ഷാർജ ഏകർസ് റിയൽ എസ്റ്റേറ്റ് എക്‌സിബിഷൻ: സലാം പാപ്പിനിശേരിയുടെ സാന്നിധ്യം ശ്രദ്ധേയമായി : Deepika.com Nri News Middle East & Gulf

ഷാർജ: എക്സ്പോ സെന്‍ററിൽ നടക്കുന്ന ഏകർസ്(ACRES) റിയൽ എസ്റ്റേറ്റ് എക്‌സിബിഷനിൽ പാൻ അറബ് പ്രോപ്പർട്ടീസ് ആൻഡ് ഇൻവെസ്റ്റ്മെന്‍റ്സ് പങ്കാളിയായി. ഷാർജ റിയൽ എസ്റ്റേറ്റ് രജിസ്ട്രേഷൻ ഡിപ്പാർട്മെന്‍റുമായി സഹകരിച്ച് ഷാർജ ചേംബർ ഓഫ് കൊമേഴ്‌സ് ആൻഡ് ഇൻഡസ്ട്രിയുടെ നേതൃത്വത്തിലാണ് പ്രദർശനം സംഘടിപ്പിക്കുന്നത്.

ബുധനാഴ്ച രാവിലെ 10ന് ഷാർജ എക്‌സ്‌പോ സെന്‍ററിൽ ഷാർജ റൂളേഴ്സ് ഓഫീസ് ചെയർമാൻ ഷെയ്ഖ് സാലിം ബിൻ അബ്‌ദുറഹ്മാൻ അൽ ഖാസിമി പരിപാടിയുടെ ഉദ്‌ഘാടനം നിർവഹിച്ചു. പ്രമുഖ റിയൽ എസ്റ്റേറ്റ് വികസനത്തെയും നിക്ഷേപ കമ്പനികളെയും പ്രതിനിധീകരിച്ച് 110-ലധികം പ്രദർശകരുടെ റിക്കാർഡ് പങ്കാളിത്തമാണ് എക്‌സിബിഷനിൽ ഉണ്ടായത്.

10,000 ചതുരശ്ര മീറ്ററിൽ കൂടുതൽ വ്യാപിച്ചുകിടക്കുന്ന നാല് ദിവസത്തെ പ്രദർശനം, ലക്ഷ്വറി റസിഡൻഷ്യൽ യൂണിറ്റുകൾ, ആധുനിക വില്ലകൾ മുതൽ അത്യാധുനിക വാണിജ്യ, വ്യാവസായിക സംരംഭങ്ങൾവരെ പ്രദർശനത്തിലുണ്ട്.

പുതിയതും പ്രധാനപ്പെട്ടതുമായ റിയൽ എസ്റ്റേറ്റ് പ്രോജക്ടുകൾ അവതരിപ്പിക്കുന്നതിനുള്ള പ്ലാറ്റ്‌ഫോം എന്നതിലുപരി, പാനൽ ചർച്ചകൾ, വർക്ക്‌ഷോപ്പുകൾ, പരിശീലന സെഷനുകൾ, കോഴ്‌സുകൾ, സ്പെഷ്യൽ എന്നിവ ഉൾപ്പെടെയുള്ള ബോധവത്കരണത്തിന്‍റെയും വിദ്യാഭ്യാസ പ്രവർത്തനങ്ങളുടെയും ശക്തമായ പരിപാടികളാണ് എക്‌സിബിഷനിൽ അവതരിപ്പിക്കുന്നത്.

ഏകർസ് റിയൽ എസ്റ്റേറ്റ് എക്സിബിഷനിലൂടെ എമിറേറ്റിൽ ലഭ്യമായ വിപുലമായ നിക്ഷേപ അവസരങ്ങൾ പ്രദർശിപ്പിക്കാനും റിയൽ എസ്റ്റേറ്റ് ഡവലപ്പർമാർക്കും നിക്ഷേപകർക്കും പിന്തുണ നൽകാനും പരസ്പരം പങ്കാളിത്തം സൃഷിക്കാനും ലാഭകരമായ കരാറുകൾ കരസ്ഥമാക്കാനുമുള്ള അവസരങ്ങൾ ലഭ്യമാക്കാനും സാധിച്ചതായി പാൻ അറബ് പ്രോപ്പർടീസ് സി ഇഒ സലാം പാപ്പിനിശേരി പറഞ്ഞു.