Business News
ഉ​ത്സ​വ സീ​സ​ൺ താ​ങ്ങാ​യി; നേട്ടം കൊയ്ത് കുരുമുളക്
ഉ​ത്സ​വ സീ​സ​ൺ താ​ങ്ങാ​യി; നേട്ടം കൊയ്ത് കുരുമുളക്
Sunday, October 27, 2024 10:45 PM IST
വിപണിവിശേഷം / കെ.​​​ബി. ഉ​​​ദ​​​യ​​​ഭാ​​​നു

ദീ​പാ​വ​ലി​ക്കു​ള്ള അ​വ​സാ​ന​ഘ​ട്ട വാ​ങ്ങ​ലു​ക​ൾ കു​രു​മു​ള​ക് നേ​ട്ട​മാ​ക്കി, ല​ക്ഷ്യം ഉ​ത്ത​രേ​ന്ത്യ​ൻ സ്റ്റോ​ക്കി​ന് ഉ​യ​ർ​ന്ന വി​ല ഉ​റ​പ്പു വ​രു​ത്താ​ൻ. രാ​ജ്യാ​ന്ത​ര റ​ബ​ർ വി​പ​ണി​യി​ൽ ചൈ​ന​യു​ടെ നി​റ​ഞ്ഞ സാ​ന്നി​ധ്യ​ത്തി​നാ​യി പു​തു​വ​ർ​ഷം വ​രെ കാ​ത്തി​രി​ക്കേ​ണ്ടി​വ​രും.

ക​ർ​ഷ​ക​രും ഇ​ട​നി​ല​ക്കാ​രും ഷീ​റ്റ് നീ​ക്കം നി​യ​ന്ത്രി​ച്ചു; ട​യ​ർ ലോ​ബി വി​ല ഉ​യ​ർ​ത്തു​മെ​ന്ന പ്ര​തീ​ക്ഷ​യി​ൽ. ഏ​ല​ത്തി​ന് ശ​ക്ത​മാ​യ ആ​ഭ്യ​ന്ത​ര ഡി​മാ​ൻ​ഡ്. ത​മി​ഴ്നാ​ട് ലോ​ബി കൊ​പ്ര വി​റ്റ​ഴി​ക്കാ​ൻ മ​ത്സ​രി​ക്കു​ന്നു. സ്വ​ർ​ണ​ത്തി​നു പു​തി​യ റി​ക്കാ​ർ​ഡ്, രാ​ജ്യാ​ന്ത​ര വി​പ​ണി 2854 ഡോ​ള​റി​നെ ഉ​റ്റു​നോ​ക്കു​ന്നു.

ക​ത്തി​ക്ക​യ​റി കു​രു​മു​ള​ക്

ദീ​പാ​വ​ലി​ക്കു​ള്ള അ​വ​സാ​ന​ഘ​ട്ട കു​രു​മു​ള​ക് വാ​ങ്ങ​ൽ വി​ല ഉ​യ​ർ​ത്തി. ഹൈ​റേ​ഞ്ച് മു​ള​ക് വ​ര​വ് കു​റ​ഞ്ഞ അ​ള​വി​ലാ​യി​രു​ന്നു. നി​ര​ക്ക് ഉ​യ​ർ​ത്തി ച​ര​ക്ക് വാ​ങ്ങാ​ൻ ഉ​ത്ത​രേ​ന്ത്യ​ക്കാ​രെ പ്രേ​രി​പ്പി​ച്ച​തി​ന് പി​ന്നി​ലെ ഉ​ദ്ദേ​ശ്യം മ​റ്റൊ​ന്നാ​യി​രു​ന്നു, കൊ​ച്ചി വി​ല ഉ​യ​ർ​ത്തി ഉ​ത്ത​രേ​ന്ത്യ​ൻ സ്റ്റോ​ക്ക് കൂ​ടി​യ വി​ല​യ്ക്ക് അ​വി​ടെ വി​റ്റ​ഴി​ക്കു​ക. ആ​കെ 147 ട​ൺ ച​ര​ക്ക് വ​ര​വി​ൽ 107 ട​ൺ മാ​ത്ര​മാ​ണ് വി​ല ഉ​യ​ർ​ത്തി വാ​ങ്ങി​യ​ത്.

ഇ​ടു​ക്കി, വ​യ​നാ​ട് ച​ര​ക്കുവ​ര​വ് കു​റ​വാ​ണ്. പു​തി​യ സീ​സ​ണി​ന് മൂ​ന്നു മാ​സ​മെ​ങ്കി​ലും കാ​ത്തി​രി​ക്ക​ണം, കൈ​വ​ശ​മു​ള്ള മു​ള​ക് വി​റ്റു​മാ​റാ​ൻ ഉ​ത്പാ​ദ​ക​ർ ത​യാ​റാ​യി​ല്ല. ആ​ഗോ​ള ഉ​ത്പാ​ദ​നം ചു​രു​ങ്ങു​മെ​ന്ന വി​ല​യി​രു​ത്ത​ലും അ​വ​രെ ച​ര​ക്ക് പി​ടി​ക്കാ​ൻ പ്രേ​രി​പ്പി​ച്ചു. അ​ന്താ​രാ​ഷ്‌​ട്ര മാ​ർ​ക്ക​റ്റി​ൽ ഇ​ന്ത്യ​ൻ വി​ല ട​ണ്ണി​ന് 7900 ഡോ​ള​റാ​ണ്. ഗാ​ർ​ബി​ൾ​ഡ് കു​രു​മു​ള​ക് വി​ല 500 രൂ​പ വ​ർ​ധി​ച്ച് 65,200 രൂ​പ​യാ​യി.

പ്രതീക്ഷ 2026ൽ

ചൈ​നീ​സ് വ്യ​വ​സാ​യി​ക​ൾ രാ​ജ്യാ​ന്ത​ര റ​ബ​റി​ൽ പി​ടി​മു​റു​ക്കാ​ൻ അ​ൽ​പ്പം കൂ​ടി കാ​ത്തി​രി​ക്ക​ണം. ബി​ജിം​ഗ് വ്യ​വ​സാ​യി​ക​ൾ പ​ഴ​യ പ്ര​താ​പം പു​തു​വ​ർ​ഷ​ത്തി​ൽ വീ​ണ്ടെ​ടു​ക്കാം. അ​ഞ്ച് ശ​ത​മാ​നം പ്ര​തീ​ക്ഷി​ച്ച ജി​ഡി​പി വ​ള​ർ​ച്ച 4.8 ശ​ത​മാ​ന​ത്തി​ൽ ഒ​തു​ങ്ങു​മെ​ന്ന ഐ​എം​എ​ഫ് വെ​ളി​പ്പെ​ടു​ത്ത​ൽ റ​ബ​ർ മാ​ർ​ക്ക​റ്റി​ൽ വി​ള്ള​ലു​ള​വാ​ക്കി.

ചൈ​നീ​സ് വ്യ​വ​സാ​യി​ക​ളി​ൽ​നി​ന്നു വ​ൻ ഓ​ർ​ഡ​റു​ക​ൾ പ്ര​തീ​ക്ഷി​ച്ച​ഘ​ട്ട​ത്തി​ലാ​ണ് വ്യാവ​സാ​യി​ക മാ​ന്ദ്യം വി​ട്ടു​മാ​റി​യി​ല്ലെ​ന്ന വി​വ​രം പു​റം​ലോ​കം അ​റി​യു​ന്ന​ത്. എ​ന്നാ​ൽ, അ​ടു​ത്ത വ​ർ​ഷം സ്ഥി​തി​ഗ​തി​ക​ളി​ൽ അ​യ​വ് വ​രു​മെ​ന്ന് അ​ന്താ​രാ​ഷ്‌​ട്ര നാ​ണ​യ നി​ധി വ്യ​ക്ത​മാ​ക്കി.

രാ​ജ്യാ​ന്ത​ര റ​ബ​ർ മാ​ർ​ക്ക​റ്റി​ലെ വ​ൻ​ശ​ക്തി​യെ​ന്ന നി​ല​യ്ക്ക് ചൈ​ന​യി​ലെ ഓ​രോ സം​ഭ​വവി​കാ​സ​വും അ​തേ​വേ​ഗ​ത​യി​ൽ ഏ​ഷ്യ​ൻ റ​ബ​ർ അ​വ​ധി​യി​ൽ പ്ര​തി​ഫ​ലി​ക്കും. രാ​ജ്യാ​ന്ത​ര മാ​ർ​ക്ക​റ്റി​ൽ​നി​ന്നു യു​എ​സ്-​യൂ​റോ​പ്യ​ൻ ബ​യ​ർ​മാ​രും അ​ൽ​പ്പം പി​ന്തി​രി​ഞ്ഞു.

ഇ​റ​ക്കു​മ​തി രാ​ജ്യ​ങ്ങ​ളെ പി​ടി​ച്ചു​നി​ർ​ത്താ​ൻ താ​യ്‌​ല​ൻ​ഡ്, മ​ലേ​ഷ്യ, ഇ​ന്തോ​നേ​ഷ്യ എ​ന്നീ രാ​ജ്യ​ങ്ങ​ൾ താ​ഴ്ന്ന നി​ര​ക്കി​ലെ ക്വട്ടേ​ഷ​ൻ ഇ​റ​ക്കി​യെ​ങ്കി​ലും വ​ൻ​കി​ട ട​യ​ർ ഭീ​മ​ൻ​മാ​ർ മു​ഖം തി​രി​ച്ചു. ബാ​ങ്കോ​ക്കി​ൽ 22,328 രൂ​പ​യി​ൽ നീ​ങ്ങി​യ മൂ​ന്നാം ഗ്രേ​ഡ് ഷീ​റ്റി​ന് 1739 രൂ​പ കു​റ​ഞ്ഞ് 20,589 രൂ​പ​യാ​യി.

ഫ​ണ്ടു​ക​ൾ റ​ബ​ർ അ​വ​ധി​യി​ൽ ലോം​ഗ് ക​വ​റിം​ഗി​ന് കാ​ണി​ച്ച തി​ടു​ക്കം ക​ണ്ട് ഊ​ഹ​ക്ക​ച്ച​വ​ട​ക്കാ​ർ വി​ൽ​പ്പ​ന​ക്കാ​രാ​ക്കി. ഒ​സാ​ക്ക എ​ക്സ്ചേ​ഞ്ചി​ൽ നി​ര​ക്ക് മൂ​ന്നു ശ​ത​മാ​നം ഇ​ടി​ഞ്ഞു. സിം​ഗ​പ്പു​ർ, ചൈ​നീ​സ് മാ​ർ​ക്ക​റ്റി​ലും വി​ല താ​ഴ്ന്നു. വി​പ​ണി സാ​ങ്കേ​തി​ക​മാ​യി സെ​ല്ലിം​ഗ് മൂ​ഡി​ലേ​യ്ക്ക് തി​രി​ഞ്ഞ​തി​നാ​ൽ താ​ഴ്ന്ന ത​ല​ങ്ങ​ളി​ലേ​യ്ക്ക് തി​രു​ത്ത​ലി​ന് ശ്ര​മി​ക്കാം.


ജ​പ്പാ​നി​ൽ ജ​നു​വ​രി അ​വ​ധി ആ​റ് ശ​ത​മാ​നം ഇ​ടി​ഞ്ഞ് 370 യെ​ന്നാ​യി. 372 യെ​ന്നി​ൽ ക്ലോ​സിം​ഗ് ന​ട​ന്ന ഫെ​ബ്രു​വ​രി​ക്ക് 355-336 യെ​ന്നി​ൽ സ​പ്പോ​ർ​ട്ട് ല​ഭി​ക്കാം. യെ​ന്നി​ന്‍റെ വി​നി​മ​യ മൂ​ല്യം ഡോ​ള​റി​ന് മു​ന്നി​ൽ ദു​ർ​ബ​ല​മാ​കാ​നു​ള്ള സാ​ധ്യ​ത​ക​ൾ റ​ബ​റി​ലെ ത​ള​ർ​ച്ച​യെ പി​ടി​ച്ചു നി​ർ​ത്താ​ൻ ഉ​പ​ക​രി​ക്കും. 152.22ൽ ​നി​ല​കൊ​ള്ളു​ന്ന യെ​ന്നി​ന്‍റെ മൂ​ല്യം 153-155.72 റേ​ഞ്ചി​ലേ​ക്ക് ദു​ർ​ബ​ല​മാ​കാ​ൻ സാ​ധ്യ​ത. ക​രു​ത്ത് നേ​ടി​യാ​ൽ 151.44ൽ ​പി​ടി​ച്ചു നി​ൽ​ക്കാം. വ്യാ​ഴാ​ഴ്ച പ​ലി​ശ നി​ര​ക്ക് സം​ബ​ന്ധി​ച്ച് ടോ​ക്കി​യോ പു​തി​യ പ്ര​ഖ്യാ​പ​ന​ങ്ങ​ൾ ന​ട​ത്താം.

ഉ​ത്പാ​ദ​നം ഉ​യ​ർ​ത്താ​ൻ മ​ലേ​ഷ്യ

റ​ബ​ർ ഉ​ത്പാ​ദ​നം ഉ​യ​ർ​ത്താ​നു​ള്ള നീ​ക്ക​ത്തി​ലാ​ണ് മ​ലേ​ഷ്യ. 4,20,000 ഹെ​ക്‌​ട​ർ ഭൂ​മി​യി​ൽ കൃ​ഷി പു​നഃ​സ്ഥാ​പി​ച്ച് പ്ര​തി​വ​ർ​ഷം 5,85,000 ട​ൺ റ​ബ​ർ ഉ​ത്പാ​ദി​പ്പി​ക്കാ​നു​ള്ള പ​ദ്ധ​തി അ​വ​ർ ആ​സൂ​ത്ര​ണം ചെ​യ്തു. ഇ​റ​ക്കു​മ​തി പൂ​ർ​ണ​മാ​യി ത​ട​യു​ക​യാ​ണ് ല​ക്ഷ്യം. വ്യാ​വ​സാ​യി​ക ആ​വ​ശ്യ​ത്തി​ന് 2023ൽ ​മ​ലേ​ഷ്യ ഒ​രു ദ​ശ​ല​ക്ഷം ട​ൺ റ​ബ​ർ ഇ​റ​ക്കു​മ​തി ന​ട​ത്തി​യ​താ​യി മ​ലേ​ഷ്യ​ൻ പ്ലാ​ന്‍റേ​ഷ​ൻ ആ​ൻ​ഡ് ക​മ്മോ​ഡി​റ്റീ​സ് മ​ന്ത്രാ​ല​യം.

സം​സ്ഥാ​ന​ത്ത് റ​ബ​റി​ന് വി​ല്പ​ന​ക്കാ​ർ കു​റ​വെ​ങ്കി​ലും ഇ​റ​ക്കു​മ​തി ച​ര​ക്ക് ഉ​യ​ർ​ത്തി ട​യ​ർ ക​ന്പ​നി​ക​ൾ ആ​ഭ്യ​ന്ത​ര മാ​ർ​ക്ക​റ്റി​ൽ​നി​ന്നും അ​ക​ന്നു​ക​ളി​ച്ചു. 19,000 രൂ​പ​യി​ൽ വി​ല്പ​ന തു​ട​ങ്ങി​യ നാ​ലാം ഗ്രേ​ഡ് 18,000ത്തിലേ​യ്ക്ക് താ​ഴ്ന്നു. മ​ഴ മൂ​ലം പ​ല ഭാ​ഗ​ങ്ങ​ളി​ലും ടാ​പ്പിം​ഗ് സ്തം​ഭി​ച്ചു, റെ​യി​ൻ ഗാ​ർ​ഡ് ഇ​ട്ട തോ​ട്ട​ങ്ങ​ളി​ൽ വെ​ട്ട് ചെ​റി​യ അ​ള​വി​ൽ മു​ന്നേ​റി. ഒ​ട്ടു​പാ​ൽ 12,400 രൂ​പ​യി​ലും ലാ​റ്റ്ക്സ് 11,500 രൂ​പ​യി​ലു​മാ​ണ്.

ഏ​ല​ക്ക ലേ​ല​ത്തി​ൽ പു​തി​യ​തും പ​ഴ​യ​തു​മാ​യ ച​ര​ക്കുവ​ര​വ് ഉ​യ​ർ​ന്നു. ഉ​ത്സ​വ വേ​ള​യാ​യ​തി​നാ​ൽ രാ​ജ്യ​ത്തി​ന്‍റെ എ​ല്ലാ ഭാ​ഗ​ങ്ങ​ളി​ൽ​നി​ന്നു​മുള്ള വാ​ങ്ങ​ലു​കാ​രു​ണ്ട്. വി​ള​വെ​ടു​പ്പ് ന​ട​ക്കു​ന്നു​ണ്ടെ​ങ്കി​ലും ഉ​ത്പാ​ദ​നം പ്ര​തീ​ക്ഷ​യ്ക്കൊ​ത്ത് ഉ​യ​ർ​ന്നി​ല്ലെ​ന്ന് ക​ർ​ഷ​ക​ർ.

ദീ​പാ​വ​ലി​ക്കാ​യി ത​മി​ഴ്നാ​ട്, ക​ർ​ണാ​ട​ക, ആ​ന്ധ്ര, ഡ​ൽ​ഹി, മും​ബൈ, കോ​ൽ​ക്ക​ത്ത ഭാ​ഗ​ങ്ങ​ളി​ൽ ഏ​ല​ത്തി​ന് ഡി​മാ​ൻ​ഡു​ണ്ട്. വാ​രാ​ന്ത്യം വ​ലി​പ്പം കൂ​ടി​യ ഇ​നം ഏ​ല​ക്ക കി​ലോ 2692 രൂ​പ​യി​ലും ശ​രാ​ശ​രി ഇ​ന​ങ്ങ​ൾ 2268 രൂ​പ​യി​ലു​മാ​ണ്.

വെ​ളി​ച്ചെ​ണ്ണ​യ്ക്ക് തിരിച്ചടി

ദീ​പാ​വ​ലി ഡി​മാ​ൻ​ഡി​ൽ ഭ​ക്ഷ്യ​യെ​ണ്ണ വി​പ​ണി ചൂ​ടു​പി​ടി​ച്ചെ​ങ്കി​ലും വെ​ളി​ച്ചെ​ണ്ണ​യ്ക്ക് തി​രി​ച്ച​ടി. ത​മി​ഴ്നാ​ട്ടി​ലെ വ​ൻ​കി​ട തോ​ട്ട​ങ്ങ​ൾ കൊ​പ്ര സ്റ്റോ​ക്ക് വി​റ്റു​മാ​റാ​ൻ മ​ത്സ​രി​ച്ചു. രാ​ജ്യ​ത്ത് ഏ​റ്റ​വും കൂ​ടു​ത​ൽ പാ​ച​ക എ​ണ്ണ വി​ല്പ​ന ദീ​പാ​വ​ലി വേ​ള​യി​ലാ​ണ്.

അ​ൽ​പ്പം ക​രു​ത​ലോ​ടെ കൊ​പ്ര ഇ​റ​ക്കാ​ൻ സ്റ്റോ​ക്കി​സ്റ്റു​ക​ൾ ശ്ര​മി​ച്ചി​രു​ന്നെങ്കി​ൽ പ്ര​തി​സ​ന്ധി ഒ​ഴി​വാ​ക്കാ​മാ​യി​രു​ന്നു. കാ​ങ്ക​യ​ത്ത് കൊ​പ്ര 12,950 രൂ​പ​യി​ൽ​നി​ന്ന് 12,300ലേ​യ്ക്ക് ഇ​ടി​ഞ്ഞു. കൊ​ച്ചി​യി​ൽ മാ​സാ​രം​ഭം മു​ത​ൽ 19,400 രൂ​പ​യി​ൽ നീ​ങ്ങി​യ വെ​ളി​ച്ചെ​ണ്ണ​യ്ക്ക് 100 രൂ​പ കു​റ​ഞ്ഞു. കൊ​പ്ര​യ്ക്ക് 200 രൂ​പ താ​ഴ്ന്ന് 12,600 രൂ​പ​യാ​യി.

ആ​ഭ​ര​ണ വി​പ​ണി​ക​ളി​ൽ പ​വ​ൻ 58,240 രൂ​പ​യി​ൽ​നി​ന്നും 58,720ലേ​യ്ക്ക് ക​യ​റി​യ​തി​നി​ട​യി​ൽ നി​ക്ഷേ​പ​ക​ർ രാ​ജ്യാ​ന്ത​ര വി​പ​ണി​യി​ൽ ലാ​ഭ​മെ​ടു​പ്പ് ന​ട​ത്തി​യ​ത് കേ​ര​ള​ത്തി​ൽ പ​വ​ൻ 58,280 ലേ​യ്ക്ക് സാ​ങ്കേ​തി​ക തി​രു​ത്ത​ലി​ന് ഇ​ട​യാ​ക്കി.

എ​ന്നാ​ൽ വാ​രാ​ന്ത്യം അ​ന്താ​രാ​ഷ്‌​ട്ര മാ​ർ​ക്ക​റ്റ് വീ​ണ്ടും ചൂ​ടു​പി​ടി​ച്ചു, ഇ​തോ​ടെ പ​വ​ൻ സ​ർ​വ​കാ​ല റി​ക്കാ​ർ​ഡാ​യ 58,880 രൂ​പ​യാ​യി. ന്യൂ​യോ​ർ​ക്കി​ൽ സ്വ​ർ​ണം ട്രോ​യ് ഔ​ൺ​സി​ന് 2724 ഡോ​ള​റി​ൽ​നി​ന്നും 2749 വ​രെ ഉ​യ​ർ​ന്നു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.


Copyright @ 2018 , Rashtra Deepika Ltd.