ഫിലഡൽഫിയ: തിങ്കളാഴ്ച ഫിലഡൽഫിയയിൽ അന്തരിച്ച കൊല്ലം നല്ലില പടിപ്പുര വീട്ടിൽ മത്തായി ഗീവർഗീസിന്‍റെ പൊതുദർശനവും ശുശ്രൂഷകളും വെള്ളിയാഴ്ച വൈകുന്നേരം അഞ്ച് മുതൽ രാത്രി എട്ട് വരെയുള്ള സമയങ്ങളിലും സംസ്കാര ശുശ്രൂഷകളും പൊതുദർശനവും ശനിയാഴ്ച രാവിലെ 8.45 മുതൽ 10.45 വരെയുള്ള സമയങ്ങളിലും ഫെയർലെസ് ഹിൽസിലുള്ള സെന്‍റ് ജോർജ് മലങ്കര ഓർത്തഡോക്സ് ചർച്ചിൽ വച്ചു നടത്തപ്പെടും. (520 Hood Blvd, Fairless Hills, PA 19030).
ശുശ്രൂഷകൾക്ക് ശേഷം 11.30ന് റോസ്ഡേയ്ൽ മെമ്മോറിയൽ പാർക്ക് സെമിത്തേരിയിൽ സംസ്കാരം നടക്കും. (3850 Richlieu Rd, Bensalem, PA 19020). സംസ്കാര ശുശ്രൂഷകൾ ഇടവക വികാരി റവ. ഫാ. അബു പീറ്റർ, റവ. സി.ജെ ജോൺസൺ കോർഎപ്പീസ്ക്കോപ്പ, വെരി റവ. യേശുദാസൻ പാപ്പൻ കോർഎപ്പീസ്ക്കോപ്പ, റവ. ഫാ. കെ.കെ. ജോൺ, റവ. ഫാ. ഷിനോജ് തോമസ്, റവ. ഫാ. സുജിത് തോമസ് എന്നിവരുടെ നേതൃത്വത്തിലും സമീപ ഇടവകകളിലെ മറ്റ് വൈദീകരുടെ സഹകരണത്തിലും നടത്തപ്പെടും.
1990 ജനുവരിയിൽ അമേരിക്കയിലേക്ക് കുടിയേറിയ മത്തായി ഗീവർഗീസ്, കൊല്ലം, നല്ലില പടിപ്പുര വീട്ടിൽ പരേതനായ ഗീവർഗീസ് പടിപ്പുരയുടെയും മറിയാമ്മ ഗീവർഗീസിന്‍റെയും രണ്ടാമത്തെ മകനായി 1937 ഫെബ്രുവരി 18ന് നല്ലിലയിൽ ജനിച്ചു.
നല്ലിലയിലെ ബഥേൽ സെന്‍റ് ജോർജ് ഓർത്തഡോക്സ് പള്ളിയിലെ അംഗമായിരുന്നു. കൊല്ലം കൈതകുഴി വടകോട് വീട്ടിൽ ഫിലിപ്പ് വടകോടിന്‍റെയും, സാറാമ്മ ഫിലിപ്പിന്‍റെയും മകൾ തങ്കമ്മ മത്തായിയാണ് ഭാര്യ.
മക്കൾ: വർഗീസ് മത്തായി (റോയ്), സാമുവൽ മത്തായി (റെജി), ഫിലിപ്പ് മത്തായി (ഷാജി), ജോൺ മത്തായി (സാം), ജേക്കബ് മത്തായി (ബിജി). മരുമക്കൾ: സാറാ വർഗീസ്, ജൂബി സാമുവൽ, മഞ്ജു മത്തായി, സിജോ മത്തായി, എബി ജേക്കബ്.
കൊച്ചുമക്കൾ: റോഷ് വർഗീസ്, റയാൻ മത്തായി, വിനീത് വർഗീസ്, സിന്തിയ മത്തായി, വിവേക് വർഗീസ്, മിഷ മത്തായി, ജോഷ്വ മത്തായി, മാത്യു ജേക്കബ്, എബിൻ മത്തായി, ജെഫ്രി മത്തായി, ജെൻസൺ മത്തായി, ലിയ ജേക്കബ്.
സഹോദരങ്ങൾ: യോഹന്നാൻ പടിപ്പുര, ചാക്കോ പടിപ്പുര, ജോൺ പടിപ്പുര, മാത്യു പടിപ്പുര, തോമസ് പടിപ്പുര, പൊടിയമ്മ കുഞ്ഞൂഞ്ഞ്, സാറാമ്മ തങ്കച്ചൻ, ഓമന രാജൻ.
|