ചെ​റി​യ​നാ​ട് റെ​യി​ൽ​വേസ്റ്റേ​ഷ​നി​ൽ സു​ര​ക്ഷാ ക്ര​മീ​ക​ര​ണം ഏ​ർ​പ്പെ​ടു​ത്തും: എം​പി
Sunday, September 15, 2024 12:12 AM IST
ചെങ്ങ​ന്നൂ​ർ: ചെ​റി​യ​നാ​ട് റ​യി​ൽ​വേ സ്റ്റേ​ഷ​നി​ൽ സു​ര​ക്ഷ ക്ര​മീ​ക​ര​ണ​ങ്ങ​ൾ ഏ​ർ​പ്പെ​ടു​ത്തു​മെ​ന്ന് കൊ​ടു​ക്കു​ന്നി​ൽ സു​രേ​ഷ് എം​പി. സ്റ്റേ​ഷ​നി​ലെ സു​ര​ക്ഷാ​ക്ര​മീ​ക​ര​ണ​ങ്ങ​ൾ ശ​ക്തി​പ്പെ​ടു​ത്തു​ന്ന​തി​നാ​യി സ​തേ​ൺ റെ​യി​ൽ​വേ​യു​ടെ പ്രി​ൻ​സി​പ്പ​ൽ ചീ​ഫ് സെ​ക്യൂ​രി​റ്റി ക​മ്മീ​ഷ​ണ​റോ​ടും ആ​വ​ശ്യ​പ്പെ​ട്ടു.

ചെ​റി​യ​നാ​ട് റെ​യി​ൽ​വേ സ്റ്റേ​ഷ​നി​ലെ നി​ല​വി​ലെ സൗ​ക​ര്യ​ങ്ങ​ൾ വി​ല​യി​രു​ത്തു​ന്ന​തി​നും ക​ഴി​ഞ്ഞ ദി​വ​സം സാ​മൂ​ഹ്യ​വി​രു​ദ്ധ​രു​ടെ ആ​ക്ര​മ​ത്തി​നി​ര​യാ​യ ഹാ​ൾ​ട്ട് ഏ​ജ​ൻ്റ് മ​ഹേ​ഷ് ബാ​ല​കൃ​ഷ്ണ പി​ള്ള (42) യെ​യും സ​ന്ദ​ർ​ശി​ച്ച് സം​സാ​രി​ക്കു​ക​യാ​യി​രു​ന്നു.

സ്റ്റേ​ഷ​ൻ പ​രി​സ​ര​ങ്ങ​ളി​ലും പ്ലാ​റ്റ്ഫോ​മി​ലും സ്ഥി​ര​മാ​യി ന​ട​ക്കു​ന്ന​ത് സാ​മൂ​ഹി​കവി​രു​ദ്ധ പ്ര​വ​ർ​ത്ത​ന​ങ്ങ​ൾ ആ​യി​രു​ന്നു​വെ​ന്നും ഹാ​ൾ​ട്ട് ഏ​ജ​ന്‍റ് ഇ​വ​രെ ത​ട​ഞ്ഞ​തി​ന്‍റെ പ്ര​ത്യാ​ഘാ​ത​മാ​യാ​ണ് ആ​ക്ര​മ​ണം ഉ​ണ്ടാ​യ​തെ​ന്നും കൊ​ടി​ക്കു​ന്നി​ൽ പ​റ​ഞ്ഞു. ഇ​ത് സം​ബ​ന്ധി​ച്ച് അ​ടി​യ​ന്ത​ര ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്ന് ആ​ർ​പി​എ​ഫ്, പോ​ലീ​സ് ഉ​ദ്യോ​ഗ​സ്ഥ​ർ​ക്ക് നി​ർ​ദേശം ന​ൽ​കി.

ചെ​റി​യ​നാ​ട് റെ​യി​ൽ​വേ സ്റ്റേ​ഷ​ൻ ക്രോ​സിം​ഗ് സ്റ്റേ​ഷ​നാ​യി ഉ​യ​ർ​ത്തു​ന്ന​തി​നാ​യി കൊ​ടി​ക്കു​നി​ൽ സു​രേ​ഷ് എം​പി ശ്ര​മ​ങ്ങ​ൾ തു​ട​രു​ക​യാ​ണ്. എ​ന്നാ​ൽ, റെ​യി​ൽ​വേ മ​ന്ത്രാ​ല​യം, യാ​ത്ര​ക്കാ​രു​ടെ എ​ണ്ണം, വ​രു​മാ​നം എ​ന്നി​വ​യു​ടെ അ​ടി​സ്ഥാ​ന​ത്തി​ൽ സ്റ്റേ​ഷ​നു​ക​ളെ ഗ്രേ​ഡ് ചെ​യ്യു​മെ​ന്ന നി​ല​പാ​ട് അ​റി​യി​ച്ചി​ട്ടു​ണ്ട്. നി​ല​വി​ൽ ചെ​റി​യ​നാ​ട് ഹാ​ൾ​ട്ട് സ്റ്റേ​ഷ​നി​ൽ അ​ടി​സ്ഥാ​ന സൗ​ക​ര്യ​ങ്ങ​ൾ പ​രി​മി​ത​മാ​ണ്. ഈ ​വി​ഷ​യം ലോ​ക്സ​ഭ​യി​ൽ ഉ​ന്ന​യി​ച്ചെ​ങ്കി​ലും ഹാ​ൾ​ട്ട് സ്റ്റേ​ഷ​ൻ എ​ന്ന നി​ല​യി​ൽ ഇ​പ്പോ​ഴ​ത്തെ സൗ​ക​ര്യ​ങ്ങ​ൾ പ​ര്യാ​പ്ത​മെ​ന്ന് റെ​യി​ൽ​വേ മ​ന്ത്രി മ​റു​പ​ടി ന​ൽ​കി​യി​രു​ന്നു.


നാ​ട്ടു​കാ​രു​ടെ ഏ​റെ​കാ​ല​ത്തെ ആ​വ​ശ്യ​മാ​യ സ്റ്റേ​ഷ​നി​ലേ​ക്കു​ള്ള ത​ക​ർ​ന്ന റോ​ഡി​ന്റെ അ​റ്റ​കു​റ്റ​പ്പ​ണി​ക​ൾ ഉ​ട​ൻ ആ​രം​ഭി​ക്കും. കൂ​ടാ​തെ, ചെ​റി​യ​നാ​ട് ലെ​വ​ൽ ക്രോ​സിം​ഗ് ഭാ​ഗ​ത്തെ റോ​ഡി​ന്റെ​യും അ​റ്റ​കു​റ്റ​പ്പ​ണി അ​ടി​യ​ന്ത​ര​മാ​യി ന​ട​ത്തും. കൂ​ടു​ത​ൽ ട്രെ​യി​നു​ക​ൾ നി​ർ​ത്താ​നു​ള്ള സാ​ധ്യ​ത​യെ​ക്കു​റി​ച്ചും പ​രി​ശോ​ധി​ക്കും. സ്റ്റേ​ഷ​ൻ പ​രി​സ​രം വൃ​ത്തി​യാ​ക്കാ​ൻ റെ​യി​ൽ​വേ എ​ൻ​ജി​നീ​യ​റിം​ഗ് വി​ഭാ​ഗ​ത്തി​ന് നി​ർ​ദ്ദേ​ശം ന​ൽ​കി.

സ്റ്റേ​ഷ​നി​ലേ​ക്ക് എ​ത്തു​ന്ന റോ​ഡി​ന്റെ ഇ​രു​വ​ശ​ങ്ങ​ളി​ലും ലൈ​റ്റു​ക​ൾ സ്ഥാ​പി​ക്കു​വാ​നും സ്റ്റേ​ഷ​ൻ മു​ന്നി​ൽ മി​നി മാ​സ്റ്റ് ലൈ​റ്റ് സ്ഥാ​പി​ക്കു​വാ​ൻ ഇ​ലക്‌ട്രിക്ക​ൽ വി​ഭാ​ഗം ഉ​ദ്യോ​ഗ​സ്ഥ​ർ​ക്കും നി​ർ​ദ്ദേ​ശം ന​ൽ​കി​യ​താ​യി കൊ​ടി​ക്കു​ന്നി​ൽ സു​രേ​ഷ് എം​പി പ​റ​ഞ്ഞു.