റെയിൽവേ മന്ത്രാലയത്തിനു കീഴിലുള്ള റെയിൽവേ റിക്രൂട്ട്മെന്‍റ് ബോർഡുകൾ ലെവൽ-1 തസ്‌തികകളിലെ ഒഴിവുകളിലേക്ക് വിജ്‌ഞാപനം പ്രസിദ്ധീകരിച്ചു. വിവിധ തസ്‌തികകളിലായി 32,438 ഒഴിവുകളുണ്ട്.
സതേൺ റെയിൽവേയുടെ കീഴിലുള്ള ചെന്നൈ ആർആർബിയിൽ മാത്രം 2694 ഒഴിവുകളുണ്ട്. ഫെബ്രുവരി 22 വരെ ഓൺലൈനായി അപേക്ഷിക്കാം. സെൻട്രലൈസ്‌ഡ്‌ എംപ്ലോയ്മെന്‍റ് നോട്ടീസ് നമ്പർ: 8/2024.
തസ്‌തികകളും ഒഴിവും
ട്രാക്ക് മെയ്ന്‍റെയ്‌നർ - IV (13,187), പോയിന്‍റ്സ്‌മാൻ ബി (5058), അസിസ്റ്റന്‍റ്-വർക്‌ഷോപ് (3077), അസിസ്റ്റന്‍റ് കാരിയേജ് ആൻഡ് വാഗൺ (2587), അസിസ്റ്റന്‍റ് എസ് ആൻഡ് ടി (2012), അസിസ്റ്റന്‍റ് ടിആർഡി (1381), അസിസ്റ്റന്‍റ് ടിഎൽ ആൻഡ് എസി (1048), അസിസ്റ്റന്‍റ് ലോക്കോ ഷെഡ്- ഇലക്‌ട്രിക്കൽ (950),
അസിസ്റ്റന്‍റ് ട്രാക്ക് മെഷീൻ (805), അസിസ്റ്റന്‍റ് ഓപ്പറേഷൻസ് ഇലക്‌ട്രിക്കൽ (741), അസിസ്റ്റന്‍റ് ടിഎൽ ആൻഡ് എസി വർക്‌ഷോപ് (613), അസിസ്റ്റന്‍റ് ലോക്കോ ഷെഡ് ഡീസൽ (420), അസിസ്റ്റന്‍റ് ബ്രിഡ്ജ് (301), അസിസ്റ്റന്‍റ് പിവേ (259).
യോഗ്യത, പ്രായം
യോഗ്യത: പത്താം ക്ലാസ് ജയം അല്ലെങ്കിൽ ഐടിഐ അല്ലെങ്കിൽ തത്തുല്യം അല്ലെങ്കിൽ നാഷനൽ അപ്രന്‍റിസ്‌ഷിപ്പ് സർട്ടിഫിക്കറ്റ് (എൻസിവിടി). അവസാനവർഷ ഫലം കാത്തിരിക്കുന്നവർ അപേക്ഷിക്കേണ്ടതില്ല.
എൻജിനിയറിംഗ് ഡിപ്ലോമ/ബിരുദ യോഗ്യതക്കാരെ കോഴ്സ് കംപ്ലീറ്റഡ് ആക്ട് അപ്രന്‍റിസ്/ ഐടിഐ യോഗ്യതയ്ക്കു പകരമായി പരിഗണിക്കില്ല. അതുപോലെ ഗ്രാജ്വേറ്റ് ആക്ട് അപ്രന്‍റിസും കോഴ്സ് കംപ്ലീറ്റഡ് ആക്ട് അപ്രന്‍റിസ്ഷിപ്പിനു പകരമായി പരിഗണിക്കില്ല.
എല്ലാ യോഗ്യതകളും 2025 ഫെബ്രുവരി 22 അടിസ്‌ഥാനമാക്കി കണക്കാക്കും. യോഗ്യത സംബന്ധിച്ച കൂടുതൽ വ്യവസ്‌ഥകൾക്കു വെബ്സൈറ്റ് കാണുക.
പ്രായം: 18-36 വയസ്. 2025 ജനുവരി 1 അടിസ്‌ഥാനമാക്കി പ്രായം കണക്കാക്കും. പട്ടികവിഭാഗക്കാർക്ക് അഞ്ചും ഒബിസിക്ക് (നോൺ ക്രീമിലെയർ) മൂന്നും ഭിന്നശേഷിക്കാർക്ക് 10 വർഷവും ഉയർന്ന പ്രായപരിധിയിൽ ഇളവു ലഭിക്കും. മറ്റ് ഇളവുകൾ ചട്ടപ്രകാരം.
അപേക്ഷാ ഫീസ്: 500 രൂപ. സിബിടിക്കു ഹാജരാകുന്നവർക്ക് 400 രൂപ തിരികെ നൽകും. (ബാങ്ക് ചാർജുകളും ഈടാക്കും). പട്ടികവിഭാഗം, വിമുക്‌തഭടൻ, ഭിന്നശേഷിക്കാർ, സ്ത്രീകൾ, ട്രാൻസ്ജെൻഡർ, ന്യൂനപക്ഷ വിഭാഗക്കാർ, സാമ്പത്തികമായി പിന്നാക്കം നിൽക്കുന്നവർ എന്നിവർക്ക് 250 രൂപ.
സിബിടിക്കു ഹാജരാകുന്നവർക്ക് 250 രൂപ തിരികെനൽകും. (ബാങ്ക് ചാർജുകൾ ഈടാക്കും). ഇന്‍റർനെറ്റ് ബാങ്കിംഗ്/ഡെബിറ്റ് കാർഡ്/ക്രെഡിറ്റ് കാർഡ്/ യുപിഐ മുഖേന ഓൺലൈനായി ഫീസടയ്ക്കണം.
തെരഞ്ഞെടുപ്പ്: കംപ്യൂട്ടർ ബേസ്‌ഡ് ടെസ്റ്റ് (സിബിടി), ശാരീരിക ക്ഷമത പരിശോധന, ഡോക്യുമെന്‍റ് വെരിഫിക്കേഷൻ, മെഡിക്കൽ പരിശോധന.
എന്നിവ അടിസ്‌ഥാനമാക്കിയാണു തെരഞ്ഞെടുപ്പ് 90 മിനിറ്റ് ദൈർഘ്യമുള്ള പരീക്ഷയിൽ 100 മാർക്കിന്‍റെ ചോദ്യങ്ങളുണ്ടാകും യോഗ്യരായ ഭിന്നശേഷിക്കാർക്കു സ്ക്രൈബോടെ 120 മിനിറ്റ് വരെ ലഭിക്കും.
മാത്തമാറ്റിക്സ് (മാർക്ക് -25), ജനറൽ ഇന്‍റലിജൻസ് ആൻഡ് റീസണിംഗ് (30), ജനറൽ സയൻസ് (25), ജനറൽ അവയർനെസ് ആൻഡ് കറന്‍റ് അഫയേഴ്‌സ് (20) എന്നിവയു ണ്ടാകും. നെഗറ്റീവ് മാർക്കുമുണ്ട്.
ഇംഗ്ലീഷ്, ഹിന്ദി എന്നിവയ്ക്കു പുറമേ മലയാളവും പരീക്ഷാ മാധ്യമമായി തെരഞ്ഞെടുക്കാം. ഉദ്യോഗാർഥികൾ ഒന്നി ലേറെ അപേക്ഷ അയയ്‌ക്കേണ്ടതില്ല.
ശാരീരികക്ഷമത പരിശോധനയ്ക്കു താഴെപ്പറയുന്ന ഇനങ്ങളുണ്ടാകും. പുരുഷൻ: 35 കിലോ തൂക്കമുള്ള ഭാരം എടുത്ത് 2 മിനിറ്റിനുള്ളിൽ 100 മീറ്റർ പൂർത്തിയാക്കണം. 4 മിനിറ്റ് 15 സെക്കൻഡുകൾക്കുള്ളിൽ 1000 മീറ്റർ ഓടാൻ കഴിയണം.
സ്ത്രീ: 20 കിലോ തൂക്കമുള്ള ഭാരം എടുത്തു രണ്ടു മിനിറ്റിനുള്ളിൽ 100 മീ റ്റർ പൂർത്തിയാക്കണം. അഞ്ച് മിനിറ്റ് 40 സെക്കൻഡുകൾക്കുള്ളിൽ 1000 മീറ്റർ ഓടാൻ കഴിയണം.
ഭിന്നശേഷിക്കാർ, കോഴ്സ് പൂർത്തിയാക്കിയ അപ്രന്‍റിസുകൾ, വിമുക്‌തഭടൻ, ഗർഭിണികളായ സ്ത്രീകൾ എന്നിവർക്കു ശാരീരികക്ഷമത പരിശോധന ഉണ്ടായിരിക്കില്ല. ഇളവുകൾ സംബന്ധിച്ച വിവരങ്ങൾക്ക് വെബ്സൈറ്റ് കാണുക.
അപേക്ഷിക്കേണ്ട വിധം:
• ബന്ധപ്പെട്ട ആർആർബി വെബ്സൈറ്റുകളിലൂടെ ഓൺലൈൻ അപേക്ഷ സമർപ്പിക്കാം. അപേക്ഷകന് ഇ-മെയിൽ വിലാസവും മൊബൈൽ നമ്പറും ഉണ്ടായിരിക്കണം. പ്രാഥമിക വിവരങ്ങൾ സമർപ്പിച്ചു കഴിയുമ്പോൾ രജിസ്ട്രേഷൻ നമ്പർ, പാസ്‌വേഡ് എന്നിവ ലഭിക്കും.
ഈ രജിസ്ട്രേഷൻ നമ്പർ പിന്നീടുള്ള ആവശ്യങ്ങൾക്കായി സൂക്ഷിക്കേണ്ടതാണ്. ഒടിപി നമ്പർ ഉദ്യോഗാർഥിയുടെ രജിസ്റ്റർ ചെയ്തിട്ടുള്ള മൊബൈൽ നമ്പർ/ഇ-മെയിൽ ഐഡിയിലൂടെ ലഭിക്കും. ഉദ്യോഗാർ ഥി ഫോട്ടോയും ഒപ്പും JPEG ഫോർമാറ്റിൽ സ്‌കാൻ ചെയ്ത‌് അപ്‌ലോഡ് ചെയ്യണം.
വെളുത്ത/ലൈറ്റ് കളർ പശ്ചാത്തലത്തിൽ 50-100 കെബി സൈസിലുള്ളതാകണം ഫോട്ടോ. ഒപ്പ് 30-50 കെബി (വെള്ളക്കടലാസിൽ കറുത്തമഷി കൊണ്ട്) സൈസിൽ വേണം. ആർആർബികളുടെ വെബ്സൈറ്റ് വിലാസം ഇതോടൊപ്പം പട്ടികയിൽ നൽകിയിട്ടുണ്ട്.
കൂടുതൽ വിവരങ്ങൾക്ക് ബന്ധപ്പെട്ട സൈറ്റുകൾ കാണുക. വിജ്‌ഞാപനത്തിലെ നിർദേശങ്ങൾ മനസിലാക്കിയശേഷം അപേക്ഷിക്കുക.