നൈജീരിയയിൽ ചാവേർ സ്ഫോടനം: 22 മരണം
Saturday, February 17, 2018 6:35 PM IST
അബൂജ: നൈജീരിയയിലെ ബോർണോയിലുണ്ടായ ചാവേർ സ്ഫോടനത്തിൽ 22 പേർ മരിച്ചു. 28 പേർക്ക് പരിക്കേറ്റു. ബോർണോയിലെ മാർക്കറ്റിനു സമീപിമാണ് സ്ഫോടനമുണ്ടായത്. മാർക്കറ്റിൽ മൂന്ന് ചാവേറുകളാണ് സ്ഫോടനം നടത്തിയതെന്ന് ദൃക്സാക്ഷികൾ പറഞ്ഞു.

വെള്ളിയാഴ്ചയാണ് സംഭവം. പരിക്കേറ്റവരെ ആശുപത്രിയിൽ പ്രവേശിപ്പിച്ചുവെന്നും സംഭവത്തിൽ അന്വേഷണം ആരംഭിച്ചതായും അധികൃതർ വ്യക്തമാക്കി.

ഫെബ്രുവരി ആദ്യവാരം നൈജീരിയയിലുണ്ടായ ചാവേർ സ്ഫോടനത്തിൽ ആറ് പേർ കൊല്ലപ്പെടുകയും 39 പേർക്ക് പരിക്കേൽക്കുകയും ചെയ്തിരുന്നു.
Copyright @ 2022 , Rashtra Deepika Ltd.