ലോ​​​​ക​​​​സ​​​​മാ​​​​ധാ​​​​നം കെ​​​​ടു​​​​ത്തു​​​​ന്ന ഇ​​​​സ്‌​​​​ലാ​​​​മി​​​​ക തീ​​​​വ്ര​​​​വാ​​​​ദ​​​​ത്തി​​​​ന്‍റെ ഏ​​​​ഷ്യ​​​​ൻ പാ​​​​ച​​​​ക​​​​പ്പു​​​​ര​​​​ക​​​​ളി​​​​ൽ ചി​​​​ല​​​​താ​​​​ണ് ഇ​​​​ന്ത്യ പൊ​​​​ളി​​​​ച്ചു​​​​ക​​​​ള​​​​ഞ്ഞ​​​​ത്. ഇ​​​​തു കേ​​​​വ​​​​ലം ഇ​​​​ന്ത്യ-​​​​പാ​​​​ക്കി​​​​സ്ഥാ​​​​ൻ പ്ര​​​​ശ്ന​​​​മ​​​​ല്ല, ആ​​​​ഗോ​​​​ള​​​​ഭീ​​​​ക​​​​ര​​​​വി​​​​രു​​​​ദ്ധ​​​​ത​​​​യ്ക്ക് ഇ​​​​ന്ത്യ​​​​യു​​​​ടെ സം​​​​ഭാ​​​​വ​​​​ന​​​​യാ​​​​ണ്.

കാ​ഷ്മീ​രി​ലെ​ത്തി ഇ​ന്ത്യ​ൻ സ്തീ​ക​ളു​ടെ സി​ന്ദൂ​രം തു​ട​ച്ചു​മാ​റ്റാ​ൻ ശ്ര​മി​ച്ച​വ​രു​ടെ വീ​ട്ടി​ൽ ക​യ​റി ഇ​ന്ത്യ സി​ന്ദൂ​ര​ച്ചെ​പ്പു​ക​ൾ കൊ​ടു​ത്തി​രി​ക്കു​ന്നു. ഇ​സ്‌​ലാ​മി​ക തീ​വ്ര​വാ​ദ​ത്തി​നെ​തി​രേ ഇ​ന്ത്യ പാ​ക്കി​സ്ഥാ​നി​ൽ ന​ട​ത്തി​യ തി​രി​ച്ച​ടി​യി​ൽ ഒ​ന്പ​തു ഭീ​ക​ര​താ​വ​ള​ങ്ങ​ളാ​ണു ത​ക​ർ​ത്ത​ത്. പാ​ക് പൗ​ര​ന്മാ​രു​ടെ ഉ​റ​ക്കം​പോ​ലും കെ​ടു​ത്താ​തെ രാ​ത്രി​യി​ൽ മ​ത​ഭ്രാ​ന്ത​ന്മാ​ർ​ക്കു കൊ​ടു​ത്ത തി​രി​ച്ച​ടി​ക്ക് ഇ​ന്ത്യ​യി​ട്ട പേ​ര് "ഓ​പ്പ​റേ​ഷ​ൻ സി​ന്ദൂ​ർ’. പ​ട്ടാ​പ്പ​ക​ൽ സി​ന്ദൂ​രം ചോ​ദി​ച്ചെ​ത്തി​യ​വ​ർ​ക്ക് പാ​തി​രാ​ത്രി​യി​ൽ ഇ​ന്ത്യ സി​ന്ദൂ​ര​ച്ചെ​പ്പു​ക​ൾ എ​ത്തി​ച്ചു​കൊ​ടു​ത്തി​രി​ക്കു​ന്നു. അ​ട​ങ്ങു​ന്നി​ല്ലെ​ങ്കി​ൽ ഒ​രു ഹോ​ളി​ത​ന്നെ സ​മ്മാ​നി​ക്കാം. യു​ദ്ധം ഇ​ന്ത്യ​ക്ക് ആ​ഘോ​ഷ​മ​ല്ല; പ​ക്ഷേ, സ​മാ​ധാ​നം ആ​വ​ശ്യ​മാ​ണ്.

ഏ​പ്രി​ൽ 22നു ​കാ​ഷ്മീ​രി​ലെ പ​ഹ​ൽ​ഗാ​മി​ൽ നി​സ​ഹാ​യ​രാ​യ 26 പൗ​ര​ന്മാ​രെ വ​ധി​ച്ച പാ​ക് ഭീ​ക​രാ​ക്ര​മ​ണ​ത്തി​നാ​ണ് ചൊ​വ്വാ​ഴ്ച അ​ർ​ധ​രാ​ത്രി​യി​ൽ ഇ​ന്ത്യ മ​റു​പ​ടി കൊ​ടു​ത്ത​ത്. 14 ദി​വ​സം ക​ഴി​ഞ്ഞി​ട്ടും തീ​വ്ര​വാ​ദി​ക​ൾ​ക്കെ​തി​രേ ഒ​രു ന​ട​പ​ടി​യും സ്വീ​ക​രി​ക്കാ​തി​രു​ന്ന പാ​ക്കി​സ്ഥാ​ൻ ഇ​ന്ത്യ​ക്കെ​തി​രേ ആ​ണ​വാ​യു​ധ ഭീ​ഷ​ണി​യും മു​ഴ​ക്കി​യി​രു​ന്നു. പ്ര​മു​ഖ ഭീ​ക​ര​സം​ഘ​ട​ന​ക​ളാ​യ ല​ഷ്ക​ർ-​ഇ-​ത​യ്ബ, ജ​യ്ഷെ മു​ഹ​മ്മ​ദ് എ​ന്നി​വ​യു​ടെ കേ​ന്ദ്ര​ങ്ങ​ളി​ലാ​യി​രു​ന്നു ആ​ക്ര​മ​ണ​മെ​ന്ന് ഇ​ന്ത്യ​ൻ സൈ​ന്യം അ​റി​യി​ച്ചു.

മു​സാ​ഫ​റാ​ബാ​ദ്, സ​ർ​ജാ​ൽ, കോ​ട്‌​ലി, ഗു​ൽ​പു​ർ, സി​യാ​ൽ​കോ​ട്ട്, ബ​ർ​ണാ​ൽ, മു​രി​ദ്കെ, ഭ​വ​ൽ​പു​ർ, സ​വാ​യ് എ​ന്നി​വി​ട​ങ്ങ​ളി​ലെ ത​ക​ർ​ക്ക​പ്പെ​ട്ട ഭീ​ക​ര​പ​രി​ശീ​ല​ന കേ​ന്ദ്ര​ങ്ങ​ളു​ടെ ചി​ത്ര​ങ്ങ​ളും സൈ​ന്യം പു​റ​ത്തു​വി​ട്ടി​ട്ടു​ണ്ട്. പാ​ക് അ​ധി​നി​വേ​ശ കാ​ഷ്മീ​രി​ലെ അ​ഞ്ചു ക്യാ​ന്പു​ക​ളും ത​ക​ർ​ത്ത​താ​യി സൈ​ന്യം പ​ത്ര​സ​മ്മേ​ള​ന​ത്തി​ൽ പ​റ​ഞ്ഞു. ഇ​ന്ത്യ​യു​ടെ പ്ര​തി​കാ​ര​ത്തി​ൽ ഭീ​ക​ര​ൻ മ​സൂ​ദ് അ​സ്ഹ​റി​ന്‍റെ ഹെ​ഡ് ക്വാ​ർ​ട്ടേ​ഴ്സും ഉ​ൾ​പ്പെ​ട്ടി​ട്ടു​ണ്ട്. ആ​ക്ര​മ​ണ​ത്തി​ൽ ഇ​യാ​ളു​ടെ സ​ഹോ​ദ​രി ഉ​ൾ​പ്പെ​ടെ 10 കു​ടും​ബാം​ഗ​ങ്ങ​ൾ കൊ​ല്ല​പ്പെ​ട്ടെ​ന്നാ​ണ് റി​പ്പോ​ർ​ട്ടു​ക​ൾ.

തീ​വ്ര​വാ​ദി​ക​ൾ വി​നോ​ദ​യാ​ത്രി​ക​രെ കൊ​ന്ന​ത് അ​വ​ർ ത​ങ്ങ​ളു​ടെ മ​ത​ത്തി​ൽ പെ​ട്ട​വ​ര​ല്ലെ​ന്ന് ഉ​റ​പ്പാ​ക്കി​യ​ശേ​ഷ​മാ​ണ്. ക​ൺ​മു​ന്നി​ൽ ഭ​ർ​ത്താ​ക്ക​ന്മാ​രെ കൊ​ന്ന് സ്ത്രീ​ക​ളെ ജീ​വ​ച്ഛ​വ​ങ്ങ​ളാ​ക്കു​ക​യാ​യി​രു​ന്നു. മ​ത​ഭ്രാ​ന്തി​നു മാ​ത്രം സാ​ധി​ക്കു​ന്ന ക്രൂ​ര​ത! ഇ​ന്ത്യ ക​ണ്ണീ​ർ വാ​ർ​ത്തെ​ങ്കി​ലും ആ​ത്മ​വി​ശ്വാ​സം കൈ​വി​ട്ടി​ല്ല. തീ​വ്ര​വാ​ദി​ക​ളെ പാ​ലൂ​ട്ടി വ​ള​ർ​ത്തി​യ പാ​ക്കി​സ്ഥാ​ന്‍റെ ക​ര​ണ​ത്ത​ടി​ക്കാ​ൻ ഇ​ന്ത്യ മു​ന്നി​ലി​റ​ക്കി​യ​ത് ര​ണ്ടു വ​നി​ത​ക​ളെ. വ്യോ​മ​സേ​നാ വിം​ഗ് ക​മാ​ൻ​ഡ​ർ വ്യോ​മി​ക സിം​ഗ്, ക​ര​സേ​നാ കേ​ണ​ൽ സോ​ഫി​യ ഖു​റേ​ഷി എ​ന്നി​വ​ർ ഇ​ന്ന​ലെ ന​ട​ത്തി​യ വാ​ർ​ത്താ​സ​മ്മേ​ള​ന​ത്തി​ലും പ​ങ്കെ​ടു​ത്തു. അ​തേ, പ​ഹ​ൽ​ഗാ​മി​ൽ ഭ​ർ​ത്താ​ക്ക​ന്മാ​രു​ടെ മൃ​ത​ദേ​ഹ​ത്തി​നു മു​ന്നി​ൽ ഒ​രു​വേ​ള ഹൃ​ദ​യം പൊ​ട്ടി​യി​രു​ന്ന സ്ത്രീ​ക​ളെ രാ​ജ്യം ചേ​ർ​ത്തു​പി​ടി​ച്ചി​രി​ക്കു​ന്നു. ആ ​ഭീ​ക​ര​ർ​ക്ക് സ്ത്രീ​ക​ൾ കൊ​ടു​ക്കു​ന്ന മ​റു​പ​ടി​കൂ​ടി​യാ​ണ് ഈ ​തി​രി​ച്ച​ടി​യെ​ന്നു പ​റ​ഞ്ഞ​ത്, ഭീ​ക​ര​ർ കൊ​ന്ന കൊ​ച്ചി സ്വ​ദേ​ശി എ​ൻ. രാ​മ​ച​ന്ദ്ര​ന്‍റെ മ​ക​ൾ ആ​ര​തി​യാ​ണ്. ഇ​തി​ന് "ഓ​പ്പ​റേ​ഷ​ൻ സി​ന്ദൂ​ർ’ എ​ന്നു പേ​രി​ട്ട​വ​രെ അ​ഭി​വാ​ദ്യം ചെ​യ്യു​ന്നെ​ന്നും അ​വ​ർ പ​റ​ഞ്ഞു.

പ​ഹ​ൽ​ഗാം ഭീ​ക​രാ​ക്ര​മ​ണ​ത്തി​നു​ശേ​ഷം പാ​ക്കി​സ്ഥാ​ൻ നു​ണ​ക​ൾ​കൊ​ണ്ട് ലോ​ക​ത്തെ തെ​റ്റി​ദ്ധ​രി​പ്പി​ക്കാ​ൻ ശ്ര​മി​ക്കു​ക​യാ​യി​രു​ന്നു. എ​ന്നി​ട്ടും ജ​നാ​ധി​പ​ത്യ രാ​ജ്യ​ങ്ങ​ളി​ലേ​റെ​യും ഇ​ന്ത്യ​ക്കൊ​പ്പം നി​ന്നു. മു​സ്‌​ലിം തീ​വ്ര​വാ​ദി​ക​ളു​ടെ​യും അ​വ​രു​ടെ നി​ഴ​ൽ​യു​ദ്ധ​ക്കാ​രു​ടെ​യും സ്ഥി​രം ത​ന്ത്ര​മാ​യ ഇ​ര​വാ​ദ​വു​മാ​യി ഐ​ക്യ​രാ​ഷ്‌​ട്ര​സ​ഭ​യി​ലെ​ത്തി​യ പാ​ക്കി​സ്ഥാ​ന് സു​ര​ക്ഷാ​സ​മി​തി​യി​ൽ ഉ​ദ്ദേ​ശി​ച്ച പി​ന്തു​ണ ഇ​ത്ത​വ​ണ കി​ട്ടി​യി​ല്ല. ചൈ​ന, തു​ർ​ക്കി, അ​സ​ർ​ബൈ​ജാ​ൻ എ​ന്നീ രാ​ജ്യ​ങ്ങ​ളാ​ണ് പാ​ക്കി​സ്ഥാ​നൊ​പ്പം പ​ര​സ്യ​മാ​യി നി​ന്ന​ത്. തു​ർ​ക്കി ആ​ധു​നി​ക യു​ഗ​ത്തി​ലും ഇ​സ്‌​ലാ​മി​ക തീ​വ്ര​വാ​ദ​ത്തി​ന്‍റെ ഖ​ലീ​ഫ ഭ​ര​ണം തി​രി​കെ കൊ​ണ്ടു​വ​രാ​ൻ വി​യ​ർ​പ്പൊ​ഴു​ക്കു​ന്ന രാ​ജ്യ​മാ​ണ്.

ഒ​ന്നാം ലോ​ക​യു​ദ്ധ​ക്കാ​ല​ത്ത് അ​ർ​മീ​നി​യ​ൻ ക്രൈ​സ്ത​വ​രു​ടെ വം​ശ​ഹ​ത്യ ന​ട​ത്തി​യ തു​ർ​ക്കി​യു​ടെ പി​ന്തു​ണ​യോ​ടെ​യാ​ണ് ക​ഴി​ഞ്ഞ​വ​ർ​ഷം അ​സ​ർ​ബൈ​ജാ​ൻ നാ​ഗ​ർ​ണോ-​കാ​രാ​ബാ​ക്കി​ലെ അ​വ​ശേ​ഷി​ച്ച അ​ർ​മീ​നി​യ​ക്കാ​രെ​യും നാ​ടു​ക​ട​ത്തി​യ​ത്. ഇ‌​സ്‌​ലാ​മി​ക തീ​വ്ര​വാ​ദ​ത്തി​ന്‍റെ ഏ​ഷ്യ​യി​ലെ സം​ര​ക്ഷ​ക​രാ​യ ക​മ്യൂ​ണി​സ്റ്റ് ഏ​കാ​ധി​പ​ത്യ രാ​ജ്യ​മാ​ണ് ചൈ​ന. ഒ​രേ നു​ക​ത്തി​ൽ കെ​ട്ടാ​വു​ന്ന ഈ ​മൂ​ന്നു രാ​ജ്യ​ങ്ങ​ൾ​ക്കൊ​പ്പ​മി​ല്ലെ​ങ്കി​ലും പി​ൻ​വാ​തി​ൽ സ​ഹാ​യ​മെ​ത്തി​ക്കു​ന്ന​വ​രെ​യും ലോ​കം തി​രി​ച്ച​റി​യ​ണം. ലോ​ക​സ​മാ​ധാ​നം കെ​ടു​ത്തു​ന്ന ഇ​സ്‌​ലാ​മി​ക തീ​വ്ര​വാ​ദ​ത്തി​ന്‍റെ ഏ​ഷ്യ​ൻ പാ​ച​ക​പ്പു​ര​ക​ളി​ൽ ചി​ല​താ​ണ് ഇ​ന്ത്യ പൊ​ളി​ച്ചു​ക​ള​ഞ്ഞ​ത്. ഇ​തു കേ​വ​ലം ഇ​ന്ത്യ-​പാ​ക്കി​സ്ഥാ​ൻ പ്ര​ശ്ന​മ​ല്ല, ആ​ഗോ​ള ഭീ​ക​ര​വി​രു​ദ്ധ​ത​യ്ക്ക് ഇ​ന്ത്യ​യു​ടെ സം​ഭാ​വ​ന​യാ​ണ്. ഇ​സ്‌​ലാ​മി​ക ഭീ​ക​ര​കേ​ന്ദ്ര​ങ്ങ​ൾ ലോ​ക​ത്തെ​വി​ടെ ത​ക​ർ​ത്താ​ലും അ​ത് സു​സ്ഥി​ര സ​മാ​ധാ​ന​ത്തി​നു​വേ​ണ്ടി​യാ​ണ്.

പ​ണ​പ്പെ​രു​പ്പ​ത്താ​ൽ പൊ​റു​തി​മു​ട്ടു​ന്ന പാ​ക്കി​സ്ഥാ​നി​ൽ അ​രി​വി​ല കി​ലോ​യ്ക്ക് 100നു ​മു​ക​ളി​ലാ​ണ്. അ​വ​ശ്യ​വ​സ്തു​ക്ക​ളു​ടെ​യെ​ല്ലാം വി​ല ക​യ​റി. തീ​വ്ര​വാ​ദ​ത്തെ വ​ള​ർ​ത്തു​ന്ന​തി​നി​ടെ പ​ട്ടി​ണി​യി​ലാ​യ രാ​ജ്യം ചൈ​ന ഉ​ൾ​പ്പെ​ടെ​യു​ള്ള രാ​ജ്യ​ങ്ങ​ളു​ടെ​യും ഐ​എം​എ​ഫി​ന്‍റെ​യും എ​ഡി​ബി​യു​ടെ​യും വാ​യ്പ​കൊ​ണ്ടാ​ണ് ക​ഴി​യു​ന്ന​ത്. പ​ഹ​ൽ​ഗാ​മി​നെ​ത്തു​ട​ർ​ന്ന് ഇ​ന്ത്യ ന​ദീ​ജ​ല വി​ത​ര​ണം ത​ട​ഞ്ഞ​തും വ്യാ​പാ​ര​ബ​ന്ധ​ങ്ങ​ൾ വി​ച്ഛേ​ദി​ച്ച​തും കൂ​നി​ന്മേ​ൽ കു​രു​വാ​യി​ട്ടു​ണ്ട്. എ​ന്നി​ട്ടും ഇ​ത​ര മ​ത​സ്ഥ​രെ​ല്ലാം കൊ​ല്ല​പ്പെ​ടേ​ണ്ട​വ​രാ​ണെ​ന്ന തീ​വ്ര​വാ​ദ വി​കൃ​ത​ജ​പ​ങ്ങ​ൾ ഉ​രു​വി​ട്ടു​കൊ​ണ്ടി​രി​ക്കു​ക​യാ​ണ്.

മ​ത​ഭ്രാ​ന്തി​ൽ പൂ​ത്തു​ല​യു​ന്ന മ​ര​ണാ​ന​ന്ത​ര സൗ​ഭാ​ഗ്യ​ങ്ങ​ളു​ടെ പ​ച്ചി​ല കാ​ണി​ച്ച് നൂ​റ്റാ​ണ്ടു​ക​ൾ​ക്കു പി​ന്നി​ലേ​ക്ക് പൗ​ര​ന്മാ​രെ ആ​ട്ടി​ത്തെ​ളി​ക്കു​ന്ന തീ​വ്ര​വാ​ദി​ക​ളു​ടെ സം​ര​ക്ഷ​ണ​കേ​ന്ദ്ര​മാ​ണ് പാ​ക്കി​സ്ഥാ​ൻ. അ​തി​നെ പ്ര​തി​രോ​ധി​ക്കു​ന്ന​തി​നൊ​പ്പം പ്രാ​ധാ​ന്യ​മു​ണ്ട്, തീ​വ്ര​വാ​ദം​കൊ​ണ്ടു മാ​ത്രം മു​ള​യ്ക്കു​ന്ന വി​ഷ​വി​ത്തു​ക​ൾ ഈ ​മ​തേ​ത​ര മ​ണ്ണി​ന്‍റെ മ​ന​സി​ലും വ​ള​രു​ന്നി​ല്ലെ​ന്ന് ഉ​റ​പ്പാ​ക്കു​ന്ന​തി​ന്. 21-ാം നൂ​റ്റാ​ണ്ടി​ന്‍റെ വെ​ല്ലു​വി​ളി ഇ​സ്‌​ലാ​മി​ക തീ​വ്ര​വാ​ദ​മാ​ണ്. തി​രി​ച്ച​റി​യാ​ൻ വൈ​കു​വോ​ളം പ്ര​തി​രോ​ധം അ​സാ​ധ്യ​മാ​കു​ന്ന മാ​ര​ക വൈ​റ​സ്.