റിയാദ്: പരിശീലന പറക്കലിനിടെ സൗദി അറേബ്യന് റോയല് എയര്ഫോഴ്സിന്റെ എഫ്-15 എസ്എ യുദ്ധവിമാനം തകര്ന്ന് രണ്ട് പേർ മരിച്ചു. സൗദിയുടെ കിഴക്കന് പ്രവിശ്യയിലെ ദഹ്റാനില് വ്യാഴാഴ്ചയായിരുന്നു സംഭവം.
പതിവ് പരിശീലനത്തിനിടെ പ്രാദേശിക സമയം ഉച്ചയ്ക്ക് 12.50ന് വിമാനം ദഹ്റാനിലെ കിംഗ് അബ്ദുല് അസീസ് എയര് ബേസില് തകര്ന്നതായി പ്രതിരോധ മന്ത്രാലയ വക്താവ് ബ്രിഗേഡിയര് ജനറല് തുര്ക്കി അല്-മാലികി പറഞ്ഞു.