കാ​സ​ര്‍​ഗോ​ഡ്: ദേ​ശീ​യ​പാ​ത​യി​ല്‍ ചെ​ര്‍​ക്ക​ള​യ്ക്കു സ​മീ​പം മു​ട​ങ്ങി​യ വ​ലി​യ വാ​ഹ​ന​ങ്ങ​ളു​ടെ ഗ​താ​ഗ​തം പു​ന​രാ​രം​ഭി​ക്കു​ന്ന​തി​നാ​യി കു​ന്നി​ടി​ച്ച് റോ​ഡ് നി​ര്‍​മി​ക്കാ​നു​ള്ള ശ്ര​മം നാ​ട്ടു​കാ​ര്‍ ത​ട​ഞ്ഞു. പ്ര​ദേ​ശ​ത്ത് വ​ലി​യ സു​ര​ക്ഷാ​ഭീ​ഷ​ണി നി​ല​നി​ല്‍​ക്കു​ന്ന​താ​യി ചൂ​ണ്ടി​ക്കാ​ട്ടി​യാ​ണ് ആ​ക്ഷ​ന്‍ ക​മ്മി​റ്റി ക​ഴി​ഞ്ഞ​ദി​വ​സം കു​ന്നി​ടി​ക്ക​ല്‍ ത​ട​ഞ്ഞ​ത്. ഇ​തോ​ടെ ഇ​വി​ടു​ത്തെ പ്ര​വൃ​ത്തി അ​ധി​കൃ​ത​ര്‍ താ​ത്കാ​ലി​ക​മാ​യി നി​ര്‍​ത്തി​വെ​ച്ചു.

ന്യൂ​ബേ​വി​ഞ്ച വി​കെ പാ​റ​യി​ലെ റി​ട്ട.​അ​ധ്യാ​പ​ക​ന്‍ എ.​അ​ബ്ദു​ള്ള​യു​ടെ വീ​ടി​നും സ​മീ​പ​ത്തെ വൈ​ദ്യു​ത​തൂ​ണു​ക​ള്‍​ക്കും താ​ത്കാ​ലി​ക പാ​ത​യ്ക്കാ​യു​ള്ള കു​ന്നി​ടി​ക്ക​ല്‍ വ​ലി​യ ഭീ​ഷ​ണി​യാ​ണ് സൃ​ഷ്ടി​ക്കു​ന്ന​ത്. വി​കെ പാ​റ കു​ണ്ട​ടു​ക്ക​ത്ത് ദേ​ശീ​യ​പാ​ത​യി​ല്‍ വി​ള്ള​ല്‍ വീ​ണ പ​ഴ​യ ദേ​ശീ​യ​പാ​ത ഭാ​ഗം ഒ​ഴി​വാ​ക്കി വീ​തി കൂ​ട്ടി താ​ത്കാ​ലി​ക​പാ​ത ഉ​ണ്ടാ​ക്കു​ന്ന​തി​ന് റോ​ഡി​ന്‍റെ വ​ല​തു​ഭാ​ഗ​ത്ത് 10 മീ​റ്റ​റോ​ളം ഉ​യ​ര​ത്തി​ലാ​ണ് കു​ന്നി​ടി​ച്ച​ത്.

സ​മീ​പ​ത്തെ വീ​ടി​ന് ഉ​ള്‍​പ്പെ​ടെ വ​ലി​യ ആ​ഘാ​തം ഉ​ണ്ടാ​കാ​നും ഇ​ത് കാ​ര​ണ​മാ​കും. ഈ ​വീ​ട്ടി​ലേ​ക്ക് വാ​ഹ​നം ക​ട​ന്നു​പോ​കാ​നു​ണ്ടാ​യി​രു​ന്ന റോ​ഡ് പോ​ലും കു​ന്നി​ടി​ച്ച് ത​ക​ര്‍​ക്കു​ന്ന രീ​തി​യി​ലാ​ണ് നി​ര്‍​മാ​ണം ന​ട​ക്കു​ന്ന​തെ​ന്നാ​ണ് ആ​രോ​പ​ണം.

സം​ഘ​ര്‍​ഷാ​വ​സ്ഥ ക​ണ​ക്കി​ലെ​ടു​ത്ത് പോ​ലീ​സ് സം​ഘം ഉ​ള്‍​പ്പെ​ടെ സ്ഥ​ല​ത്ത് എ​ത്തി​യി​രു​ന്നു. സു​ര​ക്ഷ ഉ​റ​പ്പാ​ക്കി​യാ​ണ് നി​ര്‍​മാ​ണ​മെ​ന്ന് നി​ര്‍​മാ​ണ​ക​മ്പ​നി അ​ധി​കൃ​ത​ര്‍ ആ​വ​ര്‍​ത്തി​ക്കു​ന്നു​ണ്ടെ​ങ്കി​ലും അ​തു വി​ ശ്വാ​സ​ത്തി​ലെ​ടു​ക്കാ​ന്‍ ക​ഴി​യി​ല്ലെ​ന്ന നി​ല​പാ​ടി​ലാ​ണ് ആ​ക്ഷ​ന്‍ ക​മ്മി​റ്റി. നി​ല​വി​ല്‍ റോ​ഡി​ന്‍റെ ഇ​രു​വ​ശ​വും അ​പ​ക​ട​ഭീ​ഷ​ണി​യു​ണ്ട്.

ഇ​ന്നു വൈ​കു​ന്നേ​രം മു​ത​ല്‍ ബ​സു​ക​ള്‍ ഉ​ള്‍​പ്പെ​ടെ വ​ലി​യ വാ​ഹ​ന​ങ്ങ​ളു​ടെ ഗ​താ​ഗ​തം ഇ​വി​ടെ പു​നഃ​സ്ഥാ​പി​ക്കു​മെ​ന്നാ​ണ് ക​ഴി​ഞ്ഞ ദി​വ​സം ക​മ്പ​നി അ​ധി​കൃ​ത​ര്‍ അ​റി​യി​ച്ചി​രു​ന്ന​ത്.

നി​ല​വി​ലു​ള്ള സാ​ഹ​ച​ര്യ​ത്തി​ല്‍ ഇ​തു വൈ​കാ​നാ​ണ് സാ​ധ്യ​ത. വി​കെ പാ​റ മു​ത​ല്‍ ബേ​വി​ഞ്ച സ്റ്റാ​ര്‍ ന​ഗ​ര്‍ വ​രെ കു​ന്നി​ടി​ച്ച ഭാ​ഗം സോ​യി​ല്‍ നെ​യ്‌​ലിം​ഗ് ചെ​യ്ത് ഭ​ദ്ര​മാ​ക്കു​മെ​ന്നാ​ണ് അ​ധി​കൃ​ത​ര്‍ പ​റ​യു​ന്ന​ത്. ഈ​യൊ​രു മാ​ര്‍​ഗം എ​ത്ര​ത്തോ​ളം ഫ​ല​പ്ര​ദ​മാ​ണെ​ന്ന കാ​ര്യ​ത്തി​ലും സം​ശ​യ​മു​ണ്ട്. സോ​യി​ല്‍ നെ​യ്‌​ലിം​ഗ് ചെ​യ്ത ഭാ​ഗ​ങ്ങ​ൾ പ​ല​യി​ട​ത്തും ഇ​ടി​ഞ്ഞി​ട്ടു​ണ്ട്.

കു​ന്നി​ടി​ക്ക​ലും ബ​സ് ഗ​താ​ഗ​ത​ത​ട​സ​വും കാ​ര​ണം നാ​ട്ടു​കാ​രു​ടെ​യും യാ​ത്ര​ക്കാ​രു​ടെ​യും ദു​രി​തം ഇ​ര​ട്ടി​ച്ചു. ബ​സു​ക​ളും ലോ​റി​ക​ളും ഉ​ള്‍​പ്പെ​ടെ​യു​ള്ള വ​ലി​യ വാ​ഹ​ന​ങ്ങ​ള്‍ ചെ​ര്‍​ക്ക​ള​യി​ല്‍ നി​ന്നും ച​ട്ട​ഞ്ചാ​ല‍ി​ൽ നി​ന്നും വ​ഴി തി​രി​ച്ചു​വി​ടു​ക​യാ​ണ് ചെ​യ്യു​ന്ന​ത്. ചെ​ര്‍​ക്ക​ള​യ്ക്കും ച​ട്ട​ഞ്ചാ​ലി​നും ഇ​ട​യി​ലു​ള്ള ആ​റു കി​ലോ​മീ​റ്റ​ര്‍ പ്ര​ദേ​ശ​ത്തു​ള്ള കു​ടും​ബ​ങ്ങ​ള്‍ ഒ​റ്റ​പ്പെ​ട്ട അ​വ​സ്ഥ​യി​ലാ​ണു​ള്ള​ത്.

ചി​കി​ത്സാ ആ​വ​ശ്യ​ത്തി​നു​പോ​ലും പു​റ​ത്തി​റ​ങ്ങാ​ന്‍ സാ​ധി​ക്കാ​ത്ത അ​വ​സ്ഥ​യി​ലാ​ണ് ഇ​വ​ര്‍. നി​ര്‍​മാ​ണം ഉ​ട​ന്‍ പൂ​ര്‍​ത്തി​യാ​ക്കു​ന്ന​തി​ലും സു​ര​ക്ഷ ഉ​റ​പ്പു​വ​രു​ത്തു​ന്ന​തി​ലും ജി​ല്ലാ ഭ​ര​ണ​കൂ​ടം നി​സ​ഹാ​യ​വ​സ്ഥ​യി​ലാ​ണെ​ന്നാ​ണ് ആ​ക്ഷേ​പ​മു​യ​രു​ന്ന​ത്.