അന്പല​പ്പു​ഴ: ക​ർ​ക്കട​കം പി​റ​ന്നു. വ​ള​യി​ട്ട കൈ​ക​ളാ​ൽ ഒ​രു​ക്കി​യ ക​ർ​ക്ക​ട​ക ലേ​ഹ്യ​വും ത​യാ​ർ. പു​റ​ക്കാ​ട് പ​ഞ്ചാ​യ​ത്ത് 14-ാം വാ​ർ​ഡ് പ​ഴ​യ​ങ്ങാ​ടി ലാ​വ​ണ്യ കു​ടും​ബ​ശ്രീ​യി​ലെ 13 വ​നി​ത​ക​ൾ ചേ​ർ​ന്നാ​ണ് ക​ർ​ക്ക​ട​ക മാ​സ​ത്തി​ന്‍റെ പ്ര​ത്യേ​ക​ത ക​ണ​ക്കി​ലെ​ടു​ത്ത് ഔ​ഷ​ധ​ക്കൂ​ട്ട് ത​യാ​റാ​ക്കു​ന്ന​ത്.

2002ൽ ​രൂ​പീ​ക​രി​ച്ച കു​ടും​ബ ശ്രീ ​യൂ​ണി​റ്റി​ന്‍റെ നേ​തൃ​ത്വ​ത്തി​ൽ ക​ർ​ക്ക​ട​ക ലേ​ഹ്യം ത​യാ​റാ​ക്കാ​ൻ തു​ട​ങ്ങി​യി​ട്ട് വ​ർ​ഷ​ങ്ങ​ളാ​യി. നാ​ട്ടി​ൽ പ്ര​സ​വ​ര​ക്ഷ​യ്ക്ക് മ​രു​ന്നു​ണ്ടാ​ക്കു​ന്ന ഒ​രു വയോധിക യി​ൽനി​ന്നാ​ണ് ഇ​വ​ർ ഇ​തി​ന്‍റെ ബാ​ലപാ​ഠ​ങ്ങ​ൾ പ​ഠി​ച്ചെ​ടു​ത്ത​ത്. വയോധിക മ​രി​ച്ച​തോ​ടെ ഇ​പ്പോ​ൾ ഇ​തി​നു നേ​തൃ​ത്വം ന​ൽ​കു​ന്ന​ത് 74 വ​യ​സു​ള്ള രാ​ധ​യാ​ണ്.

68 കൂ​ട്ടം അ​ങ്ങാ​ടി മ​രു​ന്ന് വി​ല​യ്ക്കു വാ​ങ്ങി പൊ​ടി​ച്ചെ​ടു​ക്കു​ന്ന​തോ​ടെ​യാ​ണ് ലേ​ഹ്യ​ത്തി​ന്‍റെ ആ​ദ്യ നി​ർ​മാ​ണം തു​ട​ങ്ങുന്നത്. പി​ന്നീ​ട് നാ​ട്ടി​ൽനി​ന്നുത​ന്നെ 10 ഓ​ളം വെ​ട്ടു​മ​രു​ന്നു​ക​ളും ശേ​ഖ​രി​ക്കും. ഇ​തു കൂ​ടാ​തെ 28 ഇ​നം പൊ​ടി​ക​ളു​മു​ണ്ട്.

ഇ​വ​യെ​ല്ലാം ചേ​ർ​ത്ത് വ​ലി​യ ഉ​രു​ളി​യി​ൽ വേ​വി​ച്ച് ക​ഷാ​യ​മാ​ക്കി വ​റ്റി​ച്ചെ​ടു​ത്താ​ണ് ലേ​ഹ്യ​മാ​ക്കു​ന്ന​ത്. മൂന്നു ദി​വ​സം നീ​ണ്ട അ​ധ്വാ​ന​ത്തി​നൊ​ടു​വി​ലാ​ണ് ലേ​ഹ്യം ത​യാ​റാ​ക്കു​ന്ന​ത്. ക​ഴി​ഞ്ഞ വ​ർ​ഷം ഒ​രു കി​ലോ ലേ​ഹ്യ​ത്തി​ന് 550 രൂ​പ​യാ​യി​രു​ന്നു വി​ല. അ​ങ്ങാ​ടി മ​രു​ന്നു​ക​ൾ​ക്ക​ട​ക്കം ഇ​ത്ത​വ​ണ വി​ല വ​ർ​ധി​ച്ചെ​ങ്കി​ലും ഇതേ വിലയ്ക്കാണ് ഇ​ത്ത​വ​ണ​യും ലേ​ഹ്യം വി​ൽ​ക്കു​ന്ന​തെ​ന്ന് ഇ​വ​ർ പ​റ​യു​ന്നു. രാ​സ​വ​സ്തു​ക്ക​ൾ ചേ​ർ​ക്കാ​ത്ത ലേ​ഹ്യ​ത്തി​നാ​യി നി​ര​വ​ധി ആ​വ​ശ്യ​ക്കാ​രാ​ണ് ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ൽനി​ന്നാ​യി എ​ത്തു​ന്ന​ത്. രാ​സവ​സ്തു​ക്ക​ൾ ചേ​ർ​ക്കാ​ത്ത​തി​നാ​ൽ 15 ദി​വ​സ​ത്തി​ന​കം ഇ​ത് ഉ​പ​യോ​ഗി​ക്ക​ണ​മെ​ന്നും ഇ​വ​ർ പ​റ​യു​ന്നു. ഈ ​വ​ർ​ഷം 100 കി​ലോ ലേ​ഹ്യ​മാ​ണ് ഇ​വ​ർ നി​ർ​മി​ച്ച​ത്. നെ​ൽ​കൃ​ഷി ഉ​ൾ​പ്പെ​ടെ നി​ര​വ​ധി പ്ര​വ​ർ​ത്ത​ന​ങ്ങ​ളാ​ണ് വ​നി​ത​ക​ളു​ടെ നേ​തൃ​ത്വ​ത്തി​ൽ വി​ജ​യ​ക​ര​മാ​യി ന​ട​ത്തു​ന്ന​ത്.