ഷാർജ: ഷാർജയിൽ നിന്ന് കാണാതായ ഓട്ടിസം ബാധിതനായ മലയാളി വിദ്യാർഥിയെ കണ്ടെത്തി. പ്രദേശവാസിയായ മലയാളി നൽകിയ വിവരത്തിന്റെ അടിസ്ഥാനത്തിൽ നടത്തിയ തെരച്ചിലിലാണ് കുട്ടിയെ കണ്ടെത്തിയത്.
ഞായറാഴ്ചയാണ് ഫെലിക്സ് ജെബി തോമസ് എന്ന 18കാരനെ ഷാർജയിൽ നിന്ന് കാണാതായത്. രാത്രി മാതാപിതാക്കൾക്കൊപ്പം നടക്കുന്നതിനിടെ ഫെലിക്സിനെ കാണാതാവുകയായിരുന്നു.
ഫെലിക്സ് ക്ഷീണിതനാണെന്നും മതിയായ ചികിത്സയ്ക്ക് ശേഷമായിരിക്കും വീട്ടിലേക്ക് കൊണ്ടുവരികയെന്നും ബന്ധുക്കൾ അറിയിച്ചു.