ബ്രാംപ്ടണ്‍: കാനഡയുടെ ഓളപരപ്പിൽ മറ്റൊരു ജലോത്സവത്തിന് കൂടി തുടക്കം കുറിക്കുന്നു. ബ്രാംപ്ടണ്‍ ബിസിനസ് അംബാസിഡറും ബ്രാംപ്ടണ്‍ മലയാളി സമാജം പ്രസിഡന്‍റും വള്ളംകളിയുടെ ചീഫ് ഓർഗനൈസറുമായ കുര്യൻ പ്രക്കാനത്തിന്‍റെ നേതൃത്വത്തിൽ ആരവങ്ങൾക്കു തിരിതെളിഞ്ഞു.
പതിനാലാമത് കനേഡിയൻ നെഹ്‌റു ട്രോഫി വള്ളംകളിക്കു മുന്നോടിയായുള്ള കിക്ക് ഓഫ് ഫംഗ്ഷൻ മേയ് 18ന് സിറ്റിഹാളിൽ നടത്തി. വിശിഷ്ടാതിഥിയായിരുന്ന മേയർ പാട്രിക് ബ്രൗണിന്‍റെ നേതൃത്വത്തിൽ നാട മുറിച്ചുകൊണ്ട് ഓഗസ്റ്റ് 17ന് പ്രഫസഴ്‌സ് ലേയ്ക്കിൽ നടത്തുവാനുദേശിക്കുന്ന വള്ളംകളിയുടെ ഔദ്യോഗിക വിളംബരം പ്രഖ്യാപിച്ചു.
വിജയികൾക്കു നൽകുന്നതിനായുള്ള ട്രോഫി, റിപ്പബ്ലിക് ഓഫ് ഫിജിയുടെ ഡെപ്യൂട്ടി പ്രൈം മിനിസ്റ്ററിൽ നിന്നും കുര്യൻ പ്രക്കാനം ഏറ്റുവാങ്ങി. കിക്ക് ഓഫ് ഫംഗ്ഷനിൽ വച്ച് അത്‌ 21ാം പീൽ റീജിയൺ പോലീസ് സൂപ്രണ്ട് ഷെല്ലി തോംസൺ, ബ്രാംപ്ടൺ ബോട്ട് റയ്സിന്‍റെ മെഗാസ്പോൺസറായ മനോജ്‌ കരാത്തായിക്ക് നൽകുകയുണ്ടായി.
ചടങ്ങുകൾക്കു എന്‍റർടൈമെന്‍റ് കൺവീനർ ചെയറായ സണ്ണി കുന്നപ്പിള്ളി ജനറൽ സെക്രെട്ടറിമാർ ബിനു ജോഷ്വാ, യോഗേഷ് ഗോപകുമാർ, ബിഎംഎസ് വൈസ് പ്രസിഡന്‍റുമാരായ അരുൺഓലയിടത്തു, സഞ്ജയ്‌ മോഹൻ,
ഓർഗാനൈസിംഗ് സെക്രട്ടറിമാർ ജിതിൻ പുത്തൻവീട്ടിൽ, ജോമൽ സെബാസ്റ്റ്യൻ, ട്രഷറർ ഷിബു ചെറിയാൻ, കോ ട്രഷറർ ഗോപകുമാർ നായർ, സെക്രെട്ടറിമാർ ഷിബു കൂടൽ, അഞ്ചു അരവിന്ദൻ, ജോയിന്‍റ് സെക്രട്ടറി ടി.വി.എസ്. തോമസ്,
എന്‍റർടൈൻമെന്‍റ് കൺവീനഴ്സ് വിബി ഏബ്രഹാം, ജെറിൻ ജേക്കബ് മറ്റു കമ്മിറ്റി അംഗങ്ങളായ ബഞ്ചമിൻ, ആഷിക് , വിവേക്, റെനിത്, ലിൻഡ, ജിജോ ജേക്കബ്, ലിജോ വർഗീസ്, റാസിഫ് സലിം, തോമസ് ജോൺ കോന്നി എന്നിവർ നേതൃത്വം വഹിച്ചു.
എംസിയായി പ്രവർത്തിച്ചആനി ബിജോ, ജെറിൻ ജേക്കബ് എന്നിവരുടെ സേവനം അഭിനന്ദനാർഹമെന്ന് സമാജം ജനറൽ സെക്രട്ടറിമാരായ യോഗേഷ് ഗോപാകുമാരും ബിനു ജോഷ്വയും അറിയിച്ചു.
കാനഡയിലെ വിവിധ സംഘടനകളുടെ ഭാരവാഹികൾ ആശംസകൾ അറിയിക്കുവാൻ സന്നിഹിതരായിരുന്നു. കാനഡയിലെ കലാരംഗത്തെ പുത്തൻ ഉണർവായ കെഎൽ കമ്പനി നടത്തിയ കലാവിരുന്നിനു അഭിനന്ദനം അറിയിക്കുന്നതായി ട്രഷറാർ ഷിബു ചെറിയാൻ അറിയിച്ചു.
സമാജം എന്‍റർടൈൻമെന്‍റ് കൺവീനർ സണ്ണി കുന്നപ്പിള്ളി, ജോയിന്‍റ് എന്‍റർടൈൻമെന്‍റ് കൺവീനർമാരായ വിവേക് കൃഷ്ണ, വിബി എബ്രഹാം എന്നിവരുടെ പ്രവർത്തനം അഭിനന്ദനാർഹമെന്ന് സമാജം പ്രസിഡന്‍റ് കുര്യൻ പ്രക്കാനം അറിയിച്ചു.
|