ഷൂട്ടിംഗില്‍ സ്വര്‍ണം നേടി ശ്വേത ട്രീസ സന്ദീപ്
1465194
Wednesday, October 30, 2024 8:05 AM IST
കൂരാച്ചുണ്ട്: സംസ്ഥാന സ്‌കൂള്‍ ഒളിന്പിക്സില്‍ ഷൂട്ടിംഗ് മത്സരത്തില്‍ സ്വര്‍ണം കരസ്ഥമാക്കി കല്ലാനോട് സെന്‍റ് മേരീസ് ഹയര്‍ സെക്കന്‍ഡറി സ്‌കൂള്‍ വിദ്യാര്‍ഥിനിയായ ശ്വേത ട്രീസ സന്ദീപ്. സീനിയര്‍ ഗേള്‍സ് ഓപ്പണ്‍ സൈറ്റ് എയര്‍ റൈഫില്‍ വിഭാഗത്തിലാണ് ശ്വേത നേട്ടം കൈവരിച്ചത്.
കഴിഞ്ഞ വര്‍ഷം ദേശീയ സ്‌കൂള്‍ ഷൂട്ടിംഗ് ചാമ്പ്യന്‍ഷിപ്പില്‍ ഓപ്പണ്‍ സൈറ്റ് റൈഫിള്‍ ടീം ഇനത്തില്‍ ശ്വേത ഉള്‍പ്പെട്ട ടീം വെള്ളിമെഡല്‍ കരസ്ഥമാക്കിയിരുന്നു. കോഴിക്കോട് തൊണ്ടയാട് റൈഫിള്‍ ക്ലബിലെ അംഗമായ ശ്വേത ഡിസംബറില്‍ നടക്കുന്ന ദേശീയ മത്സരത്തില്‍ പങ്കെടുക്കാനുള്ള തയാറെടുപ്പിലാണ്. കല്ലാനോട് കോതമ്പനാനി സന്ദീപ് - സവിത ദമ്പതികളുടെ മകളാണ് ശ്വേത ട്രീസ സന്ദീപ്.