളി​ക്ക​ള​യു​ക​യും ചെ​യ്തു.

കാ​ലാ​വ​ധി പൂ​ർ​ത്തി​യാ​ക്കു​ന്ന​തി​നു മു​ന്പ് എം.​ജി.​എ​സി​നെ നീ​ക്കു​ക​യും ചെ​യ്തു. നി​ല​പാ​ടു​ക​ളി​ലും എ​ഴു​ത്തി​ലും അ​ദ്ദേ​ഹ​ത്തെ സ്വാ​ധീ​നി​ക്കാ​ൻ ആ​ർ​ക്കും ക​ഴി​യു​മാ​യി​രു​ന്നി​ല്ല. പ​ല​ർ​ക്കും എം.​ജി.​എ​സി​നോ​ടു വി​യോ​ജി​പ്പു​ണ്ടെ​ങ്കി​ലും ച​രി​ത്ര​ത്തെ മാ​നി​ക്കു​ന്നു​ണ്ടെ​ങ്കി​ൽ അ​ദ്ദേ​ഹ​ത്തെ​യും മാ​നി​ക്കേ​ണ്ടി​വ​രും.