സെൻട്രൽ ബാങ്ക് ഓഫ് ഇന്ത്യയിൽ സോൺ ബേസ്‌ഡ്‌ ഓഫീസർ തസ്‌തികയിൽ 266 ഒഴിവ്. ഫെബ്രുവരി 9 വരെ ഓൺലൈനായി അപേക്ഷിക്കാം. ജെഎംജിഎസ് ഗ്രേഡ് -1 തസ്‌തികയാണ്.
കേരളം ഉൾപ്പെടുന്ന ചെന്നൈ സോണിൽ 58 ഒഴിവുണ്ട്. ഏതെങ്കിലും വിഷയത്തിൽ ബിരുദം അല്ലെങ്കിൽ തത്തുല്യം. മെഡിക്കൽ, എൻജിനിയറിംഗ്, സിഎ തുടങ്ങി പ്രഫഷണൽ യോഗ്യതയുള്ളവർക്കും അപേക്ഷിക്കാം.
ജോലിപരിചയമുള്ളവർക്കാണ് അവസരം. പ്രായം 21നും 32നും മധ്യേ. സംവരണ വിഭാഗക്കാർക്ക് ഇളവുണ്ട്. 2024 നവംബർ 30 അടിസ്‌ഥാനമാക്കി യോഗ്യത, പ്രായം എന്നിവ കണക്കാക്കും.
ശമ്പളം: 48,480-85,920. എഴുത്തുപരീക്ഷയുടെയും ഇന്‍റവ്യൂവിന്‍റെയും അടിസ്ഥാനത്തിലാണു നിയമനം.
വിവരങ്ങൾക്ക്: www.centralbankofindia.co.in