അ​മ്പ​ല​പ്പു​ഴ: സ്വ​കാ​ര്യവ്യ​ക്തി​ക​ൾ കൈ​യേ​റി​യ സ​ർ​ക്കാ​ർ വ​ക പു​റ​മ്പോ​ക്ക് ഭൂ​മി തി​രി​കെ​പ്പി​ടി​ക്കാ​ൻ ന​ട​പ​ടി​ക​ൾ ആ​രം​ഭി​ച്ചു. ഇ​തി​ന്‍റെ ഭാ​ഗ​മാ​യി റ​വ​ന്യു ഉ​ദ്യോ​ഗ​സ്ഥ​രു​ടെ നേ​തൃ​ത്വ​ത്തി​ൽ സ്ഥ​ലം അ​ള​ന്നു തി​ട്ട​പ്പെ​ടു​ത്തി.

സ്വ​കാ​ര്യവ്യ​ക്തി​ക​ൾ പു​റ​മ്പോ​ക്ക് ഭൂ​മി കൈ​യേ​റി​യ​താ​യും ക​ണ്ടെ​ത്തി. അ​മ്പ​ല​പ്പു​ഴ തെ​ക്ക് പ​ഞ്ചാ​യ​ത്ത് 12-ാം വാ​ർ​ഡ് ഇ​ര​ട്ട​ക്കു​ള​ങ്ങ​ര ക്ഷേ​ത്ര​ത്തി​നു കി​ഴ​ക്ക് വ​ശ​മാ​ണ് മൂന്നു സ്വ​കാ​ര്യവ്യ​ക്തി​ക​ൾ വ​ർ​ഷ​ങ്ങ​ൾ​ക്കു മു​ൻ​പ് പൊ​തുവ​ഴി​യാ​യി​രു​ന്ന സ്ഥ​ലം കൈ​യേ​റി മ​തി​ൽ കെ​ട്ടി​യ​ത്.

തു​ട​ർ​ന്ന് സ​മീ​പവാ​സി വേ​ല​ൻ പ​റ​മ്പി​ൽ ശ​ര​ത് ബാ​ബു, അ​മ്പ​ല​പ്പു​ഴ തെ​ക്ക് പ​ഞ്ചാ​യ​ത്ത് ഭ​ര​ണസ​മി​തി എ​ന്നി​വ​ർ പ​രാ​തി ന​ൽ​കി​യ​തി​നെ​ത്തു​ട​ർ​ന്ന് ക​ഴി​ഞ്ഞദി​വ​സം റ​വ​ന്യു ഉ​ദ്യോ​ഗ​സ്ഥ​രെ​ത്തി റീ ​സ​ർ​വേ ന​ട​പ​ടി​ക​ൾ പൂ​ർ​ത്തി​യാ​ക്കി.

3.2 മീ​റ്റ​ർ വീ​തി​യി​ലും 29.7 മീ​റ്റ​ർ നീ​ള​ത്തി​ലു​മു​ണ്ടാ​യി​രു​ന്ന പു​റ​മ്പോ​ക്ക് ഭൂ​മി​യാ​ണ് സ്വ​കാ​ര്യ വ്യ​ക്തി​ക​ൾ കൈ​യേ​റി​യി​രു​ന്ന​ത്. റീ ​സ​ർ​വേ​യി​ൽ പു​റ​മ്പോ​ക്ക് ഭൂ​മി ഈ ​വ്യ​ക്തി​ക​ൾ കൈ​യ​ട​ക്കി​യി​രു​ന്ന​താ​യും ക​ണ്ടെ​ത്തി. തു​ട​ർ ന​ട​പ​ടി​ക​ളു​ടെ ഭാ​ഗ​മാ​യി ക​ക്ഷി​ക​ൾ​ക്ക് നോ​ട്ടീ​സ് ന​ൽ​കി വി​ശ​ദീ​ക​ര​ണം തേ​ടി​യ ശേ​ഷം പു​റ​മ്പോ​ക്ക് ഭൂ​മി​യി​ലെ അ​ന​ധി​കൃ​ത നി​ർ​മാ​ണം പൊ​ളി​ച്ചു​മാ​റ്റി ഭൂ​മി സ​ർ​ക്കാ​രി​ലേ​ക്കു ക​ണ്ടു​കെ​ട്ടു​മെ​ന്ന് റ​വ​ന്യു അ​ധി​കൃ​ത​ർ അ​റി​യി​ച്ചു.