റോ​മി​ൽ യു​വ​ജ​ന ജൂ​ബി​ലി ആ​ഘോ​ഷം 28 മു​ത​ൽ
Monday, July 14, 2025 10:41 AM IST
വ​ത്തി​ക്കാ​ൻ സി​റ്റി: 2025 ജൂ​ബി​ലി വ​ർ​ഷ​ത്തി​ന്‍റെ ഭാ​ഗ​മാ​യു​ള്ള യു​വ​ജ​ന ജൂ​ബി​ലി​യാ​ഘോ​ഷം ഈ​മാ​സം 28 മു​ത​ൽ ഓ​ഗ​സ്റ്റ് മൂ​ന്നു​വ​രെ റോ​മി​ൽ ന​ട​ക്കും. ‘പ്ര​ത്യാ​ശ​യു​ടെ തീ​ർ​ഥാ​ട​ക​ർ’ എ​ന്ന പ്ര​മേ​യ​ത്തി​ൽ ന​ട​ക്കു​ന്ന ജൂ​ബി​ലി​യാ​ഘോ​ഷം 18നും 35​നും ഇ​ട​യി​ൽ പ്രാ​യ​മു​ള്ള ലോ​ക​മെ​ങ്ങും​നി​ന്നു​ള്ള യു​വ​ജ​ന​ങ്ങ​ളു​ടെ സം​ഗ​മ​വേ​ദി​കൂ​ടി​യാ​യി​രി​ക്കും.

ഈ​മാ​സം 29ന് ​വൈ​കു​ന്നേ​രം വ​ത്തി​ക്കാ​നി​ലെ സെ​ന്‍റ് പീ​റ്റേ​ഴ്സ് ച​ത്വ​ര​ത്തി​ൽ അ​ർ​പ്പി​ക്ക​പ്പെ​ടു​ന്ന വി​ശു​ദ്ധ കു​ർ​ബാ​ന​യോ​ടെ​യാ​ണ് ഔ​ദ്യോ​ഗി​ക​മാ​യി ജൂ​ബി​ലി ആ​ഘോ​ഷ​ങ്ങ​ൾ​ക്ക് തു​ട​ക്കം കു​റി​ക്കു​ക. ഓ​ഗ​സ്റ്റ് ഒ​ന്നി​ന് റോ​മി​ലെ ചി​ർ​ക്കോ മാ​സി​മോ സ്റ്റേ​ഡി​യ​ത്തി​ൽ അ​നു​ര​ഞ്ജ​ന കൂ​ദാ​ശ​യു​ടെ ആ​ഘോ​ഷ​വും ന​ട​ക്കും.

ര​ണ്ടി​ന് തെ​ക്കു​കി​ഴ​ക്ക​ൻ റോ​മി​ലെ തോ​ർ വെ​ർ​ഗാ​ത്ത യൂ​ണി​വേ​ഴ്സി​റ്റി കാ​ന്പ​സി​ൽ ന​ട​ക്കു​ന്ന ജാ​ഗ​ര​ണ പ്രാ​ർ​ഥ​ന​യോ​ടെ​യും പി​റ്റേ​ദി​വ​സം രാ​വി​ലെ ന​ട​ക്കു​ന്ന വി​ശു​ദ്ധ കു​ർ​ബാ​ന​യോ​ടെ​യും ജൂ​ബി​ലി ആ​ഘോ​ഷ​ങ്ങ​ൾ സ​മാ​പി​ക്കും. ജാ​ഗ​ര​ണ പ്രാ​ർ​ഥ​ന​യി​ലും വി​ശു​ദ്ധ കു​ർ​ബാ​ന​യി​ലും ലെ​യോ പ​തി​നാ​ലാ​മ​ൻ മാ​ർ​പാ​പ്പ പ​ങ്കെ​ടു​ക്കും.

ജൂ​ബി​ലി​യോ​ട​നു​ബ​ന്ധി​ച്ച് വി​വി​ധ സാം​സ്കാ​രി​ക പ​രി​പാ​ടി​ക​ൾ, പ്രാ​ർ​ഥ​നാ​സ​മ്മേ​ള​ന​ങ്ങ​ൾ, കൂ​ട്ടാ​യ്മ​ക​ൾ, വി​ശു​ദ്ധ വാ​തി​ൽ പ്ര​വേ​ശ​നം, അ​നു​ര​ഞ്ജ​ന​കൂ​ദാ​ശ സ്വീ​ക​ര​ണം, ജാ​ഗ​ര​ണ പ്രാ​ർ​ഥ​ന​ക​ൾ, ആ​രാ​ധ​ന​ക​ൾ എ​ന്നി​വ ഉ​ണ്ടാ​യി​രി​ക്കും.

യു​വ​ജ​ന തീ​ർ​ഥാ​ട​ക​ർ​ക്കാ​യു​ള്ള മാ​ർ​ഗ​നി​ർ​ദേ​ശ​ങ്ങ​ള​ട​ങ്ങി​യ ല​ഘു​ലേ​ഖ വ​ത്തി​ക്കാ​ന്‍റെ സു​വി​ശേ​ഷ​വ​ത്ക​ര​ണ​ത്തി​നാ​യു​ള്ള കാ​ര്യാ​ല​യം പ്ര​സി​ദ്ധീ​ക​രി​ച്ചു. മാ​ർ​ഗ​രേ​ഖ​യു​ടെ ഓ​ൺ​ലൈ​ൻ പ​തി​പ്പും ല​ഭ്യ​മാ​ണ്.

ഇ​തോ​ടൊ​പ്പം ജൂ​ബി​ലി​യെ​ക്കു​റി​ച്ചു​ള്ള വി​ശ​ദ​വി​വ​ര​ങ്ങ​ൾ അ​റി​യു​വാ​ൻ Iubilaeum25 എ​ന്ന​പേ​രി​ൽ മൊ​ബൈ​ൽ ആ​പ്ലി​ക്കേ​ഷ​നും കാ​ര്യാ​ല​യം പു​റ​ത്തി​റ​ക്കി​യി​ട്ടു​ണ്ട്.


യു​വ​ജ​ന​ങ്ങ​ൾ​ക്ക് വാ​ഴ്ത്ത​പ്പെ​ട്ട ഫ്ര​സാ​ത്തി​യു​ടെ ഭൗ​തി​ക​ദേ​ഹം വ​ണ​ങ്ങാ​ൻ അ​വ​സ​രം

യു​വ​ജ​ന ജൂ​ബി​ലി​യാ​ഘോ​ഷ​ങ്ങ​ളു​ടെ ഭാ​ഗ​മാ​യി വാ​ഴ്ത്ത​പ്പെ​ട്ട പി​യ​ർ ജോ​ർ​ജി​യോ ഫ്ര​സാ​ത്തി​യു​ടെ അ​ഴു​കാ​ത്ത ശ​രീ​രം സൂ​ക്ഷി​ച്ചി​രി​ക്കു​ന്ന പേ​ട​കം ഈ​മാ​സം 26 മു​ത​ൽ ഓ​ഗ​സ്റ്റ് നാ​ലു​വ​രെ റോ​മി​ൽ പൊ​തു​വ​ണ​ക്ക​ത്തി​ന് പ്ര​തി​ഷ്ഠി​ക്കും.

ടൂ​റി​നി​ലെ സെ​ന്‍റ് ജോ​ൺ ദ ​ബാ​പ്റ്റി​സ്റ്റ് ക​ത്തീ​ഡ്ര​ലി​ൽ സൂ​ക്ഷി​ച്ചി​രി​ക്കു​ന്ന ഭൗ​തി​ക​ദേ​ഹം റോ​മി​ലെ സാ​ന്താ മ​രി​യ സോ​പ്ര മി​ന​ർ​വ ബ​സി​ലി​ക്ക​യി​ലാ​ണു പൊ​തു​വ​ണ​ക്ക​ത്തി​ന് എ​ത്തി​ക്കു​ക.

ഫ്ര​സാ​ത്തി​യെ ഓ​ഗ​സ്റ്റ് മൂ​ന്നി​ന് യു​വ​ജ​ന ജൂ​ബി​ലി ആ​ഘോ​ഷ​വേ​ള​യി​ൽ വി​ശു​ദ്ധ​നാ​യി പ്ര​ഖ്യാ​പി​ക്കാ​നാ​യി​രു​ന്നു ആ​ദ്യം തീ​രു​മാ​നി​ച്ചി​രു​ന്ന​തെ​ങ്കി​ലും സെ​പ്റ്റം​ബ​ർ ഏ​ഴി​ന് വാ​ഴ്ത്ത​പ്പെ​ട്ട കാ​ർ​ലോ അ​ക്കു​ത്തി​സി​നൊ​പ്പം വി​ശു​ദ്ധ​നാ​യി പ്ര​ഖ്യാ​പി​ക്കാ​ൻ ലെ​യോ പ​തി​നാ​ലാ​മ​ൻ മാ​ർ​പാ​പ്പ തീ​രു​മാ​നി​ക്കു​ക​യാ​യി​രു​ന്നു.

2008ൽ ​ഓ​സ്ട്രേ​ലി​യ​യി​ലെ സി​ഡ്നി​യി​ൽ ന​ട​ന്ന ലോ​ക യു​വ​ജ​ന ദി​നാ​ഘോ​ഷ​ത്തി​ൽ ക​ർ​ദി​നാ​ൾ ജോ​ർ​ജ് പെ​ല്ലി​ന്‍റെ അ​ഭ്യ​ർ​ഥ​ന​പ്ര​കാ​രം വാ​ഴ്ത്ത​പ്പെ​ട്ട ഫ്ര​സാ​ത്തി​യു​ടെ തി​രു​ശേ​ഷി​പ്പു​ക​ൾ എ​ത്തി​ച്ചി​രു​ന്നു. 1901ൽ ​ടൂ​റി​നി​ലെ ഒ​രു പ്ര​മു​ഖ കു​ടും​ബ​ത്തി​ലാ​ണ് ഫ്ര​സാ​ത്തി ജ​നി​ച്ച​ത്.

ആ​ഴ​ത്തി​ലു​ള്ള ദൈ​വ​വി​ശ്വാ​സ​ത്തി​നൊ​പ്പം പാ​വ​ങ്ങ​ളെ സ​ഹാ​യി​ക്കാ​നു​ള്ള പ്ര​ത്യേ​ക താ​ത്പ​ര്യം കു​ട്ടി​ക്കാ​ലം​മു​ത​ൽ അ​ദ്ദേ​ഹ​ത്തെ വ്യ​ത്യ​സ്ത​നാ​ക്കി. 1925 ജൂ​ലൈ നാ​ലി​ന് പോ​ളി​യോ ബാ​ധി​ച്ചാ​യി​രു​ന്നു മ​ര​ണം. മ​ര​ണ​ത്തി​ന്‍റെ നൂ​റാം വാ​ർ​ഷി​കാ​ച​ര​ണം ന​ട​ന്നു​വ​രി​ക​യാ​ണ്.

നാ​മ​ക​ര​ണ ന​ട​പ​ടി​ക​ളു​ടെ ഭാ​ഗ​മാ​യി 1981ൽ ​ഭൗ​തി​ക​ദേ​ഹ​പേ​ട​കം തു​റ​ന്ന​പ്പോ​ൾ അ​ഴു​കാ​ത്ത നി​ല​യി​ൽ ക​ണ്ടെ​ത്തു​ക​യാ​യി​രു​ന്നു.