അ​സ​ന്തു​ഷ്ട​രു​ടെ ക്രി​സ്മ​സ് വി​രു​ന്ന്
മ​ത​വി​ശ്വാ​സ​ത്തി​ലും ധാ​ർ​മി​ക​ത​യി​ലും ഊ​ന്നി​നി​ന്നു​കൊ​ണ്ട് നി​ര​വ​ധി ചെ​റു​ക​ഥ​ക​ളും നോ​വ​ലു​ക​ളും ര​ചി​ച്ച അ​മേ​രി​ക്ക​ൻ സാ​ഹി​ത്യ​കാ​ര​നാ​ണ് ന​ത്താ​നി​യേ​ൽ ഹോ​ത്തോ​ൺ (1804-1864). അ​ദ്ദേ​ഹ​ത്തി​ന്‍റെ പ്ര​സി​ദ്ധ​മാ​യ ഒ​രു ചെ​റു​ക​ഥ​യാ​ണ് ദ ​ക്രി​സ്മ​സ് ബാ​ക്വ​റ്റ്. ഈ ​ക​ഥ​യു​ടെ ഇ​തി​വൃ​ത്തം ചു​രു​ക്ക​ത്തി​ൽ ഇ​ങ്ങ​നെ.

അ​റു​പി​ശു​ക്ക​നാ​യി​രു​ന്ന ഒ​രു ധ​ന​വാ​ൻ. അ​യാ​ളു​ടെ മ​ര​ണ​പ​ത്ര​ത്തി​ൽ ആ​വ​ശ്യ​പ്പെ​ട്ടി​രു​ന്ന ഒ​രു കാ​ര്യം എ​ല്ലാ വ​ർ​ഷ​വും ക്രി​സ്മ​സി​ന്‍റെ അ​വ​സ​ര​ത്തി​ൽ പ​ത്തു പേ​ർ​ക്ക് ഒ​രു വി​രു​ന്നു ന​ൽ​ക​ണ​മെ​ന്നു​ള്ള​താ​ണ്. അ​ങ്ങ​നെ ക്ഷ​ണി​ക്കേ​ണ്ട​തു സ​മൂ​ഹ​ത്തി​ൽ ഏ​റ്റ​വും അ​സ​ന്തു​ഷ്ട​രാ​യി ക​ഴി​യു​ന്ന പ​ത്തു പേ​രെ​യും. ഇ​തി​നു​വേ​ണ്ടി ര​ണ്ടു ട്ര​സ്റ്റി​മാ​രെ അ​യാ​ൾ നി​യ​മി​ക്കു​ക​യും ചെ​യ്തി​രു​ന്നു.

പ​ത്ത് അ​സ​ന്തു​ഷ്ട​ർ

ഒ​രു ക്രി​സ്മ​സ് വി​രു​ന്നി​നു ട്ര​സ്റ്റി​മാ​ർ ക്ഷ​ണി​ച്ച പ​ത്തു പേ​ർ ആ​രെ​ന്ന​റി​യേ​ണ്ടേ? അ​വ​രി​ൽ ഒ​ന്നാ​മ​ത്തെ​യാ​ൾ ഒ​രു ഹി​പ്പോ​കോ​ൺ​ഡ്രി​യാ​ക്. ഇ​ല്ലാ​ത്ത രോ​ഗ​ങ്ങ​ൾ ഉ​ണ്ടെ​ന്നു വി​ശ്വ​സി​ച്ചു സ​ന്തോ​ഷ​വും മ​നഃ​സ​മാ​ധാ​ന​വും ന​ഷ്ട​പ്പെ​ട്ട ആ​ൾ. ര​ണ്ടാ​മ​ത്തെ​യാ​ൾ പ്രാ​യം വ​ർ​ധി​ച്ച​പ്പോ​ഴേ​ക്കും സൗ​ന്ദ​ര്യം ന​ഷ്ട​പ്പെ​ട്ടെ​ന്നു വി​ചാ​രി​ച്ച് ആ​ധി​പൂ​ണ്ട ഒ​രു സ്ത്രീ. ​മൂ​ന്നാ​മ​ൻ വി​ശ്വാ​സം ന​ഷ്ട​പ്പെ​ട്ട് ജീ​വി​ത​വു​മാ​യി ബ​ന്ധ​മി​ല്ലാ​തെ അ​ല​ഞ്ഞു​തി​രി​യു​ന്ന ഒ​രു ഫി​ലോ​സ​ഫ​ർ.

നാ​ലാ​മ​ത്തെ​യാ​ൾ ഒ​രു ഭോ​ജ​ന​പ്രി​യ​ൻ. എ​ത്ര മാ​ത്രം ഇ​ഷ്ടാ​ഹാ​രം ക​ഴി​ച്ചി​ട്ടും തൃ​പ്തി​വ​രാ​ത്ത​വ​ൻ. ബി​സി​ന​സി​ൽ ത​ക​ർ​ച്ച മൂ​ലം അ​തേ​ക്കു​റി​ച്ചു നി​ര​ന്ത​രം വി​ല​പി​ച്ച് പു​തി​യ ജീ​വി​ത സാ​ഹ​ച​ര്യ​ങ്ങ​ളു​മാ​യി പൊ​രു​ത്ത​പ്പെ​ട്ടു​പോ​കാ​ൻ സാ​ധി​ക്കാ​ത്ത​യാ​ളാ​ണ് അ​ഞ്ചാ​മ​ൻ. ആ​റാ​മ​ത്തേ​താ​ക​ട്ടെ വി​വാ​ഹം ക​ഴി​ക്കാ​തെ അ​സം​തൃ​പ്ത​യാ​യി ക​ഴി​യു​ന്ന ഒ​രു സ്ത്രീ.

​മ​റ്റു​ള്ള​വ​രു​ടെ ജീ​വി​ത​വി​ജ​യ​ത്തെ​ക്കു​റി​ച്ചു നി​ര​ന്ത​രം അ​സൂ​യ​പൂ​ണ്ട് ജീ​വി​ക്കു​ന്ന​യാ​ളാ​ണ് ഏ​ഴാ​മ​ത്തേ​ത്. എ​ട്ടാ​മ​നാ​ക​ട്ടെ വ​ലി​യൊ​രു കു​റ്റം ചെ​യ്തി​ട്ട് അ​തു ഏ​റ്റു​പ​റ​യാ​തെ മ​നഃ​സ​മാ​ധാ​നം ന​ഷ്ട​പ്പെ​ട്ട് ജീ​വി​ക്കു​ന്ന ഒ​രു​വ​ൻ. ഒ​ന്പ​താ​മ​ൻ ഒ​രു ജീ​നി​യ​സാ​ണ്. എ​ന്നാ​ൽ, അ​യാ​ളെ ആ​രും അം​ഗീ​ക​രി​ക്കു​ന്നി​ല്ലെ​ന്നു ധ​രി​ച്ചു നി​ര​ന്ത​രം വി​ല​പി​ക്കു​ന്നു. പ​ത്താ​മ​ൻ ഒ​രു ബാ​ല​നാ​ണ്. അ​ജ്ഞാ​ത കാ​ര​ണ​ത്താ​ൽ അ​വ​നും ഒ​രി​ക്ക​ലും സ​ന്തോ​ഷ​മി​ല്ല.

ഈ ​പ​ത്തു​പേ​ർ​ക്കു വേ​ണ്ടി​യാ​യി​രു​ന്നു ക്രി​സ്മ​സ് ഡി​ന്ന​ർ ഒ​രു​ക്കി​യി​രു​ന്ന​ത്. ഡി​ന്ന​റി​നു​ണ്ടാ​യി​രു​ന്ന​താ​ക​ട്ടെ അ​തി​വി​ശി​ഷ്ട​മാ​യ വി​ഭ​വ​ങ്ങ​ളാ​യി​രു​ന്നു. എ​ന്നാ​ൽ, ആ ​വി​രു​ന്നി​നെ​ത്തി​യ​വ​ർ അ​വ ഭ​ക്ഷി​ച്ചു സം​തൃ​പ്ത​രും സ​ന്തോ​ഷ​മു​ള്ള​വ​രു​മാ​യോ? ഇ​ല്ലേ​യി​ല്ല. അ​തി​രു​ചി​ക​ര​മാ​യ ഭ​ക്ഷ​ണം വി​ള​ന്പി​യി​ട്ടും അ​തി​ലൊ​ന്നി​ലു​മാ​യി​രു​ന്നി​ല്ല അ​വ​രു​ടെ ശ്ര​ദ്ധ.

അ​പ്പോ​ഴും ത​ങ്ങ​ളു​ടെ ദഃ​ഖ​ദു​രി​ത​ങ്ങ​ളെ​ക്കു​റി​ച്ചു മാ​ത്രം അ​യ​വി​റ​ക്കി സ്വ​യം വി​ല​പി​ക്കു​ന്ന അ​വ​സ്ഥ​യി​ലാ​യി​രു​ന്നു അ​വ​ർ. മ​റ്റു​ള്ള​വ​രു​ടെ കാ​ര്യ​ങ്ങ​ൾ അ​റി​യാ​നോ അ​വ​രു​മാ​യി സൗ​ഹൃ​ദ സം​ഭാ​ഷ​ണ​വും ന​ട​ത്താ​നോ പോ​ലും ആ​രും ത​യാ​റാ​യ​തു​മി​ല്ല.

ക​ഥ​യി​ലെ കാ​ര്യം


എ​ന്താ​ണ് ഈ ​ക​ഥ ന​ൽ​കു​ന്ന സ​ന്ദേ​ശം. ക്രി​സ്മ​സ് അ​ടി​പൊ​ളി​യാ​യി ആ​ഘോ​ഷി​ക്കു​ന്ന​തു ന​ല്ല​താ​ണ്. എ​ന്നാ​ൽ, അ​തു​കൊ​ണ്ടു മാ​ത്ര​മൊ​ന്നും ന​മു​ക്കു ശ​രി​യാ​യ സ​ന്തോ​ഷ​വും സ​മാ​ധാ​ന​വും ല​ഭി​ക്കി​ല്ല. അ​വ ന​മു​ക്കു ല​ഭി​ക്ക​ണ​മെ​ങ്കി​ൽ സ​മാ​ധാ​ന​വും ശാ​ന്തി​യും ന​മു​ക്കു ന​ൽ​കാ​നാ​യി ഈ ​ഭൂ​മി​യി​ൽ ജാ​ത​നാ​യ ദൈ​വ​പു​ത്ര​നാ​യ ഈ​ശോ​യെ നാം ​അ​ന്വേ​ഷി​ക്ക​ണം. ദൈ​വ​ത്തി​നാ​യി ഹൃ​ദ​യ​ങ്ങ​ൾ തു​റ​ക്ക​ണം.

അ​പ്പോ​ൾ ന​മ്മു​ടെ ഏ​തു ദുഃ​ഖ​വും അ​ലി​ഞ്ഞ് ഇ​ല്ലാ​താ​കും. ഏ​തു പ്ര​തി​സ​ന്ധി​യെ​യും നേ​രി​ടാ​നു​ള്ള മ​നോ​ധൈ​ര്യം ല​ഭി​ക്കു​ക​യും ചെ​യ്യും. പ്ര​സി​ദ്ധ ബ്രി​ട്ടീ​ഷ് ആ​ധ്യാ​ത്മി​ക ചി​ന്ത​ക​നും എ​ഴു​ത്തു​കാ​ര​നു​മാ​യി​രു​ന്ന സി.​എ​സ്. ലൂ​വി​സ് ഇ​പ്ര​കാ​രം എ​ഴു​തു​ന്നു. നീ ​നി​ന്‍റെ കാ​ര്യം മാ​ത്രം അ​ന്വേ​ഷി​ച്ചാ​ൽ നീ ​ക​ണ്ടെ​ത്താ​ൻ പോ​കു​ന്ന​ത് വി​ദ്വേ​ഷ​വും ഏ​കാ​ന്ത​ത​യും നി​രാ​ശ​യും ദേ​ഷ്യ​വും അ​ധഃ​പ​ത​ന​വും നാ​ശ​വും മാ​ത്ര​മാ​യി​രി​ക്കും.

എ​ന്നാ​ൽ, യേ​ശു​വി​നെ അ​ന്വേ​ഷി​ക്കു. അ​പ്പോ​ൾ, നീ ​അ​വി​ട​ത്തെ ക​ണ്ടെ​ത്തും. അ​തോ​ടൊ​പ്പം അ​വി​ട​ന്നു ന​ൽ​കു​ന്ന​വ എ​ല്ലാം.​എ​ന്തൊ​ക്കെ​യാ​ണ് അ​വി​ട​ന്നു ന​ൽ​കു​ന്ന​വ? ന​മു​ക്കു​വേ​ണ്ടി മ​നു​ഷ്യ​നാ​യി അ​വ​ത​രി​ച്ച യേ​ശു പ​റ​യു​ന്നു. നി​ങ്ങ​ളെ​ല്ലാ​വ​രും എ​ന്‍റെ അ​ടു​ക്ക​ൽ വ​രി​ക. ഞാ​ൻ നി​ങ്ങ​ളെ ആ​ശ്വ​സി​പ്പി​ക്കാം (മ​ത്താ 11: 28).

അ​വി​ടു​ത്തെ പ​ക്ക​ലെ​ത്തി​യാ​ൽ ആ​ശ്വ​സി​പ്പി​ക്ക​പ്പെ​ടു​മെ​ന്ന​തി​ൽ ര​ണ്ടു പ​ക്ഷ​മി​ല്ല. അ​തു മാ​ത്ര​മോ. അ​വി​ടു​ന്നു ന​മു​ക്കു ജീ​വ​ൻ ന​ൽ​കു​ക​യും അ​തു സ​മൃ​ദ്ധ​മാ​യി ന​ൽ​കു​ക​യും ചെ​യ്യും (യോ​ഹ 10:10).വി​ശു​ദ്ധ പൗ​ലോ​സ് അ​പ്പ​സ്തോ​ല​ൻ പ​റ​യു​ന്ന​തു ശ്ര​ദ്ധി​ക്കു​ക. ഒ​ന്നി​നെ​ക്കു​റി​ച്ചും ആ​കു​ല​രാ​കേ​ണ്ട, പ്രാ​ർ​ഥ​ന​യി​ലൂ​ടെ​യും അ​പേ​ക്ഷ​യി​ലൂ​ടെ​യും കൃ​ത​ജ്ഞ​താ​സ്തോ​ത്ര​ങ്ങ​ളി​ലൂ​ടെ​യും നി​ങ്ങ​ളു​ടെ യാ​ച​ന​ക​ൾ ദൈ​വ​സ​ന്നി​ധി​യി​ൽ അ​ർ​പ്പി​ക്കു​വി​ൻ.

അ​പ്പോ​ൾ ന​മ്മു​ടെ എ​ല്ലാ ധാ​ര​ണ​ക​ളെ​യും അ​തി​ലം​ഘി​ക്കു​ന്ന ദൈ​വ​ത്തി​ന്‍റെ സ​മാ​ധാ​നം നി​ങ്ങ​ളു​ടെ ഹൃ​ദ​യ​ങ്ങ​ളെ​യും ചി​ന്ത​ക​ളെ​യും യേ​ശു​ക്രി​സ്തു​വി​ൽ കാ​ത്തു​കൊ​ള്ളും (ഫി​ലി​പ്പി 4:7).മു​ക​ളി​ലെ ക​ഥ​യി​ലു​ള്ള​വ​ർ ക്രി​സ്മ​സ് ആ​ഘോ​ഷി​ച്ചു. എ​ന്നാ​ൽ, ആ ​ആ​ഘോ​ഷം സം​ഘ​ടി​പ്പി​ച്ച​വ​രും പ​ങ്കെ​ടു​ത്ത​വ​രും ക്രി​സ്മ​സ് ആ​ഘോ​ഷ​ത്തി​നു കാ​ര​ണ​ഭൂ​ത​നാ​യ യേ​ശു​വി​നെ അ​നു​സ്മ​രി​ച്ചി​ല്ല.

സ്നേ​ഹി​ക്കാ​നും കു​റ്റ​ങ്ങ​ൾ ക്ഷ​മി​ക്കാ​നും മ​റ​ക്കാ​നും പ​ര​സ്പ​രം സ​ഹാ​യി​ക്കാ​നും ദൈ​വ​ത്തി​ൽ എ​പ്പോ​ഴും ആ​ശ്ര​യി​ക്കാ​നു​ള്ള അ​വി​ട​ത്തെ പ​ഠ​ന​ങ്ങ​ൾ അ​വ​ർ വി​സ്മ​രി​ച്ചു. അ​താ​യി​രു​ന്നു അ​വ​രു​ടെ ക്രി​സ്മ​സ് ആ​ഘോ​ഷം വി​ഫ​ല​മാ​കാ​ൻ കാ​ര​ണം. ക്രി​സ്തു പ​ക​ർ​ന്ന​ത് ഒാ​ർ​ക്കാ​നും പി​ന്തു​ട​രാ​നും ക​ഴി​യു​ന്നി​ല്ലെ​ങ്കി​ൽ ന​മ്മു​ടെ ആ​ഘോ​ഷ​ങ്ങ​ളും വ്യ​ർ​ഥ​മാ​കും.

ദൈ​വ​പു​ത്ര​ന്‍റെ മ​നു​ഷ്യാ​വ​താ​ര​ത്തി​ലൂ​ടെ ദൈ​വം ന​മു​ക്കു സ​മീ​പ​സ്ഥ​നാ​യി​രി​ക്കു​ന്നു (ഫി​ലി​പ്പി 5:6). ന​മു​ക്കു സ​ന്തോ​ഷി​ക്കാം. ആ​ഹ്ലാ​ദി​ച്ച് ആ​ർ​പ്പു​വി​ളി​ക്കാം. ഹൃ​ദ​യ​വും മ​ന​സും തു​റ​ക്കാം. ദൈ​വ​ത്തെ ന​മ്മു​ടെ ലോ​ക​ത്തി​ലേ​ക്ക് വ​ര​വേ​ൽ​ക്കാം. ആ ​ആ​ഗ​മ​ന​ത്തി​ന്‍റെ വാ​ർ​ത്ത നി​ര​ന്ത​രം ഉ​ദ്ഘോ​ഷി​ക്കാം. അ​വി​ട​ത്തെ ദി​വ്യ​ന​ക്ഷ​ത്രം തെ​ളി​ക്കു​ന്ന വ​ഴി​ക​ളി​ലൂ​ടെ മാ​ത്രം സ​ഞ്ച​രി​ക്കാം. അ​പ്പോ​ൾ ന​മ്മു​ടെ ജീ​വി​തം സ​ന്തോ​ഷ​വും സ​മാ​ധാ​ന​വും​കൊ​ണ്ട് നി​റ​യും. എ​ല്ലാ​വ​ർ​ക്കും ക്രി​സ്മ​സ് മം​ഗ​ളാ​ശം​സ​ക​ൾ!

ഫാ. ​ജോ​സ് പ​ന്ത​പ്ലാം​തൊ​ട്ടി​യി​ൽ
Copyright @ 2018 , Rashtra Deepika Ltd.