വീണ്ടും പുൽവാമ മോഡൽ?; കൊല്ലപ്പെട്ട തീവ്രവാദി ആക്രമണത്തിനു പദ്ധതിയിട്ടു : Deepika.com Special News

നിയമ വിദഗ്ധരുടെയും ഫോറൻസിക് വിദഗ്ധരുടെയും കണ്ടെത്തലുകൾ മനഃസാക്ഷിയെ ഞെട്ടിക്കുന്നു .രാജ്യത്തിന്‍റെ തന്നെ ശ്രദ്ധ നേടിയ ഒരു കേസും വിചാരണയും വിധിയും നമ്മുടെ നിയമസംവിധാനങ്ങളെയും അന്വേഷണ രീതികളെയും നോക്കി പല്ലിളിക്കുകയാണോ? അഭയ കേസിൽ സിബിഐ കോടതി വിധി പുറത്തു വന്നതിനു ശേഷം നടക്കുന്ന ചർച്ചകൾ കടുത്ത അനീതിയുടെയും മനുഷ്യാവകാശ ലംഘനത്തിന്‍റെയും കഥകൾ പുറത്തുകൊണ്ടുവരുന്നു.

വീണ്ടും പുൽവാമ മോഡൽ?; കൊല്ലപ്പെട്ട തീവ്രവാദി ആക്രമണത്തിനു പദ്ധതിയിട്ടു

ജമ്മു കാഷ്മീരിലെ കുൽഗാമിൽ കഴിഞ്ഞയാഴ്ച ഏറ്റുമുട്ടലിൽ കൊല്ലപ്പെട്ട തീവ്രവാദികളിൽ ഒരാൾ പുൽവാമ മോഡൽ ചാവേർ ആക്രമണത്തിനു പദ്ധതിയിട്ടതായി സൂചന. ഇയാളുടേതായി സമൂഹമാധ്യമങ്ങളിൽ പ്രചരിക്കുന്ന വീഡിയോയാണ് ഇതു സംബന്ധിച്ചു സൂചന നൽകുന്നത്.

കഴിഞ്ഞ മാസം 24-നാണ് കുൽഗാമിലെ തുരിഗാമിൽ ജയ്ഷെ അംഗങ്ങളായ മൂന്നു ഭീകരർ കൊല്ലപ്പെടുന്നത്. ഷിംഗൻപോറ സ്വദേശി റഖിബ് അഹമ്മദ്, പാക്കിസ്ഥാൻകാരായ വലീദ്, നുമാൻ എന്നിവരായിരുന്നു ഇവർ. ഇവരിൽ റഖിബാണ് പുൽവാമ മോഡൽ ആക്രമണത്തിനു ശ്രമിച്ചത്. ഇയാൾ കൊല്ലപ്പെടുന്നതിനു മുന്പ് പകർത്തിയതാണ് പ്രചരിക്കുന്ന വീഡിയോ.

സുരക്ഷാ ഉദ്യോഗസ്ഥർക്കു നേരെ ചാവേർ ആക്രമണം നടത്തുന്നതു സംബന്ധിച്ചാണ് ആറു മിനിറ്റ് വീഡിയോയിൽ ഇയാൾ പറയുന്നത്. ഈ വീഡിയോ നിങ്ങൾ കാണുന്പോഴേയ്ക്കും താൻ സ്വർഗത്തിൽ എത്തിയിട്ടുണ്ടാകും എന്നും റഖിബ് പറയുന്നതായി വീഡിയോയിൽ കാണാൻ കഴിയും. വീഡിയോയുടെ ആധികാരികത പരിശോധിച്ചു വരികയാണെന്നു പോലീസ് അറിയിച്ചു.

പുൽവാമയിൽ കഴിഞ്ഞ മാസം പതിനാലിനുണ്ടായ ചാവേർ ആക്രമണത്തിൽ 44 സിആർപിഎഫ് ജവാൻമാർ കൊല്ലപ്പെട്ടിരുന്നു. കാഷ്മീർ സ്വദേശിയായ യുവാവാണ് സേനയ്ക്കുനേരെ ആക്രമണം നടത്തിയത്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.