പൊ​ടി​യി​ൽമു​ങ്ങി തെ​ങ്ക​ര റോ​ഡ്
Thursday, September 19, 2024 1:42 AM IST
മ​ണ്ണാ​ർ​ക്കാ​ട്: മ​ഴ​നി​ന്ന​തോ​ടെ മ​ണ്ണാ​ർ​ക്കാ​ട് - തെ​ങ്ക​ര റോ​ഡി​ൽ പൊ​ടി​ശ​ല്യം രൂ​ക്ഷ​മാ​കു​ന്നു. ഇ​ത് വാ​ഹ​ന​യാ​ത്ര​ക്കാ​രേ​യും പ​രി​സ​ര​ത്തു​ള്ള​വ​രെ​യും ഒ​രു​പോ​ലെ വ​ല​യ്ക്കു​ക​യാ​ണ്. ടാ​റിം​ഗി​ന് പാ​ക​പ്പെ​ടു​ത്തി​യ റോ​ഡി​ൽ നി​ന്നും വ​ൻ​തോ​തി​ൽ പൊ​ടി ഉ​യ​രു​ന്നു​വെ​ന്ന് മാ​ത്ര​മ​ല്ല മെ​റ്റ​ലു​ക​ൾ ഇ​ള​കി പ​ര​ന്ന് കി​ട​ക്കു​ന്ന​ത് അ​പ​ക​ട​ഭീ​ഷ​ണി​യും ഉ​യ​ർ​ത്തു​ന്നു​ണ്ട്.

വാ​ഹ​ന​ങ്ങ​ൾ ക​ട​ന്നുപോ​കു​മ്പോൾ ക​ല്ലു​ക​ഷ്ണ​ങ്ങ​ൾ ഇ​ള​കി തെ​റി​ക്കു​ക​യും ചെ​യ്യു​ന്നു. ജൂ​ണിലാ​ണ് നെ​ല്ലി​പ്പു​ഴ സ്കൂ​ളി​ന് സ​മീ​പം മു​ത​ൽ തെ​ങ്ക​ര വ​രെ​യു​ള്ള നാ​ല് കി​ലോ​മീ​റ്റ​ർ ദൂ​രത്തി​ൽ ടാ​റി​ംഗ് ന​ട​ത്തു​ന്ന​തി​നാ​യി റോ​ഡ് പ​രു​വ​പ്പെ​ടു​ത്തി​യ​ത്. എ​ന്നാ​ൽ മ​ഴ​യെ​ത്തി​യതോ​ടെ 1.3 കി​ലോ​മീ​റ്റ​ർ ദൂ​ര​ത്തി​ൽ ടാ​റി​ംഗ് പ്ര​വൃ​ത്തി​ക​ൾ നി​ല​ച്ചു.

പൊ​ടി ഉ​യ​രാതി​രി​ക്കാ​നു​ള്ള മി​ശ്രി​ത​മി​ട്ട് പ​രു​വ​പ്പെ​ടു​ത്തി​യ റോ​ഡി​ൽ മ​ഴ പെ​യ്‌​ത​തോ​ടെ കു​ണ്ടും​കു​ഴിക​ളും നി​റ​ഞ്ഞു.​വാ​ഹ​ന​യാ​ത്ര തീ​ർ​ത്തും ദു​രി​ത​വു​മാ​യി. കു​ഴി​ക​ൾ കാ​ര​ണം അ​പ​ക​ടങ്ങ​ളും സം​ഭ​വി​ച്ചി​ട്ടു​ണ്ട്.

നി​ര​ന്ത​രം പ​രാ​തി ഉ​യ​ർ​ന്ന​തി​നാ​ൽ അ​ടു​ത്തി​ടെ മ​ണ്ണു​മാ​ന്തിയന്ത്രം ഉ​പ​യോ​ഗി​ച്ച് കു​ഴി​ക​ൾ നി​ക​ത്തി. ഇ​തി​നി​ടെ ഉ​റ​ച്ചു​കി​ട​ന്നി​രു​ന്ന മെ​റ്റ​ലു​ക​ൾ ഇ​ള​കുക​യും ചെ​യ്തു.

ബ​സ​ട​ക്ക​മു​ള്ള വ​ലി​യ വാ​ഹ​ന​ങ്ങ​ൾ ക​ട​ന്നുപോ​കു​ന്ന​തി​നി​ടെ പൊ​ടി ഉ​യ​രു​മ്പോ​ൾ പിന്നി​ലു​ള്ള വാ​ഹ​ന​ങ്ങ​ൾ​ക്ക് കാ​ഴ്‌​ച​മ​റ​യു​ന്ന സാ​ഹ​ച​ര്യ​മാ​ണ്. കൂ​ടാ​തെ റോ​ഡി​ൽ ഇ​ള​കി കി​ട​ക്കു​ന്ന മെ​റ്റ​ലു​ക​ളി​ലൂ​ടെ ക​യ​റി ഇ​രു​ച​ക്ര​വാ​ഹ​ന​ങ്ങ​ൾ​ക്ക് നി​യ​ന്ത്ര​ണം ന​ഷ്‌​ട​പ്പെ​ടു​ന്നുമു​ണ്ട്.

പാ​ത​യോ​ര​ത്തെ വീ​ടു​ക​ളി​ൽ താ​മ​സി​ക്കു​ന്ന​വ​രും വ്യാ​പാ​ര സ്ഥാ​പ​ന​ങ്ങ​ളി​ലു​ള്ള വ​രും കാ​ൽ​ന​ട​യാ​ത്ര​ക്കാ​രും പൊ​ടി​മൂ​ലം നേ​രി​ടു​ന്ന ബു​ദ്ധി​മു​ട്ടും ചെ​റു​ത​ല്ല.

വാ​ഹ​ന​ത്തി​ര​ക്കേ​റെ​യു​ള്ള രാ​വി​ലേ​യും വൈ​കു​ന്നേ​ര​വു​മാ​ണ് കൂ​ടു​ത​ലും പൊ​ടി ഉ​യ​രു​ന്ന​ത്. ഇ​ത് സം​ബ​ന്ധി​ച്ചെ​ല്ലാം കേ​ര​ള റോ​ഡ് ഫ​ണ്ട് ബോ​ർ​ഡ് അ​ധി​കൃ​ത​ർ​ക്ക് പ​രാ​തി​യും ല​ഭി​ക്കു​ന്നു​ണ്ട്.

മ​ഴ പ്ര​തി​കൂ​ല​മാ​യി​ല്ലെ​ങ്കി​ൽ ത​ട​സപ്പെ​ട്ട് കി​ട​ക്കു​ന്ന ടാ​റി​ംഗ് ജോ​ലി​ക​ൾ അ​ടു​ത്ത ആ​ഴ്ച ആ​രം​ഭി​ക്കു​മെ​ന്ന് കെആ​ർഎ​ഫ്ബി അ​ധി​കൃ​ത​ർ പ​റ​യു​ന്നു.

പു​ഞ്ച​ക്കോ​ട് മു​ത​ൽ നെ​ല്ലി​പ്പു​ഴ സ്കൂ​ളി​ന് സ​മീ​പം വ​രെ​യു​ള്ള ഭാ​ഗ​ത്ത് വീ​ണ്ടും റോ​ഡ് നി​ര​പ്പാ​ക്കി​യ ശേ​ഷം ടാ​റിം​ഗ് ന​ട​ത്താ​നാ​ണ് നീ​ക്കം. 44 കോ​ടി രൂ​പ ചെ​ല​വി​ലാ​ണ് മ​ണ്ണാ​ർ​ക്കാ​ട്-ചി​ന്ന​ത്ത​ടാ​കം അ​ന്ത​ർ​സം​സ്ഥാ​ന പാ​ത​യി​ലെ ആ​ദ്യ​റീ​ച്ച് ന​വീ​ക​ര​ണം ന​ട​ന്നു​വ​രു​ന്ന​ത്.

നെ​ല്ലി​പ്പു​ഴ മു​ത​ൽ ആ​ന​മൂ​ളി വ​രെ​യു​ള്ള എ​ട്ടു കി​ലോ​മീ​റ്റ​റി​ൽ ക​ലു​ങ്കു​ക​ൾ, അ​ഴു​ക്കു​ചാ​ലു​ക​ൾ എ​ന്നി​വ​യ​ട​ക്കം നി​ർ​മി​ച്ചാ​ണ് റോ​ഡ് വി​ക​സ​നം.

പ്ര​ധാ​ന ജം​ഗ്ഷ​നു​ക​ളി​ലും സ്കൂ​ൾ മേ​ഖ​ല​യി​ലു​മാ​യി ആ​കെ ര​ണ്ട​ര കി​ലോമീ​റ്റ​റി​ൽ ഇ​രു​ഭാ​ഗ​ത്തു​മാ​യി കൈ​വ​രി​ക​ളോ​ടു​കൂ​ടി​യ ന​ട​പ്പാ​ത​യും നി​ർ​മി​ക്കും.

ആകെയു​ള്ള 41 ക​ലു​ങ്കു​ക​ളി​ൽ പ​കു​തി​യ​ല​ധി​കം ക​ലു​ങ്കു​ക​ളു​ടെ നി​ർ​മാ​ണം ക​ഴി​ഞ്ഞി​ട്ടു​ണ്ട്. മ​റ്റു​ള്ള​വ​യു​ടെ നി​ർ​മാ​ണ​ജോ​ലി​ക​ൾ ഒ​രു​മാ​സ​ത്തി​ന​കം പൂ​ർ​ത്തി​യാ​ക്കു​ക​യാ​ണ് ല​ക്ഷ്യം.

ഇ​തി​നുശേ​ഷ​മാ​കും തെ​ങ്ക​ര​യി​ൽ നി​ന്നും ആ​ന​മൂ​ളി വ​രെ​യു​ള്ള ഭാ​ഗ​ത്തേ​ക്ക് ടാ​റി​ംഗ് ന​ട​ത്തു​ക​യെ​ന്നാ​ണ് അ​ധി​കൃ​ത​രി​ൽ നി​ന്നും ല​ഭ്യ​മാ​കു​ന്ന വി​വ​രം.
Copyright @ 2018 , Rashtra Deepika Ltd.