നിർമലയല്ല, ഇന്ദിര; മോദിയെ തിരുത്തി കോൺഗ്രസ് : Deepika.com Special News

നിയമ വിദഗ്ധരുടെയും ഫോറൻസിക് വിദഗ്ധരുടെയും കണ്ടെത്തലുകൾ മനഃസാക്ഷിയെ ഞെട്ടിക്കുന്നു .രാജ്യത്തിന്‍റെ തന്നെ ശ്രദ്ധ നേടിയ ഒരു കേസും വിചാരണയും വിധിയും നമ്മുടെ നിയമസംവിധാനങ്ങളെയും അന്വേഷണ രീതികളെയും നോക്കി പല്ലിളിക്കുകയാണോ? അഭയ കേസിൽ സിബിഐ കോടതി വിധി പുറത്തു വന്നതിനു ശേഷം നടക്കുന്ന ചർച്ചകൾ കടുത്ത അനീതിയുടെയും മനുഷ്യാവകാശ ലംഘനത്തിന്‍റെയും കഥകൾ പുറത്തുകൊണ്ടുവരുന്നു.

നിർമലയല്ല, ഇന്ദിര; മോദിയെ തിരുത്തി കോൺഗ്രസ്

പ്രധാനമന്ത്രി നരേന്ദ്ര മോദിയുടെ ചരിത്ര ബോധം തിരുത്തി കോണ്‍ഗ്രസ്. നിർമല സീതാരാമനാണ് ഇന്ത്യയുടെ ആദ്യ വനിതാ പ്രതിരോധ മന്ത്രിയെന്ന മോദിയുടെ പ്രസ്താവനയ്ക്കാണ് കോണ്‍ഗ്രസ് തിരുത്തുമായി എത്തിരിയിരിക്കുന്നത്. ഇന്ദിരാ ഗാന്ധിയാണ് ആദ്യ വനിതാ പ്രതിരോധമന്ത്രി. ഇന്ത്യൻ പ്രധാനമന്ത്രിക്ക് ചരിത്രം അറിയില്ലെങ്കിൽ അതു പഠിക്കണമെന്നു പറഞ്ഞാണ് ട്വിറ്ററിൽ കോണ്‍ഗ്രസ് തിരുത്തുമായി എത്തിയത്.

കന്യാകുമാരിയിൽ നടന്ന തെരഞ്ഞെടുപ്പു പ്രചാരണ റാലിക്കിടയിലാണ് നിർമലാ സീതാരാമനാണ് ഇന്ത്യയുടെ ആദ്യ വനിതാ പ്രതിരോധ മന്ത്രിയെന്നു മോദി പറഞ്ഞത്. 1975ൽ ആണ് ഇന്ദിരാ ഗാന്ധി പ്രതിരോധ മന്ത്രിയാവുന്നത്. 1980ൽ വീണ്ടും ഇന്ദിരാ ഗാന്ധി പ്രതിരോധ മന്ത്രിയായി. മോദിയുടെ പൊളിറ്റിക്കൽ സയൻസ് ക്ലാസിൽ ഈ പാഠം പഠിക്കാൻ വിട്ടുപോയതാണോ എന്ന് കോണ്‍ഗ്രസ് ചോദിച്ചു. പൊളിറ്റിക്കൽ സയൻസിൽ ബിരുദമുണ്ട് എന്ന മോദിയുടെ അവകാശവാദത്തെയും കോണ്‍ഗ്രസ് ഇതിലൂടെ കളിയാക്കി.

നേരത്തേ മോദിയുടെ ബിരുദ സർട്ടിഫിക്കറ്റ് പരസ്യപ്പെടുത്താൻ ആം ആദ്മി പാർട്ടി അടക്കമുള്ള പ്രതിപക്ഷ കക്ഷികൾ ആവശ്യപ്പെട്ടുവെങ്കിലും മോദി അതിന് തയാറായിരുന്നില്ല.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.