Business News
ഇസ്രയേൽ-ഇറാൻ സംഘർഷം വിനയായി; നിക്ഷേപകർക്ക് നിരാശയുടെ ദീപാവലി
ഇസ്രയേൽ-ഇറാൻ സംഘർഷം വിനയായി; നിക്ഷേപകർക്ക് നിരാശയുടെ ദീപാവലി
Sunday, October 27, 2024 10:45 PM IST
ഓഹരി അവലോകനം/ സോ​​​ണി​​​യ ഭാ​​​നു

ദീ​പാ​വ​ലി​യു​ടെ വെ​ടി​ക്കെ​ട്ട് ഓ​ഹ​രി സൂ​ചി​ക​യി​ൽ പ്ര​തീ​ക്ഷി​ച്ച നി​ക്ഷേ​പ​ക​രെ നി​രാ​ശ​രാ​ക്കും ഇ​സ്ര​യേ​ൽ-​ഇ​റാ​ൻ സ​ഘ​ർ​ഷാ​വ​സ്ഥ. ഏ​ഷ്യ​ൻ മാ​ർ​ക്ക​റ്റു​ക​ൾ തു​ട​ക്ക​ത്തി​ൽ ചു​വ​പ്പ​ണി​ഞ്ഞാ​ൽ ഉ​ച്ച​യോ​ടെ യൂ​റോ​പ്യ​ൻ ഇ​ൻ​ഡ​ക്സു​ക​ളും ചാ​ഞ്ചാ​ടാം.

അ​തേ​സ​മ​യം, അ​മേ​രി​ക്ക​യി​ൽ നാ​സ്ഡാ​ക് സൂ​ചി​ക വാ​രാ​ന്ത്യം സ​ർ​വ​കാ​ല റി​ക്കാ​ർ​ഡി​ലേ​യ്ക്ക് പ്ര​വേ​ശി​ച്ച ആ​വേ​ശ​ത്തി​ലാ​ണ്. ഇ​ന്ത്യ​ൻ ഇ​ൻ​ഡ​ക്സു​ക​ൾ ര​ണ്ട​ര ശ​ത​മാ​നം ഇ​ടി​ഞ്ഞു. സെ​ൻ​സെ​ക്സ് 1822 പോ​യി​ന്‍റും നി​ഫ്റ്റി 673 പോ​യി​ന്‍റും പ്ര​തി​വാ​ര ന​ഷ്ട​ത്തി​ൽ. പ​തി​നാ​ല് മാ​സ​ത്തി​നി​ടെ ഏ​റ്റ​വും ക​ന​ത്ത ന​ഷ്ടം. 2023 ഓ​ഗ​സ്റ്റി​നു ശേ​ഷം ആ​ദ്യ​മാ​യി തു​ട​ർ​ച്ച​യാ​യി നാ​ലാം വാ​ര​ത്തി​ലും ഇ​ടി​വ്.

ഇ​സ്ര​യേ​ൽ-​ഇ​റാ​ൻ നീ​ക്ക​ങ്ങ​ൾ ഓ​ഹ​രി​യെ​യും നാ​ണ​യ വി​പ​ണി​യെ​യും പി​ടി​ച്ചു​ല​യ്ക്കാം. പ്ര​തി​കൂ​ല വാ​ർ​ത്ത​ക​ൾ​ക്കി​ട​യി​ൽ സാ​ന്പ​ത്തി​ക ഞെ​രു​ക്ക​ത്തി​നു​ള്ള സാ​ധ്യ​ത ക​ണ​ക്കി​ലെ​ടു​ത്താ​ൽ ഇ​റ​ക്കു​മ​തി​ക​‌ൾ​ക്ക് നി​യ​ന്ത്ര​ണം വ​രാം.

തകർന്നടിഞ്ഞ് രൂപ

രൂ​പ സ​ർ​വ​കാ​ല റി​ക്കാ​ർ​ഡ് ത​ക​ർ​ച്ച​യാ​യ 84.08ലാ​ണ്. ഒ​രാ​ഴ്ച​യി​ലേ​റെ​യാ​യി രൂ​പ​യെ പി​ടി​ച്ചു​നി​ർ​ത്താ​ൻ ആ​ർ​ബി​ഐ ശ്ര​മി​ക്കു​ന്നു​ണ്ട്. ഒ​ക്‌​ടോ​ബ​ർ ആ​ദ്യം ഇ​തേ കോ​ള​ത്തി​ൽ വ്യ​ക്ത​മാ​ക്കി​യ​താ​ണ് രൂ​പ 84.19ലേ​യ്ക്കും 84.27ലേ​യ്ക്കും ത​ക​രാ​നു​ള്ള സാ​ധ്യ​ത​ക​ളെ​ക്കു​റി​ച്ച്. അ​തേ ടാ​ർ​ജ​റ്റി​ൽ ത​ന്നെ​യാ​ണ് ഫോ​റെ​ക്സ് മാ​ർ​ക്ക​റ്റി​ൽ രൂ​പ ഇ​പ്പോ​ഴും.

ചൈ​നീ​സ് കേ​ന്ദ്ര ബാ​ങ്ക് പ​ലി​ശ ഇ​ള​വ് വ​രു​ത്തി​യ അ​വ​സ​ര​ത്തി​ൽ സൂ​ചി​പ്പി​ച്ച​താ​ണ് ആ​ർ​ബി​ഐയും ​ഇ​തേ പാ​ത​യി​ൽ സ​ഞ്ച​രി​ച്ചി​ല്ലെ​ങ്കി​ൽ വ​ലി​യ വി​ല ന​ൽ​കേ​ണ്ടി​വ​രു​മെ​ന്ന കാ​ര്യം. ബു​ധ​നാ​ഴ്ച ജ​പ്പാ​ൻ കേ​ന്ദ്ര ബാ​ങ്ക് യോ​ഗം ന​ട​ക്കും. യെ​ന്നി​നെ ശ​ക്ത​മാ​ക്കാ​ൻ അ​വ​ർ ന​ട​ത്തു​ന്ന നീ​ക്ക​വും നാം ​ക​ണ്ടി​ല്ലെ​ന്നു ന​ടി​ച്ചാ​ൽ ഇ​റ​ക്കു​മ​തിച്ചെ​ല​വ് ഉ​യ​രു​ന്ന​തി​നൊ​പ്പം നാ​ണ​യ​പ്പെ​രു​പ്പ​ത്തി​നും സാ​ധ്യ​ത.

ഭീഷണിയായി പണപ്പെരുപ്പം

പ​ണ​പ്പെ​രു​പ്പം പു​തി​യ ഭീ​ഷ​ണി​യാ​കും, പ്ര​ത്യേ​കി​ച്ച് ഇ​സ്ര​യേ​ൽ-​ഇ​റാ​ൻ സം​ഘ​ർ​ഷം ഓ​യി​ൽ ടാ​ങ്ക​റു​ക​ളു​ടെ ദി​ശ തി​രി​ക്കു​മെ​ന്ന​ത് ക്രൂ​ഡ് ഇ​റ​ക്കു​മ​തിച്ചെ​ല​വ് ഭാ​രി​ച്ച​താ​ക്കും. ആ​ഗോ​ള എ​ണ്ണക്ക​പ്പ​ലു​ക​ളു​ടെ മൂ​ന്നി​ൽ ഒ​ന്ന് ഹോ​ർ​മു​സ് ക​ട​ലി​ടു​ക്കി​ലൂ​ടെ​യാ​ണ്. ക്രൂ​ഡ് ഓ​യി​ൽ 72 ഡോ​ള​റി​ൽ​നി​ന്നും വാ​രാ​ന്ത്യം ബാ​ര​ലി​ന് 75.86 ഡോ​ള​റാ​യി. വി​പ​ണി​യു​ടെ ച​ല​ന​ങ്ങ​ൾ നി​രീ​ക്ഷി​ച്ചാ​ൽ നി​ര​ക്ക് 84 ഡോ​ള​ർ വ​രെ മു​ന്നേ​റാം.

ഓ​ഹ​രി വി​പ​ണി​യി​ലെ സ്ഥി​തി​ഗ​തി​ക​ൾ അ​ത്ര ശു​ഭ​ക​ര​മ​ല്ല. മു​ൻ​വാ​രം സൂ​ചി​പ്പി​ച്ച​താ​ണ് ഡെ​യ്‌​ലി ചാ​ർ​ട്ടി​ൽ വി​പ​ണി സ​ങ്കേ​തി​ക​മാ​യി സെ​ല്ലിം​ഗ് മൂ​ഡി​ലെ​ന്ന്. എ​ന്നാ​ൽ, വ​ൻ ത​ക​ർ​ച്ച​യു​ടെ സൂ​ച​ന​ക​ൾ ഒ​ന്നും അ​ന്ന് ദൃ​ശ്യ​മ​ല്ലെ​ന്ന​തും. ആ​ഭ്യ​ന്ത​ര ഫ​ണ്ടു​ക​ളു​ടെ നി​റ​ഞ്ഞ സാ​ന്നി​ധ്യം ക​ഴി​ഞ്ഞ വാ​ര​വും ഉ​റ​പ്പ് വ​രു​ത്താ​നാ​യെ​ങ്കി​ലും ദീ​പാ​വ​ലി​ക്ക് ക​ള​ർ​ഫു​ൾ പ്ര​ക​ട​ന​ത്തി​നു​ള്ള സാ​ധ്യ​ത​യ്ക്ക് മ​ങ്ങ​ലേ​റ്റു.

കവറിംഗിന് മത്സരം

ഡെ​റി​വേ​റ്റീ​വ് മാ​ർ​ക്ക​റ്റി​ൽ സെ​റ്റി​ൽ​മെ​ന്‍റ് വേ​ള​യി​ൽ ഊ​ഹ​ക്ക​ച്ച​വ​ട​ക്കാ​ർ ക​വ​റിം​ഗി​ന് മ​ത്സ​രി​ച്ചു.ഇ​തി​നി​ട​യി​ൽ ഓ​പ്പ​ൺ ഇ​ന്‍റ​റ​സ്റ്റ് 157.8 ല​ക്ഷം ക​രാ​റു​ക​ളി​ൽ​നി​ന്നു 158.6 ല​ക്ഷ​മാ​യി ഉ​യ​ർ​ന്നു.

സൂ​ചി​ക​യി​ലെ ത​ക​ർ​ച്ച​യ്ക്കി​ട​യി​ലെ ഈ ​വ​ർ​ധ​ന വി​ര​ൽ ചൂ​ണ്ടു​ന്ന​ത് പു​തി​യ ഷോ​ട്ട് പൊ​സി​ഷ​നു​ക​ളി​ലേ​യ്ക്കാ​ണ്. ന​വം​ബ​ർ നി​ഫ്റ്റി 24,355ലാ​ണ്. ച​ല​ന​ങ്ങ​ൾ വി​ല​യി​രു​ത്തി​യാ​ൽ 23,800ലേ​യ്ക്കും തു​ട​ർ​ന്ന് 23,500ലേ​യ്ക്കും ഇ​ടി​യാ​നു​ള്ള സാ​ധ്യ​ത​ക​ൾ മു​ന്നി​ൽ​ക്ക​ണ്ട് ഓ​പ്പ​റേ​റ്റ​ർ​മാ​ർ ഷോ​ട്ട് പൊ​സി​ഷ​നു​ക​ളി​ൽ പി​ടി​മു​റു​ക്കാം.


നി​ഫ്റ്റി മു​ൻ​വാ​ര​ത്തി​ലെ 24,854 പോ​യി​ന്‍റി​ൽ​നി​ന്ന് 24,935 വ​രെ ക​യ​റി​യ​തി​നി​ട​യി​ൽ വി​ദേ​ശ ഫ​ണ്ടു​ക​ൾ വീ​ണ്ടും വി​ല്പ​ന​യി​ലേ​യ്ക്ക് നി​റ​യൊ​ഴി​ച്ചു. അ​തോ​ടെ പ​ട​ക്കം പൊ​ട്ടും ക​ണ​ക്കെ സൂ​ചി​ക ആ​ദ്യ സ​പ്പോ​ർ​ട്ടും ര​ണ്ടാം സ​പ്പോ​ർ​ട്ടാ​യി സൂ​ചി​പ്പി​ച്ച 24,245 പോ​യി​ന്‍റും ത​ക​ർ​ത്ത് 24,075ലേ​യ്ക്ക് ഇ​ടി​ഞ്ഞു. വ​ൻ ത​ക​ർ​ച്ച​യ്ക്കു ശേ​ഷം അ​ല്പം മെ​ച്ച​പ്പെ​ട്ട് വാ​രാ​ന്ത്യം 24,180 പോ​യി​ന്‍റി​ലാ​ണ്.

സൂ​ചി​ക 19 പ്ര​വൃത്തി​ദി​ന​ങ്ങ​ളി​ൽ എ​ട്ടു ശ​ത​മാ​നം ത​ക​ർ​ന്നു. ഈ​വാ​രം 23,858 ആ​ദ്യ താ​ങ്ങ് സെ​ൽ പ്ര​ഷ​റി​ൽ ത​ക​ർ​ന്നാ​ൽ തി​രു​ത്ത​ൽ 23,536 വ​രെ തു​ട​രാം. വി​പ​ണി​യു​ടെ പ്ര​തി​രോ​ധം 24,718ലാ​ണ്.

ഡെ​യ്‌​ലി ചാ​ർ​ട്ടി​ൽ സൂ​പ്പ​ർ ട്രെ​ന്‍റും, പാ​രാ​ബോ​ളി​ക്കും, എം​എ​സി​ഡി​യും ദു​ർ​ബ​ലാ​വ​സ്ഥ​യി​ലാ​ണ്. മ​റ്റു പ​ല ഇ​ൻ​ഡി​ക്കേ​റ്റ​റു​ക​ളും ഓ​വ​ർ സോ​ൾ​ഡാ​ണെ​ങ്കി​ലും താ​ഴ്ന്ന​ത​ല​ത്തി​ൽ പു​തി​യ ബാ​ധ്യ​ത​ക​ൾ​ക്ക് നി​ക്ഷേ​പ​ക​ർ ധൈ​ര്യം കാ​ണി​ച്ചി​ല്ല.

തകർന്ന് ഓഹരി വിപണികൾ

2020 മാ​ർ​ച്ചി​ൽ കോ​വി​ഡ് കാ​ല​യ​ള​വി​ലെ ലോ​ക്ക് ഡൗ​ണി​ന് ശേ​ഷം ഇ​ത്ത​രം ഒ​രു ത​ക​ർ​ച്ച​യെ ഇ​ന്ത്യ​ൻ നി​ക്ഷേ​പ​ക​ർ അ​ഭി​മു​ഖീ​ക​രി​ക്കു​ന്ന​ത് ആ​ദ്യം. നി​ഫ്റ്റി സെ​പ്റ്റം​ബ​റി​ൽ സ​ർ​വ​കാ​ല റി​ക്കാ​ർ​ഡാ​യ 26,277.35 പോ​യി​ന്‍റി​ൽ​നി​ന്നും ഇ​തി​ന​കം 2000 പോ​യി​ന്‍റ് ഇ​ടി​ഞ്ഞു. നി​ഫ്റ്റി സ്മോ​ൾ ക്യാ​പ്, മി​ഡ് ക്യാ​പ് ഇ​ൻ​ഡ​ക്സു​ക​ൾ റി​ക്കാ​ർ​ഡ് ത​ല​ത്തി​ൽ​നി​ന്നും പ​ത്ത് ശ​ത​മാ​നം ഇ​ടി​ഞ്ഞു.

ബോം​ബെ സൂ​ചി​ക 81,224ൽ​നി​ന്നും 81,679 പോ​യി​ന്‍റുവ​രെ തു​ട​ക്ക​ത്തി​ൽ ക​യ​റി​യെ​ങ്കി​ലും കൂ​ടു​ത​ൽ മി​ക​വി​ന് അ​വ​സ​രം ന​ൽ​കാ​ത്ത​വി​ധം വി​ദേ​ശ ഓ​പ്പ​റേ​റ്റ​ർ​മാ​ർ വി​ല്പ​ന​യ്ക്ക് കാ​ണി​ച്ച തി​ടു​ക്കം 79,144ലേ​യ്ക്ക് ഇ​ടി​ച്ചു. വാ​രാ​ന്ത്യം സെ​ൻ​സെ​ക്സ് 79,402ലാ​ണ്. വി​ദേ​ശ വി​ല്പ​ന തു​ട​ർ​ന്നാ​ൽ സൂ​ചി​ക 78,471ലേ​യ്ക്കും തു​ട​ർ​ന്ന് 77,540 പോ​യി​ന്‍റി​ലേ​ക്കും ത​ള​രാം. ആ​ഭ്യ​ന്ത​ര ഫ​ണ്ടു​ക​ൾ​ക്ക് ബ​യിം​ഗി​ന് ഉ​ത്സാ​ഹി​ച്ചാ​ൽ 81,006ൽ ​ആ​ദ്യ പ്ര​തി​രോ​ധം ത​ല ഉ​യ​ർ​ത്തും.

വിറ്റഴിച്ച് വിദേശ ഫണ്ടുകൾ

വി​ദേ​ശ ഫ​ണ്ടു​ക​ൾ 22,912.63 കോ​ടി രൂ​പ​യു​ടെ ഓ​ഹ​രി​ക​ൾ വി​റ്റ​ഴി​ച്ചു. ഇ​തോ​ടെ ഈ ​മാ​സ​ത്തെ അ​വ​രു​ടെ വി​ല്പ​ന 1,14,130.97 കോ​ടി രൂ​പ​യാ​യി. ആ​ഭ്യ​ന്ത​ര മ്യൂ​ച്വ​ൽ ഫ​ണ്ടു​ക​ൾ 23,175 കോ​ടി രൂ​പ നി​ക്ഷേ​പി​ച്ചു, ഒ​ക്‌​ടോ​ബ​റി​ൽ അ​വ​ർ ഇ​തി​ന​കം 97,351 കോ​ടി രൂ​പ​യു​ടെ നി​ക്ഷേ​പം ന​ട​ത്തി.

അ​ന്താ​രാ​ഷ്‌​ട്ര മാ​ർ​ക്ക​റ്റി​ൽ സ്വ​ർ​ണം തി​ള​ങ്ങി. പ​ശ്ചി​മേ​ഷ്യ​ൻ സം​ഘ​ർ​ഷം ഫ​ണ്ടു​ക​ളെ സ്വ​ർ​ണ​ത്തി​ലേ​യ്ക്ക് അ​ടു​പ്പി​ക്കും. ന്യൂ​യോ​ർ​ക്കി​ൽ ട്രോ​യ് ഔ​ൺ​സി​ന് 2724 ഡോ​ള​റി​ൽ​നി​ന്നും 2749 വ​രെ ക​യ​റി.

യു​ദ്ധ രം​ഗ​ത്തു​നി​ന്നു​ള്ള വെ​ടി​യോ​ച്ച​ക​ൾ ഫ​ണ്ടു​ക​ളെ ഷോ​ട്ട് ക​വ​റിം​ഗി​ന് പ്രേ​രി​പ്പി​ച്ചാ​ൽ ന​വം​ബ​റി​ൽ വി​ല 2854 ഡോ​ള​റാ​കും. ഇ​തി​നി​ട​യി​ൽ യു​എ​സ് ഫെ​ഡ് റി​സ​ർ​വ് പ​ലി​ശ​യി​ൽ ഭേ​ദ​ഗ​തി​ക​ൾ വ​രു​ത്തി​യാ​ൽ പു​തു​വ​ർ​ഷം സ്വ​ർ​ണം ട്രോ​യ് ഔ​ൺ​സി​ന് 3000 ഡോ​ള​റി​ന് മു​ക​ളി​ൽ ഇ​ടം പി​ടി​ക്കും.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.


Copyright @ 2018 , Rashtra Deepika Ltd.